Politico.Ուկրաինան համաձայնել է զորքերը դուրս բերել Դոնբասից եւ այնտեղ ստեղծել «ազատ տնտեսական գոտի»

 Միացյալ Նահանգներին Ուկրաինայի ներկայացված խաղաղության ծրագրի վերջին տարբերակը ենթադրում է դուրս բերել ռուսական եւ ուկրաինական զորքերը Դոնբասից եւ ստեղծել «ազատ տնտեսական գոտի» տարածաշրջանում, Politico-ին հայտնել են տեղեկացված աղբյուրները: Սպիտակ տան մամուլի քարտուղար Քերոլայն Լեւիթը դեկտեմբերի 11-ին հաստատել է, որ նախագահ Դոնալդ Թրամփը վերանայել է Ուկրաինայի առաջարկած ծրագիրը: Փաստաթուղթը, ինչպես սպասվում է, կքննարկվի ԱՄՆ, Ուկրաինայի, Ֆրանսիայի, Գերմանիայի եւ Մեծ Բրիտանիայի կողմից շաբաթ օրը՝ դեկտեմբերի 12-ին:

Միեւնույն ժամանակ, Զելենսկին դեկտեմբերի 11-ին հայտնել է, որ Դոնբասի՝ Ուկրաինայի կողմից վերահսկվող տարածքներում «ազատ տնտեսական գոտի» ստեղծելու գաղափարը բարձրաձայնել է Միացյալ Նահանգները։ Նրա խոսքով՝ Վաշինգտոնը տեսնում է փոխզիջում, որի դեպքում ուկրաինական զորքերը դուրս են գալիս այդ տարածքից, իսկ ռուսական զորքերը չեն մտնում։ Միեւնույն ժամանակ, անհասկանալի է մնում, թե ով է կառավարելու այս գոտին։ Զելենսկին նաեւ ընդգծել է, որ Ռուսաստանին ցանկացած տարածքային զիջում պետք է հաստատվի ուկրաինացիների կողմից հանրաքվեի միջոցով։

Այս թեմայով Իսրայելի «14-րդ ալիքը» պնդում է, որ Իրանը միջուկային զենք է ձեռք բերել Հյուսիսային Կորեայից Թրամփ. Ռուսաստանը և Ուկրաինան կարող են համաձայնության գալ մինչև ձմեռ Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան Ինչ նոտարական ծառայությունից է օգտվել Արայիկ Հարությունը իրականում. Բաքվի գերությունը հաղթահարած Գեւորգ Սուջյանը փակագծեր է բացում Ուկրաինան մտնում է պատերազմի ամենադժվար շրջանը. Ռուսաստանը ոչնչացնում է տնտեսությունը. The New York Times