«Իրավունք». 10 եպիսկոպոսների հայտարարությունը իրավապահները չեն ուսումնասիրել

Մամուլի տեսություն 10 Դեկտեմբեր, 2025 10:55

«Իրավունք» թերթը գրում է.

«ՀՀ վարչապետ Նիկոլ Փաշինյանի հետ հանդիպած եպիսկոպոսները իրենց հայտարարության մեջ մասնավորապես նշել են. «Շատ ենք ցավում վերջին ամիսներին մեր Եկեղեցու ներսում եւ մեր Եկեղեցու շուրջ առկա անառողջ մթնոլորտի համար, որ փոթորկում է մեր բոլորի հոգիները։ Այս ամենը գուցե չլիներ, եթե արդար, առանց ահաբեկումների լիներ 1999թ. Կաթողիկոսական ընտրությունը»:

Ըստ էության, սա հայտարարություն է այն մասին, որ 1999թ. Հոկտեմբերի 27-ին գործող Կաթողիկոսի ընտրությունների ընթացքում տեղի են ունեցել ահաբեկումներ, որոնք ուղղված էին գործող Կաթողիկոսի ընտրվելու արդյունքի վրա: Արդյոք վերը նշված հայտարարության հիման վրա հարուցվե՞լ է քրեական վարույթ՝ պարզելու համար ահաբեկումներ եղե՞լ են, ու դրանք պատվիրած անձանց շրջանակը:

Նույն հարցն ուղղել էինք ե´ւ դատախազությանը, ե´ւ Քննչական կոմիտեին: Երկու տեղից արձագանքել են, որ նշված հայտարարությունը չի ուսումնասիրվել այս պահին իրենց կողմից՝ հավելելով, որ ուսումնասիրվելու դեպքում կանդրադառնան մեր հարցին:

Հետաքրքիր բան է ստացվում: Երբ ընդդիմադիր ուղղվածության հոգեւորականները հրապարակային խոսքով մի թեթեւ «կճմթում» են իշխանություններին, իրավապահների կողմից «ուսումնասիրելն» ու իրար հետեւից չորս սրբազանի բանտտանելը չի հապաղում: Իսկ այս դեպքում, 10 սրբազանով գրավոր հայտարարություն են արել պետական մասշտաբի հանցագործության մասին:

Ու պարզվում է, որ դա անգամ «չի ուսումնասիրվել»: Լավ, հուսանք, որ հիմա գոնե կուսումնասիրե՞ն»։

Մանրամասները կարդացեք «Իրավունք» թերթի այսօրվա համարում

https://iravunk.com/sim/?p=329925&l=am/

Այս թեմայով

⚡️⚡️«Իրավունք» թերթի այսօրվա տպագիր համարում կարդացե՛ք...

ԱՀԱԶԱՆԳ. Արցախի հարցը փակվում է ոչ միայն քաղաքական, այլև բարոյաիրավական հարթությունում