Ռուսական բանակը սկսում է Դոնբասի ամբողջական ազատագրման օպերացիան

Ռուսական գրոհային ուժերն ակտիվացրել են հարձակումը Գրիշինոյում` Պոկրովսկից արեւելք գտնվող առանցքային բնակավայրում:

Գրիշինո այս պահին ունի ռազմավարական իմաստ հետեւյալ նկատառումներով:

Առաջինը. այդ բնակավայրի գրավումը կազդարարի Պոկրովսկի ճակատամարտի ամբողջական ավարտը: Ճիշտ է, ռուսները դեռ պետք է մաքրեն Միրնոգրադը այնտեղ շրջապատման մեջ գտնվող ուկրաինական ուժերից, բայց դա կարճ ժամանակի հարց է: Գրիշինոն ռուսների կողմից գրավելու դեպքում ուկրաինական կողմը պարզապես կորցնում է այն վերջին տեսական հնարավորությունը, որ կարող է հակահարձակվել Պոկրովսկի ուղղությամբ եւ ինչ-որ բան փոխել: Նաեւ հաշվի առնելով, որ ռուսներն ավարտում են Պակրովսկին հյուսիս գտնվող Ռոդինսկոե քաղաքի վերջնական ազատագրումը:

Երկրորդը. Գրիշինոյին զուգահեռ, ռուսական կողմը գրոհում է նաեւ մի փոքր արեւելք գտնվող Սերգեեւկան: Այս երկու բնակավայրերից այն կողմ ուկրաինական պաշտպանական լուրջ համակարգեր արդեն չկան, եւ ռուսները դուրս են գալիս օպերատիվ տիրույթ: Հետագա հարձակումը կզարգանա Դոնեցկի արեւմտյան սահմանների երկայնքով` դեպի հյուսիս: Այն է` Դոբրոպոլե-Ալեքսանդրովկա գծի արեւմտյան ուղղությամբ: Դա ավարտելով, ռուսները վերջնական վերահսկողության տակ են վերցնում ողջ Դոնբասը:

Նախօրեին Պուտինը հայտարարեց, որ Պոկրովսկի ազատագրումը բացում է Դոնբասի ամբողջական ազատագրման ճանապարհը: Խոսքը, իհարկե, նշված` Գրիշինո-Սերգեեւկա հատվածից դեպի հյուսի ռուսական ուժերի հարձակման մասին է:

Տես նաեւ https://t.me/iravunk/61642 

Այս թեմայով Ռուսական հարվածից հետո Կիևում փլուզվել Սլավուտիչի «Հարավային» կամուրջը ՌԴ ՊՆ․ ռուսական ուժերը վերահսկողության տակ են վերցրել Խրիպունին Օդեսայում ռուսական հրթիռայի անօդաչուները ոչնչացրել են «Itex» գործարանը (Տեսանյութ) Ռուսաստանից փախած Ալլա Պուգաչովայի թոռը կռվում է ռուսական բանակի կազմում՝ Ուկրաինայում Ռուսական ուժերը մաքրել են վելիկոբուռլուկյան ճակատի հյուսիսային «կաթսաներից» մեկը (Տեսանյութ, Քարտեզ)