«Դավաճանել են իրենց իսկ քարոզած արժեքներին». Հայկ Մամիջանյան

Հայաստանում 5 տասնյակից ավելի քաղբանտարկյալ կա, լրագրողների հետ զրույցում ասաց ԱԺ «Պատիվ ունեմ» խմբակցության ղեկավար Հայկ Մամիջանյանը, ով, բազմաթիվ գործիչների հետ միասին, մասնակցում էր քաղբանտարկյալներ Նարեկ Սամսոնյանին ու Վազգեն Սաղաթելյանին ազատ արձակելու պահանջով բողոքի ակցիային։

Ակցիան ընթանում էր Երևանի Ազատության հրապարակում։ Օրն էլ պատահական չէր ընտրված. այսօր դեկտեմբերի 10-ն է, մարդու իրավունքների պաշտպանության միջազգային օրը։

Հայաստանում մարդու իրավունքների նկատմամբ ոտնձգությունները, սակայն, շարունակվում են։ Ինչպես նշեց «Պատիվ ունեմ» խմբակցության ղեկավարը, Հայաստանում թիրախավորվում են ոչ միայն իշխանության ընդդիմախոսները, այլև լրատվամիջոցները։

«Հենց Անտիֆեյքի» դեպքը ոչ միայն Նարեկ Սամսոնյանին ու Վազգեն Սաղաթելյանին, այլ նաև լրատվական ծառայությանը թիրախավորելու փորձ էր. «Անտիֆեյքի» տեխնիկան առգրավվեց, սակայն աջակիցների միջոցներով նորից տեխնիկա ձեռք բերվեց»,- հիշեցրեց Մամիջանյանը։

Նա նշեց նաև՝ թեպետ միջազգային կառույցները տեղյակ են Սամսոնյանի ու Սաղաթելյանի, ինչպես նաև նրանց հիմնադրած «Անտիֆեյք» հարթակի հետ կատարվածի մասին, սակայն արձագանքը ավելի մեծ պիտի լինի, դա է ակնկալվում Հայաստանում մարդու իրավունքների ոլորտում տիրող խայտառակ վիճակի պայմաններում.

«Վերջին շրջանում, սակայն, միջազգային կառույցների զգալի հատվածը աշխարհաքաղաքական շահերը նախընտրում է արժեքահեն քաղաքականությանը, այսինքն՝ այն արժեքներին, որոնք իրենք դավանում էին, որոն քարոզում էին։ Իրենք են դավաճանել այդ արժեքներին և չեն խոսում մարդու իրավունքների ակնհայտ խախտումների, ակնհայտ քաղաքական հետապնդումների, քաղբանտարկյալների մասին»։

Այս թեմայով ՔՊ-ի կեղտոտ սպիտակեղենը փռել են արեւին «Ժողովուրդ». Քննարկվում է Ավետ Կոնջոյանին և Հայկ Սարգսյանին ՔՊ-ից հեռացնելու հարցը Նոյեմբերի 9-ը Հայաստանի փրկօղակն էր․ Հայկ Այվազյան «Հրապարակ»․ Հայկ Սարգսյանին ներում-բեկում չի լինելու Հայկ Սարգսյանն ասեց՝ պապայի ընկերն ա, կարա՞ գա. Սիմոնյանը մանրամասներ է պատմում քրեական հեղինակության հետ հանդիպումից