Հանկարծամահ լինելուց առաջ հարցաքննել էին հրաշագործ բժշկին. «Ժողովուրդ»

Ժողովուրդ» օրաթերթը տեղեկացավ, որ հանկարծամահ եղած բժիշկ, ԵՊԲՀ պատվավոր պրոֆեսոր Արտավազդ Սահակյանը մահվանից օրեր առաջ իրավապահների մոտ հարցաքննվել է ՆԳ եւ ԱԱՆ նախկին փոխնախարար, գեներալ-մայոր Արծրուն Մարգարյանի մահվան աղմկահարույց գործով։

«Հայաստան» խմբակցության պատգամավոր Արթուր Խաչատրյանն իր էջում գրել է, որ բժշկին վերջին անգամ տեսել է հերթապահության ժամանակ․ Սահակյանը պատմել է, որ կանչվել է Քննչական կոմիտե, վերադարձել է անտրամադիր ու վիրավորված, խոսվել է նույնիսկ Արծրուն Մարգարյանին հնարավոր արտաշիրիմում անելու մասին, եւ նա «շատ հոգնած» ու ճնշված տպավորություն է թողել։

«Ժողովուրդ» օրաթերթը նախկինում գրել էր, որ ՀՀ ՆԳ եւ ԱԱ փոխնախարար, գեներալ-մայոր Արծրուն Մարգարյանը, պաշտոնապես հաստատված վարկածի համաձայն, 1999թ. փետրվարի 9-ին երկու կրակոցով ինքնասպանություն է գործել՝ մի անգամ կրակելով գլխին, մի անգամ՝ սրտի շրջանում:

Միեւնույն ժամանակ պարզվում է, որ 1999-ին հնգամսյա կալանքից ազատ են արձակվել ներքին զորքերի հրամանատար Արծրուն Մարգարյանի սպանության համար կասկածվող թիկնապահներ Արսեն եւ Արմեն Խաչատրյանները։

Հիմա, ըստ իրավապաշտպան ու մեդիա շրջանակների հրապարակումների, գործը վերաբացվել է, եւ իշխանությունները փորձում են այդ հին, մինչեւ վերջ չբացահայտված պատմությունը օգտագործել քաղաքական նպատակներով՝ կասկածի տակ դնելով գործով առանցքային վկա Հրանտ Պապիկյանի երբեմնի ցուցմունքները, այն դեպքում, երբ վերջինս 2020թ․ պատերազմի օրերին գերեվարվել ու բռնի անհետացել է եւ չի կարող հաստատել կամ հերքել իր խոսքը։

Բայց քննիչը հարցաքննել է լեգենդար բժիշկ Արտավազդ Սահակյանին:

Մամուլում տարիներ առաջ արդեն շրջանառվել էր Արտավազդ Սահակյանի անվան կապը Արծրուն Մարգարյանի գործի հետ տարբեր հրապարակումներում: Հավանաբար դարձյալ մամուլի հրապարակումները Անդրանիկ Քոչարյանի նման մի պատգամավոր ուղարկել է ուժայիններին, որոնք էլ քաղաքական նպատակահարմարությամբ պայմանավորված՝ վարույթի քննությունը վերսկսել են եւ արտաշիրիմում անելու պլաններ գծել»։

Այս թեմայով Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել Իջեւան համայնքի առեղծվածն ու զարգացման գաղտնիքը Լիսկան դոկտոր-պրոֆեսոր է, Ծառուկյանն էլ՝ գրքի հեղինակ, հլը պտի պատասխան տաք. Փաշինյանը՝ կրթության որակի մասին Հոգեբանական բարեկեցության ծրագիր ուսուցիչների համար. Լուսանկար