Ծաղկաձորում կիրականցվի տարածաշրջանի համար եզակի նախագիծ

Բարձր սպասարկման ստանդարտներ սահմանելը և ապահովելը շուտով իրականություն կդառնա Հայաստանում նոր կոնցեպտ առաջարկող Pallada բազմաֆունկցիոնալ բնակելի համալիրում:

Best Western Hotels միջազգային հյուրանոցային ցանցի տարածաշրջանային պաշտոնական ներկայացուցիչ Ստեֆան Դուբբելինգը և New City Projects ընկերության գործադիր տնօրեն Վահե Դավթյանը  դեկտեմբերի 10-ին ստորագրեցին համագործակցության պայմանագիր՝ Ծաղկաձորի սրտում կառուցվող պրեմիում դասի Pallada համալիրի կառավարման և հանրությանը ներկայացման ուղղությամբ: Այդ մասին է տեղեկացնում New City Projects -ի հանրային կապերի պատասխանատու Դիանա Հարությունյանը:

Միջոցառման ընթացքում կողմերը ներկայացրին Pallada նախագծի տեսլականը՝ շեշտելով, որ բարձր սպասարկման ստանդարտների ներդրումն արդեն սկսված է, և շուտով այն կդառնա Հայաստանի թե՛ զբոսաշրջային, թե՛ ներդրումային և թե՛ բնակելի համալիրների  ոլորտներում նոր որակի խորհրդանիշ։

Ներկայացվեց, որ Ծաղկաձորի կենտրոնական Ծաղկունյաց հրապարակի հարևանությամբ կառուցվող Pallada-ն տարածաշրջանի համար եզակի նախագիծ է։ Այն միավորում է ամենօրյա կյանքի հարմարավետությունը, առողջարար միջավայրը, հանգիստն ու ակտիվ ժամանցը՝ առաջարկելով լեռնային հանգստի նոր մշակույթ։ Համալիրը բաղկացած է լինելու 8 մասնաշենքից, որտեղ յուրաքանչյուր բնակարան նախագծված է որպես լիարժեք հյուրանոցային սենյակ՝ ապահովված համապատասխան սպասարկման ստանդարտներով։ Best Western Hotels-ի ներգրավվածությունը ապահովելու է այդ ստանդարտների միջազգային համապատասխանությունն ու շարունակական վերահսկումը։

Նախագիծը նախատեսված է ամբողջ տարվա ընթացքում լիարժեք հանգստի, ակտիվ ժամանցի և առողջարար կյանքի հնարավորություններ ապահովելու համար՝ դարձնելով այն ինչպես զբոսաշրջիկների, այնպես էլ ներդրողների համար գրավիչ ուղղություն։ Այն յուրահատուկ բնակելի համալիր է, որը կատարյալ ընտրություն է թե՛ մշտական բնակության, թե՛ հանգստի համար։

Համալիրում նախատեսված 137 բնակարանը կգործեն որպես Best Western Premier, իսկ 43 բնակարանը՝ որպես Best Western apartments։ Մնացած 600-ից ավելի բնակարանները կգործեն որպես Best Western Residences բնակելի հատված՝ կառավարման և սպասարկման գործառույթներով, որոնք վստահվելու են փորձառու  կառավարչական ընկերության։

Պայմանագրի ստորագրումն ընդգծեց Best Western Hotels֊ի հետաքրքրվածությունը Հայաստանի զբոսաշրջության զարգացմամբ, ինչպես նաև New City Projects-ի շարունակական հանձնառությունը՝ բարձրակարգ, միջազգային չափանիշներով նախագծեր իրականացնելու գործում։

New City Projects-ի համար Pallada-ն ավելին քան կառուցապատման հերթական ծրագիր է, այլ կարևոր ներդրումային նախաձեռնություն, որը նպատակ ունի բարձրացնել Ծաղկաձորի զբոսաշրջային գրավչությունը, առաջարկել նոր որակ ու նոր միջավայր ամբողջ տարածաշրջանի համար։

Best Western Hotels-ի հետ համագործակցությունը կերաշխավորի միջազգային ստանդարտներին համապատասխան սպասարկում, շարունակական որակի վերահսկում և համալիրի հետագա կայուն զարգացում։

Այս թեմայով Ադրբեջանից Վրաստանի տարածքով Հայաստան է ժամանել նավթամթերքով բեռնված գնացքը Դուք զբաղված եք մարդկանց մոլորեցնելով, ոչ թե մտահոգ եք երկրի հզորացմամբ և խաղաղության հաստատմամբ TRIPP-ի կյանքի կոչվելը որեւէ կերպ չի կարող սպառնալ Իրանի անվտանգությանը. Իրանահայ խմբագիրը մանրամասներ է ներկայացնում «Սարխանի» լրտեսության գործի մանրամասները. «Սալամ, Թուրալ» Մհեր Ավետիսյանը կա՛մ տեղյակ չէ ՀՀ-ում ինչ է կատարվում եւ հենց այնպես խոսում է, կա՛մ… Հայկ Բաբուխանյան