Ուիթքոֆը Պուտինի հետ բանակցությունները սկսել է՝ պատմելով Ռուսաստանի մայրաքաղաքում զբոսանքի իր տպավորությունների մասին.«Коммерсантъ»

ԱՄՆ նախագահի հատուկ բանագնաց Սթիվ Ուիթքոֆը Ռուսաստանի նախագահ Վլադիմիր Պուտինի հետ բանակցությունները սկսել է՝ պատմելով Ռուսաստանի մայրաքաղաքում զբոսանքի իր տպավորությունների մասին, հաղորդում է «Коммерсантъ»-ը:

«Շատ հաճելի, գեղեցիկ զբոսանք էր»,- ասել է Ուիթքոֆը՝ ի պատասխան Վլադիմիր Պուտինի այն դիտարկման, որ իր ամերիկացի գործընկերները զբոսնելու ժամանակ ունեին։

Բանակցությունների մեկնարկի մասին լրատվական գործակալությունները հայտնել են Մոսկվայի ժամանակով մոտավորապես 19:40-ին։

ԱՄՆ նախագահի հատուկ բանագնաց Սթիվ Ուիթքոֆը և նախագահի փեսան՝ Ջարեդ Քուշները, Կրեմլ են ժամանել 2,5 ժամ առաջ։ Այդ ժամանակ Ռուսաստանի նախագահ Վլադիմիր Պուտինը ելույթ էր ունենում  ВТБ բանկի՝ «Ռուսաստանն է կանչում» ֆորումում։

Բանակցությունները կկենտրոնանան Ուկրաինայում խաղաղ կարգավորման վրա։ Ակնկալվում է, որ Դոնալդ Թրամփի հատուկ բանագնացը ռուսական կողմին կներկայացնի Ուկրաինայում խաղաղության հասնելու ծրագրի նոր տարբերակը։ Կրեմլի մամուլի ծառայությունն ԱՄՆ սկզբնական ծրագիրը անվանել է «շատ լավ հիմք» խաղաղության բանակցությունների համար։

Այս թեմայով ԻՊՀԿ-ն հայտարարեց ԱՄՆ-ի REMUS 600 ստորջրյա անօդաչուի գրավման մասին (Տեսանյութ) Ուկրաինական աղբյուրները հայտնում են Կիևում շատ հզոր պայթյունի մասին Այն ճանապարհը, որն ընտրել է Հայաստանի իշխանությունն ու այդ իշխանությանն ընտրած ժողովուրդը, անհամատեղելի է Արցախ ունենալու հետ. Սամվել Շահրամանյան 6 տարի առաջ այս օրը ընկան հազարավոր ՏՂԱՆԵՐ Ո՛չ Կառավարությունը պետք է դառնա եկեղեցական ժողով, ո՛չ Եկեղեցին՝ կառավարություն