Փորձում են հանրությանը մոլորեցնել, թե չկար Արցախը Ադրբեջանից դուրս թողնելու տարբերակ. Աղաջանյան

Ինդոնեզիայում ՀՀ արտակարգ եւ լիազոր նախկին դեսպան ՁՅՈՒՆԻԿ ԱՂԱՋԱՆՅԱՆԻ գնահատմամբ՝ Նիկոլ Փաշինյանն իր կուսակցության համար բարեվարքության կանոններ ընդունելու օրը խախտել է այդ կանոնները: Արդարություն, ազնվություն, թափանցիկություն հորջորջող անձնավորությունը հրապարակել է փաստաթղթեր, որոնք տարածում են սուտ ու կեղծիք:

— Չգիտես ինչու, այս մարդիկ ո՛չ ՄԱԿ-ի, ո՛չ ԵԱՀԿ-ի տեղը գիտեն եւ իրենց փաստաթղթերը վերցնում են Կազիմիրովի (ԵԱՀԿ Մինսկի խմբի ռուսաստանցի նախկին համանախագահի) կայքէջից: Զարմանալի բան է, որ սեփական ներկայացուցչություն, սեփական արտգործնախարարություն ունենալու պարագայում դու ոչ թե պաշտոնական ընդունված փաստաթղթերն ես վերցնում, որոնք հանրայնորեն հասանելի են այդ կայքէջերում, փոխանակ դրանք իրենց տիտղոսաթերթով, համարակալումով, օրով, ամսաթվով եւ այլնով հրապարակեն, Կազիմիրովի կայքէջից են հրապարակում անում: Ոչ միայն այնքան անճար են, որ հնարավորություն չունեն տեղեկատվական տեխնոլոգիաներն օգտագործել, այլեւ սեփական ներկայացուցչությունների ամբողջական իրավասության ներքո գտնվող կարողությունները չեն կարողանում օգտագործել՝ բանակցային փաստաթղթերը հանրությանն ի պատշաճի ներկայացնելու:

Այս անձնավորությունը փորձում է Արցախյան խնդրի հետ կապված իր վրա եղած մեղքերը քննարկել եւ հանրային դաշտից իբր թե դուրս թողնել, որպեսզի առաջիկա՝ իր իսկ կողմից պատրաստվող արտահերթ ընտրությունների ժամանակ քննարկման եւ քննադատության առարկա չդառնա, բայց նաեւ միաժամանակ հերթական կեղծիքն ու զեղծարարությունն է անում, որովհետեւ ներկայացնում են ինչ-որ թղթեր, որոնք պաշտոնական փաստաթուղթ չեն: Նիկոլ Փաշինյանի ստերից մեկն էլ այն է, որ իբր արխիվը գոյություն չունի… Փորձում են հանրությանը մոլորեցնել, որ չկար Արցախը Ադրբեջանից դուրս թողնելու տարբերակ: Բայց եթե անգամ ամենավատ վիճակն է, եթե դու հեռանում ես իշխանությունից՝ հնարավորություն տալով մեկ ուրիշին գալ իշխանության, նա նորից է սկսում բանակցությունները եւ փոխում իրավիճակը: Քո գնալով նոր էջից սկսելու պարագայում՝ նոր հնարավորություններ են բացվում: Եվս մեկ հանգամանք, որ ինձ թվում է, որ մեր հանրությունն ուշադրությունից բաց է թողնում, հետեւյալն է, եթե նշյալ փաստաթղթերից յուրաքանչյուրը վերցնեն, կհասկանան, թե հակամարտության կարգավորման փաստաթուղթն ինչպիսի բովանդակություն եւ խորություն կարող է ունենալ, եւ որը որեւէ առնչություն չունի այն խեղկատակության հետ, որն օգոստոսի 8-ին ստորագրեցին:

ՀՐԱՆՏ ՍԱՐԱՖՅԱՆ

Այս թեմայով ՌԴ դեսպանը այցելել է Զանգեզուրի և Ագարակի պղնձամոլիբդենային կոմբինատներ Հայաստանի իշխանությունը ներկայացնողները դավաճանել են մի բուռ հայ ժողովրդին ու մտադիր են ոչնչացնել նրան Որ խելքներդ չի հասնում, ծպտուն մի հանեք․ ԲԱՄԲԱՍԱՆՔ «Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը Քիչ առաջ ձերբակալել են նախկին վարչապետ Հովիկ Աբրահամյանի եղբորը․ ArmLur.am