ՊՈՒՏԻՆԻ ՍՊԱՌՆԱԼԻՔԸ ԵՎՐՈՊԱՅԻՆ ՏԱՆՈՒՄ Է ՎԵՐՋՆԱԿԱՆ ՓԱԿՈՒՂԻ

Ի­րա­վի­ճա­կը, ո­րը ներ­կա պա­հին զար­գա­նում է Ուկ­րաի­նա­յի (Տես նաեւ https://iravunk.com/?p=329599&l=am), ա­վե­լի կոնկ­րետ՝ ուկ­րաի­նա­կան խա­ղա­ղութ­յան բա­նակ­ցութ­յու­ննե­րի շուրջ, ի­հար­կե, ձե­ւա­վո­րե­լու է ոչ միայն այդ երկ­րի ա­պա­գան, այլ, ա­ռանց չա­փա­զան­ցութ­յան, դառ­նա­լու է ստեղծ­վող հա­մաշ­խար­հա­յին կա­ռա­վար­ման նոր մո­դե­լի հիմ­քը: Ու­րեմն, դե­պի ո՞ւր են ի­րա­դար­ձությ­ուն­նե­րը զար­գա­նում:

Ա­մե­րիկ­յան պատ­վի­րա­կութ­յան՝ ի դեմս Ո­ւիտ­կո­ֆի եւ Թ­րամ­փի փե­սա­յի՝ Քուշ­նե­րի Մոսկ­վան, ի­հար­կե, վերջ­նա­կան արդ­յունք չէր են­թադ­րում: Մինչ այդ պարզ էր դար­ձել, որ Ուկ­րաի­նան մեր­ժում է Թ­րամ­փի ա­ռա­ջար­կած նա­խագ­ծի ա­ռանց­քա­յին դրույթ­նե­րը, Մոսկ­վան, բնա­կան է, դրա հետ ոչ մի դեպ­քում չի հա­մա­ձայն­վի, եւ մոս­կով­յան բա­նակ­ցութ­յուն­ներն էլ, ի­հար­կե, խա­ղա­ղութ­յան հաս­տատ­ման «վեր­ջին ատ­յան» չեն դառ­նա­լու: Բայց այ­ցը կա­յա­ցավ, ա­վե­լին՝ Թ­րամփն այն դրա­կան գնա­հա­տեց: Այդ դեպ­քում, թե որն է այդ «դրա­կա­նը», ե­թե պա­տե­րազ­մը դեռ չի կանգ­նում, հե­տաքր­քիր հարց է:

Չ­նա­յած, այդ հար­ցի պա­տաս­խա­նը, թե­րեւս, աչ­քի ա­ռաջ է: Այս­պես, ներ­կա­յաց­նե­լով ա­մե­րի­կա­ցի­նե­րի այ­ցի արդ­յունք­նե­րը, Յու­րի Ու­շա­կո­վը մեկ ու­շագ­րավ փաստ ֆիք­սեց, ո­րը մի տե­սակ մեկ­նա­բա­նութ­յուն­նե­րից դուրս մնաց: Այն է՝ ա­մե­րի­կա­ցի­ները Մոսկ­վա­յին փո­խան­ցել են ոչ թե մեկ, այլ չորս փաս­տա­թուղթ: Լավ, ըն­դու­նենք մե­կը Թ­րամ­փի 28-կե­տա­նոց ա­ռա­ջարկն էր, մյու­սը, են­թադ­րենք, ուկ­րաի­նա­ցի­նե­րի հետ բա­նակ­ցությ­ուն­նե­րի արդ­յուն­քում դրա վե­րա­փոխ­ված տար­բե­րա­կը: Ո­րո՞նք են մյուս եր­կու փաս­տաթղ­թե­րը:

Իր հեր­թին Ու­շա­կո­վը մեկ միտք եւս հնչեց­րեց, ո­րի տակ, թե­րեւս, շատ բան կա: Այն է՝ Ռու­սաս­տա­նը եւ ԱՄՆ-ն­ ու­նեն «հա­մա­գոր­ծակ­ցութ­յան հսկա­յա­կան հե­ռան­կար­ներ», եւ որ այդ թե­ման եւս ակ­տիվ քննարկ­ման մեջ է: Ա­վե­լին, որ պետք է անց­նել գործ­նա­կան քայ­լե­րի: Եվ ան­գամ այն բա­ցատ­րութ­յու­նը, թե ա­մե­րիկ­յան կող­մը Թ­րամ­փի մեծ փաթե­թը բա­ժա­նել է մի քա­նի փաս­տաթղ­թի, է­լի պատ­կե­րը չի փո­խում. Թրամ­փի 28 կե­տա­նոց փաս­տաթղ­թի մի նկա­տե­լի հատ­ված ար­դեն իսկ վե­րա­բե­րում էր ռուս-ա­մե­րիկ­յան հա­մա­գոր­ծակ­ցութ­յա­նը, այդ թվում նա­խա­տե­սե­լով դրույթ, որ այդ ուղ­ղութ­յամբ կա­րող են ներդր­վել նաեւ Եվ­րո­պա­յում սա­ռեց­ված ռու­սա­կան փո­ղե­րը:

Այս­պի­սով, են­թադ­րե­լի է, որ ա­մե­րի­կա­ցի­նե­րի ու­ղար­կած փաս­տաթղ­թե­րը վե­րա­բե­րում են ռուս-ա­մե­րիկ­յան հա­մա­գոր­ծակ­ցութ­յա­նը, եւ ե­թե հի­մա ըն­թաց­քի մեջ է այդ գոր­ծըն­թացն ա­րա­գաց­նե­լու գա­ղա­փա­րը, ա­պա դրա­նից միան­գա­մայն նոր ի­րա­վի­ճակ կա­րող է զար­գա­նալ՝ միան­գա­մայն այլ հար­թութ­յուն տե­ղա­փո­խե­լով նաեւ ուկ­րաի­նա­կան թե­ման: Այն է, ՌԴ-ն­ եւ ԱՄՆ-ն կա­րող են սկսել այն մասշ­տա­բա­յին նա­խագ­ծե­րը, ո­րոնց մա­սին շատ է խոս­վել, ան­գամ չսպա­սե­լով պա­տե­րազ­մի հան­գու­ցա­լուծ­մա­նը: Դա՞ է Թ­րամ­փը «դրա­կան» գնա­հա­տում. շատ նման է:

Ընդ ո­րում, դա­տե­լով ռեակ­ցիա­յից, ո­րը գա­լիս է ԱՄՆ-ից, ի­րենք եւս սպա­սում էին, որ բա­նակ­ցութ­յուն­ներն արդ­յունք չեն տա­լու, եւ դրա դեմ կան­խավ ու­նեին «Բ» պլան: «Ե­թե կող­մե­րը պատ­րաստ չեն խա­ղա­ղութ­յան, ռազ­մա­կան գոր­ծո­ղութ­յուն­նե­րը կշա­րու­նակ­վեն. ոչ ոք չի մի­ջամ­տի»: Այս­պես է Fox News-ին տված հար­ցազ­րույ­ցում գնա­հա­տել Մար­կո Ռու­բիոն ուկ­րաի­նա­կան բա­նակ­ցու­թ­յուն­նե­րի ձա­խող­ման  հե­տե­ւանք­նե­րը: Հիմ­նա­կան ու­ղեր­ձը, ի­հար­կե, «ՈՉ ՄԵԿԸ ՉԻ ՄԻՋԱՄՏԻ» միտքն է: Այն, թե­րեւս, ա­ռաջ­նա­յին ուղղ­ված է ուկ­րաի­նա­կան կող­մին: Այ­սինքն՝ ե­թե չեն հա­մա­ձայն­վում, ա­պա պետք է պա­տե­րազ­մեն ա­ռանց գո­նե ա­մե­րիկ­յան օգ­նութ­յան: Այդ դեպ­քում ար­դեն Ռու­սաս­տա­նի զին­ված ու­ժե­րը պետք է «հա­մո­զեն» ուկ­րաի­նա­կան կող­մին` ըն­դու­նել այն ի­րո­ղութ­յուն­նե­րը, ո­րոնք կստեղծ­վեն պա­տե­րազ­մի հե­տա­գա շա­րու­նա­կութ­յան հի­ման վրա:

Ա­մեն դեպ­քում փաս­տը, որ Զե­լենս­կին, չնա­յած ներ­կա ծան­րա­գույն վի­ճա­կին, շա­րու­նա­կում է դեմ գնալ Դոն­բա­սից ուկ­րաի­նա­կան զոր­քե­րը հա­նե­լու ծրագ­րին, որն էլ, կար­ծես թե, դար­ձել է բա­նակ­ցա­յին փա­կու­ղու հիմ­նա­կան տե­սա­նե­լի պատ­ճա­ռը, գա­լիս է հու­շե­լու, որ նրա նկատ­մամբ գլո­բա­լիս­տա­կան Եվ­րո­պա­յի ազ­դե­ցութ­յու­նը դեռ զգա­լի է: Ա­մե­րի­կա­ցի­նե­րը, թե­րեւս, դեռ կշա­րու­նա­կեն ճնշում­նե­րը Կիե­ւի հան­դեպ, եւ այս­տեղ­ից պետք է նոր սկան­դալ­նե­րի սպա­սել: Սա­կայն Մոսկ­վան ի­րա­վի­ճա­կը տես­նում է «մի փոքր» այլ հար­թութ­յան մեջ՝ խնդիրն այս պա­հին հենց եվ­րագ­լո­բա­լիստ­նե­րի հետ է եւ ոչ թե պար­զա­պես Կիե­ւի: Ընդ ո­րում, պար­տաստ­վե­լով ըն­դու­նել Ո­ւիտ­կո­ֆին եւ Քուշ­նե­րին, Պու­տի­նը նման շատ պարզ եւ միան­գա­մայն կոշտ մե­սիջ հղեց: Այն է՝ հենց Եվ­րո­պան է խո­չըն­դո­տում  ԱՄՆ նա­խա­գա­հի վար­չա­կազ­մի ջան­քե­րին՝ Ուկ­րաի­նա­յում խա­ղա­ղութ­յուն հաս­տա­տե­լու ուղ­ղութ­յամբ: Ռու­սաս­տա­նը մտա­դիր չէ պա­տե­րազ­մել Եվ­րո­պա­յի հետ, բայց ե­թե եվ­րո­պա­ցի­նե­րը ցան­կա­նում են կռվել՝ «Մենք հենց հի­մա էլ պատ­րաստ ենք»: Ա­վե­լին, որ ե­թե Եվ­րո­պան պա­տե­րազմ սկսի Ռու­սաս­տա­նի հետ, շու­տով ոչ մե­կը չի լի­նի, որ Մոսկ­վան կա­րո­ղա­նա հե­տը բա­նակ­ցել: Այ­սինքն, ե­թե հի­մա Ռու­սաս­տա­նը «վի­րա­բու­ժա­կան մե­թոդ­նե­րով» է պա­տե­րազ­մում Ուկ­րաի­նա­յում, ա­պա եվ­րո­պա­կան հար­ձակ­ման դեպ­քում ա­մեն ինչ շատ ա­վե­լի լուրջ է լի­նե­լու:

­Հաս­կա­նա­լի է, թե ՌԴ նա­խա­գա­հի ակ­նարկն ին­չի մա­սին է. ե­թե Եվ­րո­պան հույս ու­նի, թե այս նույն մե­թոդ­նե­րով, այն է՝ սո­վո­րա­կան սպա­ռա­զի­նութ­յան օգ­տա­գործ­մամբ պա­տե­րազմ կա­րող է լի­նել Ռու­սաս­տա­նի հետ, թե­րեւս այն հույ­սով, որ ռու­սա­կան ռե­սուրս­նե­րը կսպառ­վեն, եւ եվ­րո­պա­ցի­նե­րը հա­ջո­ղութ­յան կհաս­նեն, ա­պա Մոսկ­վան փոր­ձում է հա­կա­ռա­կը բա­ցատ­րել. այդ­պես չէ, մի քա­նի հար­ված, եւ վերջ, Եվ­րո­պա­յում ար­դեն բա­նակ­ցե­լու հա­մար ան­գամ մարդ չի մնա: Դա, չնա­յած, ակ­նարկ է նաեւ ԱՄՆ-ի հա­մար. կու­զե­նա նման պա­տե­րազ­մի մի­ջամ­տել, թե՝ ոչ, իր ո­րո­շե­լիքն է: Իսկ ե­թե Եվ­րո­պան մտա­դիր չէ մտնել մի­ջու­կա­յին բախ­ման դաշտ, եւ հա­կա­մար­տութ­յու­նը սահ­մա­նա­փակ­վում է միայն Ուկ­րաի­նա­յուվ, ա­պա այս­տեղ եւս, Պու­տի­նի ներ­կա­յաց­մամբ, պարզ ի­րա­վի­ճակ է: Այն է՝ ռու­սա­կան բա­նա­կը շա­րու­նա­կում է ա­ռաջ շարժ­վել, ե­թե կաս­կած­ներ կան, ա­պա կա­րող են գալ եւ հա­մոզ­վել: Եվ ե­րեկ­վա հար­ցազ­րույց­նե­րից մե­կում էլ Պու­տինն ա­վե­լաց­րեց՝ Ռու­սաս­տա­նը ցան­կա­ցած դեպ­քում կա­զա­տագ­րի Դոն­բա­սը եւ Նո­վո­ռո­սիան՝ ռազ­մա­կան կամ այլ կերպ: Իսկ ե­թե շա­րու­նակ­վի Սեւ ծո­վում տան­կեր­նե­րի վրա հար­ձա­կում­նե­րին բրի­տա­նա-ուկ­րաի­նա­կան ա­վանտ­յու­րան, ա­պա. «Մենք կա­րող ենք նաեւ ամ­բող­ջութ­յամբ կտրել Ուկ­րաի­նա­յին ծո­վից»:

Եվ­րո­պան ար­ձա­գան­քեց՝ նո­րից ռու­սա­կան սա­ռեց­ված փո­ղե­րը Ուկ­րաի­նա­յին տա­լու նոր նա­խագ­ծով, ո­րին սա­կայն իր ո­ճի մեջ ար­ձա­գան­քեց Մեդ­վե­դե­ւը. «Ե­թե խե­լա­գար­ված Եվ­րա­միութ­յու­նը փոր­ձի գո­ղա­նալ Բել­գիա­յում ար­գե­լա­փակ­ված ռու­սա­կան ակ­տիվ­նե­րը՝ տրա­մադ­րե­լով այս­պես կոչ­ված փոխ­հա­տուց­ման վարկ, նման գոր­ծո­ղութ­յուն­նե­րը կա­րող են մի­ջազ­գա­յին ի­րա­վուն­քի հա­մա­ձայն դա­սա­կարգ­վել որ­պես հա­տուկ տե­սա­կի casus belli՝ Բր­յու­սե­լի եւ ԵՄ ա­ռան­ձին երկր­նե­րի հա­մար դրա­նից բխող բո­լոր հետ­եւանք­նե­րով։ Եվ այդ դեպ­քում այդ մի­ջոց­նե­րի վե­րա­դար­ձը կա­րող է տե­ղի ու­նե­նալ ոչ թե դա­տա­րան­նե­րի, այլ Ռու­սաս­տա­նի պարտ­ված թշնա­մի­նե­րի կող­մից բնե­ղե­նով վճար­ված ի­րա­կան փոխ­հա­տու­ցում­նե­րի մի­ջո­ցով»:

­Բել­գիա­յում, որ­տեղ գտնվում է ռու­սա­կան փո­ղե­րի հիմ­նա­կան մա­սը, կար­ծես թե հաս­կա­ցան, թե ինչ հե­տե­ւանք կա­րող է լի­նել պա­տե­րազ­մից հե­տո: Եվ այն, որ նա­խօ­րեին հենց Բել­գիա­յում ձեր­բա­կալ­վեց նախ­կին ԵՄ բարձ­րաս­տի­ճան դի­վա­նա­գետ Ֆե­դե­րի­կա Մո­գերի­նին՝ խար­դա­խութ­յան, կո­ռուպ­ցիա­յի եւ ԵՄ մի­ջոց­նե­րի չա­րա­շահ­ման կաս­կա­ծան­քով, ին­չը հեր­թա­կան պաշ­տո­նան­կութ­յան պա­հան­ջը եւ խո­շոր կո­ռուպ­ցիոն սկան­դա­լը դար­ձավ Ուր­սու­լա ֆոն դեր Լե­յե­նի հա­մար, ով շա­րու­նա­կում է հա­մա­ռո­րեն բել­գիա­ցի­նե­րից ռու­սա­կան փո­ղե­րը պա­հան­ջել:

Այս­պի­սով, նման է, որ թեեւ եվ­րագ­լո­բա­լիստ­նե­րը շա­րու­նա­կում են բո­լոր ջան­քե­րով ա­ռաջ տա­նել ուկ­րաի­նա­կան պա­տե­րազ­մը, բայց դա ար­դեն, մեղմ ա­սած, իր է­ֆեկ­տի­վութ­յամբ չի փայ­լում: Զե­լենս­կուն այս պա­հին կա­րող են պա­հել միայն մեծ փո­ղեր խոս­տա­նա­լով, բայց փո­ղը դեռ չկա ու չկա: Ու դժվար չէ ա­սել, թե երբ կգա այն պա­հը, երբ նա ար­դեն ա­մե­րիկ­յան ճնշում­նե­րին դի­մադ­րե­լու ո­րե­ւէ տար­բե­րակ չի ու­նե­նա:

Տես նաեւ https://t.me/iravunk/61729 

Այս թեմայով Ադրբեջանական բենզինի թաքնված ականները. Մեկնաբանում են տնտեսագետները Մակրոնը «գցո՞ւմ» է Եվրոպային, թե՞ նոր հանձնարարություն է ստացել Թրամփը կհանդիպի՞ Պուտինի հատուկ ներկայացուցչի հետ Երկրորդ շանս բնությունը չի սիրում. Բռնի տեղահանումից երկու տարի անց վերքերը արյունահոսում են նույն ուժգնությամբ Թրամփը խոսել է Պուտինի հետ