Իլիչ Բեգլարյանը կդառնար 88 տարեկան

Մի քանի օր առաջ մեծն զորավար Անդրանիկ Օզանյանի թանգարանում նշվել է թանգարանի հիմնադիր, գրող-հրապարակախոս, հայ ժողովրդի նվիրյալ զավակ Իլիչ Գուրգենի Բեգլարյանի ծննդյան 88-ամյակը: Նա էր արցախյան առաջին պատերազմի ժամանակ ստեղծել եւ հովանավորել «Անդրանիկ Զորավար» ջոկատը: Այս մասին «Իրավունք»-ի հետ զրույցում պատմեց ՀՀ վաստակավոր արտիստ, երգչուհի ԳԱՅԱՆԵ ՆԵՐՍԻՍՅԱՆԸ եւ ընդգծեց, որ անսահման մեծ են Իլիչ Բեգլարյանի կատարած հայրենանվեր գործերը:

— Մեծարման միջոցառմանը ներկա էին մտավորականներ, արվեստի գործիչներ: Հուրախություն բոլորին՝ ներկա էր նաեւ Արցախի երկրորդ պատերազմի հերոս Դավիթ Առուշանյանի առյուծածին մայրը՝ Լիդա Առուշանյանը: Ինչպես մեր բոլոր որդեկորույս մայրերին են ներկաները դիմավորում, այդպես էլ դիմավորեցին Լիդա Առուշանյանին՝ սիրով եւ խոնարհումով:

Թանգարանի այցելուներին ջերմորեն դիմավորում էր Իլիչ Բեգլարյանի ազնվազարմ տիկինը ՝ժորժետա Առաքելյանը, որը նույն ազգանվեր, նույն գիտակցությամբ եւ փայփայանքով պահում է թանգարանը՝ ներկայիս եւ ապագայի սերունդների համար: Աստված պահապան լինի այս ազգանվեր գործին՝ ի նպաստ բարօրության հայ ժողովրդի:

Նշենք, որ թանգարանում, որտեղ վառ են պահում լեգենդար զորավարի՝ Անդրանիկ Օզանյանի անմահ գործը, տարիներ շարունակ այցելում են աշակերտներ, ուսանողներ, բազմաթիվ հյուրեր:

ՀՐԱՆՏ ՍԱՐԱՖՅԱՆ

Այս թեմայով Ինչո՞ւ է ընդհատվել «Գայանե» բալետի ներկայացումը․ հանդիսատեսը վրդովված է Պետք է Խաչատուր Ալբերտիչի հետ հանդիպեմ․ ինչու են վտարում Մհեր Արմենիային բնակարանից Առնվազն ծիծաղելի է մանկամիտներս մութ սենյակում սեւ կատու փնտրելը. հատուցումը ծանր է լինելու՝ այն սարերի հետեւում չի Նիկոլն ընդդեմ «Իրավունք»-ի Իմ արյան գնով եմ նկարում այս ֆիլմը. մեկնարկել են Նարեկ Ներսիսյանի «Հպում» սիրային դրամայի նկարահանումները