Դոլարայնացման մակարդակը ՀՀ-ում

ՀՀ Կենտրոնական բանկի հրապարակած տվյալների համաձայն 2025թ. հոկտեմբեր ամսվա դրությամբ ՀՀ ռեզիդենտների արտարժութային ավանդների և փոխառությունների հարաբերակցությունը Փողի զանգվածին (D1) կազմել է 29.3%, որը 2024թ.-ի համադրելի ցուցանիշի համեմատ նվազել է 9.2 տոկոսային կետով։

Ռեզիդենտների արտարժութային ավանդների և փոխառությունների հարաբերակցությունը ռեզիդենտների ընդհանուր ավանդներին և փոխառություններին (D2) ևս նվազել է 9.2 տոկոսային կետով և կազմել՝ 34.2%:

Մեր երկրի ռեզիդենտ ֆիզիկական անձանց արտարժույթով ցպահանջ ավանդների և փոխառությունների կշիռը ռեզիդենտ ֆիզիկական անձանց ընդհանուր ցպահանջ ավանդներում և փոխառություններում (D3) կազմել է 40.3%, որն 2024 թվականի փետրվարի համեմատ նվազել է 14.3 տոկոսային կետով։

Ռեզիդենտ ֆիզիկական անձանց արտարժույթով ժամկետային ավանդների և փոխառությունների կշիռը ռեզիդենտ ֆիզիկական անձանց ընդհանուր ժամկետային ավանդներում և փոխառություններում (D4) կազմել է 42%, որը նույնպես 0.3 տոկոսային կետով ցածր է 2024 թվականի համադրելի ժամանակահատվածի համեմատ։

Ինչ վերաբերում է ռեզիդենտներին արտարժույթով տրամադրված վարկերի հարաբերակցությանն ընդհանուր վարկերին (D5), ապա այն աճել է 1.8 տոկոսային կետով, կազմելով՝ 31.9%:

Հայաստանյան առևտրային բանկերն ու վարկային կազմակերպությունները շարունակում են առավել շատ միջոցներ ներգրավել արտերկրից և, հետևաբար, արտարժութային ռիսկից խուսափելու նպատակով ձգտում են դրանք տեղաբաշխել այն արտարժույթով, որով ներգրավել են:

Այս թեմայով NBC News. Պենտագոնը բարձրացրել է Իսրայելից եկող լրտեսության սպառնալիքի մակարդակը մինչև «կրիտիկական» Սևանա լճի մակարդակը նախորդ տարվա նույն օրվա համեմատ ցածր է մոտ 17 սմ-ով Քաղցկեղի 5 տեսակ, որոնք ամենադժվարն են բուժվում Երեւանում օդի աղտոտման մակարդակը հատել է կարմիր գիծը.Միջազգային IQAIR կայքում Երեւան ներկայացվել է, որպես վտանգավոր քաղաք Դարչինով սուրճը կարգավորում է արյան մեջ շաքարի մակարդակը