Թուրքիայի ԱԳ նախարարը կարծում է՝ ԱՄՆ միջնորդությունն Ուկրաինայում կարող է հաջողություն գրանցել

Թուրքիայի արտաքին գործերի նախարար Հաքան Ֆիդանը կոչ է արել Եվրոպային, ինչպես նաև Ուկրաինայում հակամարտության կողմերին և շահագրգիռ երկրներին մասնակցել բանակցություններին՝ նշելով, որ ԱՄՆ միջնորդությունն այս հարցում հաջողության հնարավորություն ունի։

«Արմենպրես»-ի փոխանցմամբ՝ այս մասին Թուրքիայի ԱԳ նախարարը հայտարարել է Դոհայում անցկացվող ֆորումի ժամանակ։

«ԱՄՆ-ի (Ուկրաինայի հարցում Եվրոպայի հետ անմիջականորեն համագործակցելու) բացակայության պայմաններում Եվրոպան պետք է ավելի ստեղծագործ լուծումներ փնտրի՝ ավելի դիմացկուն դառնալու համար:

Ես կարծում եմ, որ այս պատերազմն ավարտելու միակ կենսունակ ճանապարհը բանակցություններում անկեղծ և վճռական ներգրավվածությունն է: Լավ միջնորդական ջանքեր են գործադրվում: Հուսով եմ, որ ամերիկյան միջնորդությունը կօգնի հաջողության հասնել. նրանք հաջողության բոլոր հնարավորություններն ունեն»,- ասել է Ֆիդանը:

Այս թեմայով Ադրբեջանական բենզինի թաքնված ականները. Մեկնաբանում են տնտեսագետները Ադրբեջանն ու Թուրքիան կամրապնդեն փոխադարձ ռազմական անվտանգությունը Հռոմի պապը Թուրքիա այցի վերջին օրն աղոթել է Հայ եկեղեցում և ողջույններ փոխանցել Կաթողիկոսին Թուրքիայի ներկայացուցիչները Գյումրի են եկել, մինչ այդ էլ հանդիպում է կայացել Ախուրիկ-Աքյաքա անցակետում Հայաստան-Թուրքիա սահմանին հանդիպել են Հայաստանի և Թուրքիայի ներկայացուցիչները․քննարկվել են Գյումրի-Կարս երկաթգծի վերականգնման և շահագործմանն ուղղված տեխնիկական հարցերը