Առգրավվել է մեծաքանակ մեթամֆետամին և մարիխուանա. Երևանի քրեական ոստիկանների հերթական բացահայտումը

Քրեական ոստիկանության Երևան քաղաքի վարչության թմրամիջոցների անօրինական շրջանառության դեմ պայքարի բաժնի ծառայողները հերթական օպերատիվ տեղեկությունն իրացրին նոյեմբերի 26-ին:

Թմրամիջոց ապօրինի պահելու, օգտագործելու և իրացնելու կասկածանքով ձերբակալվեց և իր վարած «Հյունդայի» մակնիշի ավտոմեքենայով հանդերձ վարչություն տեղափոխվեց 40-ամյա տղամարդը:

Նրա խուզարկությամբ հայտնաբերված տոպրակում կար մեթամֆետամինի նմանվող 201 գրամ զանգված։
Կազմված փաստաթղթերը ներկայացվեցին Երևան քաղաքի քննչական վարչություն։ Նախաձեռնվեց քրեական վարույթ, որի շրջանակում նոյեմբերի 27-ին դատարանի որոշումների հիման վրա կատարված խուզարկություններով տղամարդու բնակարանում հայտնաբերվեցին 575 գրամ մեթամֆետամինի և 1275 գրամ մարիխուանայի նմանվող զանգվածներ, իսկ «Հյունդայի» մակնիշի ավտոմեքենայում` զիպ փականով հինգ փաթեթ՝ լցված մարիխուանայի նմանվող զանգվածներով։
Նախաքննությամբ հանգամանքները պարզվում են։

Այս թեմայով 35-ամյա տղամարդը հոր ու կնոջ հետ թմրանյութ է տեղադրել Հրազդանում «Փաստ». Վարորդի կողմից թմրանյութ օգտագործելը կպարզեն տեխնիկական միջոցների կիրառմամբ 17-ամյա աղջիկների մոտ թմրանյութի 64 փաթեթ է հայտնաբերվել. 16-ն էլ տեղադրել են Երևանի տարբեր թաղամասերում Թմրանյութ իրացնողներին բռնել են Լուկաշինի փողոցում Վարսեր գյուղի 19-ամյա բնակիչը թմրանյութ է իրացրել․ խուզարկությամբ 43 փաթեթ են հայտնաբերել