Ուկրաինային վարկ տրամադրելու համար ԱՄՆ-ը դեմ է ՌԴ-ի ակտիվների օգտագործմանը.Politico

ԱՄՆ-ը դեմ է առաջարկին, ըստ որի Ռուսաստանի սառեցված ակտիվները կարող են օգտագործվել Ուկրաինային վարկ տրամադրելու համար։ Ինչպես նշում է Politico-ն՝ հղում անելով իր աղբյուրներին, ամերիկյան վարչակազմում կան պաշտոնյաներ, ովքեր չեն աջակցում այս գաղափարին, քանի որ ցանկանում են պահպանել Ռուսաստանի հետ հնարավոր տնտեսական համագործակցությունը։

Պարբերականը նաև հարցում է ուղարկել Բելգիայի արտգործնախարարությանը՝ պարզելու, արդյոք Բրյուսելը քննարկումներ է ունեցել Վաշինգտոնի հետ ռուսական ակտիվների թեմայով։ Նախարարության ներկայացուցիչը հայտնել է, որ նման շփումների մասին տեղեկություն չունեն։

Ավելի վաղ Բելգիայի արտաքին գործերի նախարար Մաքսիմ Պրեւոն հայտարարել էր, որ ԵՄ-ը չի կարողանում գտնել ֆինանսական աջակցության հստակ լուծումներ Ուկրաինայի համար, քանի որ համառորեն փորձում է դրա համար օգտագործել սառեցված ռուսական ակտիվները։ Նա նաև նշել էր, որ Ուկրաինային նախատեսվող այս վարկի գաղափարը դժվարացնում է խաղաղության գործընթացին հասնելու ջանքերը։

Այս թեմայով Քաղաքացին իրավունք ունի տրանսպորտի ուղեվարձը վճարել ինչպես ընթացքի մեջ, այնպես էլ երթուղին ավարտելիս. Իրավագետը հանրային տրանսպորտում տուգանելու մասին Ադրբեջանական բենզինի թաքնված ականները. Մեկնաբանում են տնտեսագետները Լռության և քնքշության ժամանակն է՝ 3 ընտրված նշանների համար. դեկտեմբերի 22-28-ի շաբաթվա աստղագուշակ Շու’տ ապաքինվիր և շարունակի’ր քո հայրենանվեր գործը. Տեր Վրթանեսի կինը գրառում է արել ու լուսանկարներ հրապարակել Պարույր Հայրիկյան, դու անպարտ ես. Աղմկահարույց գործերով հայտնի փաստաբանը հայտարարությամբ է հանդես եկել