Եկեղեցու նկատմամբ ճնշումների խորացող դրսեւորումները. նոր զարգացումներ Արմավիրի թեմում

Օրվա իշխանությունը վերջին շրջանում հետեւողականորեն ճնշումներ է գործադրում Հայ Առաքելական Եկեղեցու նկատմամբ՝ թիրախավորելով ոչ միայն առանձին հոգեւորականների, այլեւ եկեղեցական ամբողջ ինստիտուտը։ Նիկոլ Փաշինյանը տարբեր հրապարակային հայտարարություններով եւ գործողություններով բազմիցս հայտարարել է, որ նպատակ ունի հասնել Կաթողիկոսի գահընկեցությանը՝ գործի դնելով պետական կառավարման ողջ հնարավոր լծակներն ու ռեսուրսները։ Չնայած այս ճնշումներին՝ Հայ Առաքելական Եկեղեցին ցուցաբերում է արժանապատիվ եւ կանոնական դիմադրություն։

Այդուհանդերձ, արձանագրվել են նաեւ դեպքեր, երբ իշխանությունների ազդեցության եւ ճնշման պայմաններում որոշ հոգեւորականներ, Փաշինյան Նիկոլի ներկայությամբ, խախտել են եկեղեցական կանոնները։ Խոսքը վերաբերում է Պատարագի ընթացքում Ամենայն Հայոց Կաթողիկոսի անվան չհիշատակմանը, ինչը հակականոնական է։ Նման դեպքեր արդեն արձանագրվել են Մասյացոտնի, Արագածոտնի, Վայոց Ձորի եւ Շիրակի թեմերում։ Այսօր Նիկոլ Փաշինյանը մասնակցում է Պատարագի Արմավիրի թեմի Մեծամոր խոշորացված համայնքի Այգեշատ գյուղի եկեղեցում։

Պատարագը մատուցում է թեմի առաջնորդ Սիոն արքեպիսկոպոսը։ «Իրավունք»-ին հասած տեղեկությունների համաձայն, Արմավիրի թեմի առաջնորդ Սիոն սրբազանը մի ամբողջ շաբաթ փորձել է թեմի քահանաներից որեւէ մեկին համոզել, որպեսզի Փաշինյանի ներկայությամբ մատուցեն Պատարագ՝ առանց Ամենայն Հայոց Կաթողիկոսի անվան հիշատակման։ Սակայն թեմի քահանաները, Շիրակի թեմի իրենց հոգեւոր եղբայրների օրինակով, սկզբունքային դիրքորոշում են ցուցաբերել եւ հրաժարվել են հակականոնական պատարագ մատուցելուց։ Արդյունքում, ստիպված Պատարագը մատուցվում է անձամբ թեմի առաջնորդի կողմից։

Ընդ որում, եկեղեցական ընդունված կարգի համաձայն՝ եպիսկոպոսական Պատարագի ժամանակ սովորաբար սպասավորում է որեւէ քահանա, ինչից եւս հրաժարվել են թեմի քահանաները։ Ստեղծված իրավիճակում, ինչպես նախորդ դեպքերում, օգնության է շտապել արդեն հակականոնական պատարագ մատուցած միակ քահանան` Տեր Մկրտիչը։

Այս զարգացումների ֆոնին հարկ է առանձնակի ընդգծել Արմավիրի թեմի քահանաների ցուցաբերած արժանապատիվ եւ կանոնական դիրքորոշումը, որով արդեն երկրորդ անգամ թեմական քահանաներն իրենց բողոքն ու ընդվզումն են հայտնում տասը եպիսկոպոսների որդեգրած հակականոնական ու պառակտիչ ընթացքի դեմ։ Այո՛, Արմավիրի թեմի արժանապատիվ քահանաներն իրենց հավատարմությամբ, խիզախությամբ եւ եկեղեցական կանոններին անսակարկ նվիրվածությամբ՝ եւս մեկ շառաչյուն ապտակ հասցրեցին մի քանի տիրադավ բարձրաստիճան եկեղեցականների։

ՀՐԱՆՏ ՍԱՐԱՖՅԱՆ

Այս թեմայով 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան Կրոնական իրավունքների խումբը զգուշացնում է՝ եկեղեցու ղեկավարությունը փոխելու պետության փորձը մտահոգիչ է Հայ Առաքելական եկեղեցին այսօր տոնում է Սուրբ Մարիամ. Աստվածածնի ծննդյան օրը. Սեպտեմբերի 8 Հերթական դատավորն է փորձում հրաժարվել Կաթողիկոսի «գործը» քննելուց Նիկո՛լ, սա էլ կանցնի, Մխիթար Գոշի դատաստանով ես դատվելու. քաղաքացի