Ամանորն ինձ համար տոների տոնն է. Լիանա Անթառանյան

Ամանորյա ներկայացումներից է սկսվում հեքիաթը: Սա է պատճառը, որ թատրոններում ամիսներ առաջ են սկսում պատրաստվել տոնական ներկայացումներին եւ թատերական աշխարհը, կարծես, նոր շունչ է ստանում։ Թե ինչպիսի ծրագրերով կներկայան Էջմիածնի Վ. Համազասպյանի անվան պետական քոլեջի «Ռեժիսուրա»  բաժնի 4-րդ` ավարտական կուրսի ուսանողներն ու Երեւանի Գ. Ստեփանյանի անվան թիվ 135 դպրոցի «Լիանա Անթառանյան» խմբակի սաները, «Իրավունք»-ը պարզել է դրամատուրգ, ռեժիսոր ԼԻԱՆԱ ԱՆԹԱՌԱՆՅԱՆԻ հետ զրույցում, ով ղեկավարում է քոլեջի ավարտական կուրսի մասնագիտական բաժինն ու թիվ 135 դպրոցի «Լիանա Անթառանյան» թատերական խմբակը։

— Ամանորն ինձ համար տոների տոնն է, եւ որքան էլ տարիներն անցնում են, միեւնույնն է, ես նույն կերպ՝ հեռուներից, այն պարզ ու մանկան պես եմ սպասում ու պատրաստվում ինչպես տանն, այնպես էլ աշխատավայրում:

Ուսանողներիս մոտ աշխատանքները եռում են, նրանք իրենց նախադիպլոմային աշխատանքներն են բեմադրում՝ արձակագիր Անահիտ Ղիասյանի պատմվածքները դարձնելով պիեսներ։ Նրանցից յուրաքանչյուրը պրոֆեսիոնալ մակարդակով ( դերասանների ընտրություն, աշխատանքներ սեղանի շուրջ, նկարչական եւ երաժշտական ձեւավորում) երեք ամիս շարունակ աշխատել է իր գործի վրա՝ որպես կիսամյակային աշխատանք: Ամանորին ընդառաջ տեղի կունենա տոնակատարություն եւ կցուցադրի քոլեջի տնօրինության ու ուսանողների համար։

Իսկ դպրոցում բեմադրում եմ «Ալիսան հրաշքների աշխարհում» ներկայացումը: Ինսցենիրովկան իմն է, նորովի մոտեցմամբ, թե ինչ են մտածում արդի երեխաներն Ամանորի վերաբերյալ, ինչպես է այն անցնում նրանց համար, արդյոք Ձմեռ Պապիկը նրանց բերում է իրենց ուզած նվերները եւ այլն: Ուսուցիչներն անհամբերությամբ են սպասում պրեմիերային, դպրոցը կունենա իր ռեպերտուարը, եւ նրանք ստիպված չեն լինի իրենց աշակերտներին տանել թատրոններ, այլ սեփական դպրոցի դահլիճում, մի քանի սիանսով կդիտեն բոլորի համար սիրելի հեքիաթի նորովի բեմադրությունը։

Օգտվելով առիթից՝ շնորհավորոմ եմ գալիք 2026 Կարմիր Ձիու տարին, թող կատարվեն բոլորի բարի իղձերը:

ՆԱՆԱ ՍԱՐԳՍՅԱՆ

Այս թեմայով ՑԱՆԿ. Գործարար, իրավաբան, լրագրող, տնտեսագետ, քաղաքագետ.Ովքեր են ուժեղների 29 պատգամավորները Լիանա Վանոյանը դիմել է վիրահատական միջամտության և պատմել իր վիճակի մասին․ Մանրամասներ Շու’տ ապաքինվիր և շարունակի’ր քո հայրենանվեր գործը. Տեր Վրթանեսի կինը գրառում է արել ու լուսանկարներ հրապարակել Երգչուհի Լիանան նոր երգ ունի Ինչի մեջ է մեղադրվում 8 ամսական երեխայի մայրը.Մանրամասներ