Միհրան Հակոբյանի վրա բորենիաբար հարձակման միակ պատասխանատուն Հայաստանում գործող ռեժիմն է․ Սամսոնյան

«Քաղաքացիական գիտակցություն» ՀԿ ղեկավար, AntiFake.am կայքի հիմնադիր, «Իմնեմնիմի» փոդքասթի համահեղինակ և վարող, քաղբանտարկյալ Նարեկ Սամսոնյանն իր աջակցությունն է հայտնել հանրային գործիչ Միհրան Հակոբյանին «Արմավիր» քրեակատարողական հիմնարկից.

«Միհրան Հակոբյանի վրա բորենիաբար հարձակման միակ պատասխանատուն Հայաստանում գործող ռեժիմն է՝ իր պարագլխի գլխավորությամբ։

Հայաստանում հաստատված իրավական ամենաթողության հաջորդ փուլը տրամաբանորեն պետք է լիներ փողոցներում ընդդիմախոսների նկատմամբ ֆիզիկական հաշվեհարդարների շարքը։ Ընդհանրապես, հաստատված ռեժիմը սրընթաց գահավիժում է դեպի ամբողջական բռնապետություն, որի համար ռեժիմի պարագլուխը շատ թանկ է վճարելու։

Այսօրվա արևմտյան համերաշխությունը ռեժիմի բորենիություններին «երկսայրանի սրի» տրամաբանությամբ մի գիշերվա ընթացքում թեքվելու է հենց ռեժիմի ու դրա պարագլխի դեմ։ Մուամմար Քադդաֆին էլ տասնամյակներ շարունակ ուներ Մեծ Բրիտանիայի, Ֆրանսիայի և անգամ ԱՄՆ կառավարությունների թողտվությունը Լիբիայում ամեն տեսակի այլանդակություններ անելու, բայց մի օր անգամ այդ քարտ բլանշն ավարտվեց։ Ի դեպ, այսօր Ֆրանսիայի նախկին նախագահ Նիկոլա Սարկոզին ֆրանսիական դատարանի կողմից դատապարտվել է հենց Մուամմար Քադդաֆիի հետ ունեցած կոռուպցիոն կապերի մեղադրանքով։

Առավել քան վստահ եմ, որ Հայաստանի պարագայում ևս արևմտյան քաղաքական կուրության պաշարը մի օր սպառվելու է, և այս օրերին մեր երկրում տեղի ունեցողի բոլոր մեղավորները կանչվելու են պատասխանատվության։

Իմ զորակցությունն եմ հայտնում Միհրան Հակոբյանին։ Վստահ եմ, որ հարձակումը բորենիաբար՝ թիկունքից, հանկարծակի և մի քանի հոգով չլիներ, այսօր ավելի մեծ վնասվածքներով կլինեին տվյալ հանցագործությունն իրականացնողները։

Քաղբանտարկյալ Նարեկ Սամսոնյան,

«Արմավիր» ՔԿՀ, 08.12.2025թ.»։

Այս թեմայով Դատարանը հետաձգեց Վազգեն Սաղաթելյանի կալանքի դեմ բողոքի վերաբերյալ որոշման կայացումը. փաստաբան Վազգեն եպիսկոպոս Միրզախանյանը վերջին հարցազրույցներից մեկում շնությունը (պոռնկությունն) անվանել է բնական մեղք Գերագույն հոգևոր խորհրդից հեռացվել են Նավասարդ արքեպիսկոպոս Կճոյանը, Գևորգ եպիսկոպոս Սարոյան և Վազգեն արքեպիսկոպոս Միզախանյանը Վազգեն Միրզախանյանի քույրը մանկապարտեզի աշխատակիցներին ստիպում է մասնակցել Էջմիածին արշավանքին Առաջինը ես չէի հարգի Նարեկին, եթե վախենար Ալենից ու Նիկոլից. քաղբանտարկյալ Սամսոնյանի կնոջ խոսքը