Դատավորը մերժել է Խաչատուրովին կալանավորելու միջնորդությունը․ միջազգային հետախուզում չի հայտարարվել

Լրագրող Լիա Սարգսյանը գրել է.

«Միջազգային հետախուզում չի հայտարարվել, դատավորը մերժել է Խաչատուրովին կալանավորելու միջնորդությունը

«Իշխանություն» լրատվականին հայտնի դարձավ, որ Գրիգորի Խաչատուրովի նկատմամբ կալանքը որպես խափանման միջոց կիրառելու քննիչի միջնորդությունը Հակակոռուպցիոն դատարանի դատավոր Սարգիս Պետրոսյանն ամբողջությամբ մերժել է, հետեւաբար գեներալ-մայորի նկատմամբ միջազգային հետախուզում չի հայտարարվել։

«Իշխանության» տեղեկություններով՝ Խաչատուրովը այս պահին գտնվում է Մոսկվայում, եւ Հայաստան կարող է վերադառնալ միայն իր սեփական կամքով։ Այս պայմաններում մեղադրյալի նկատմաբ միջազգային հետախուզում չի կարող հայտարարվել, սակայն վերջինս որպես մեղադրյալ պարտավորված է ինքնակամ ներկայանալ վարույթն իրականացնող մարմնին։

Գրիգորի Խաչատուրովը մեղադրվում է դեռեւս 2021 թվականից քննվող քրեական գործից բոլորովին վերջերս մաս առանձնացված գործով, որով քրեական հետապնդում է հարուցվել ՀՀ քրեական օրենսգրքի 436-րդ հոդվածի 1-ին մասի, (այն է՝ կաշառք տալը մի խումբ անձանց կողմից նախնական համաձայնությամբ) և 549-րդ հոդվածի 3-րդ մասի (այն է՝ իշխանազանցությունը կամ իշխանությունը չարաշահելը, որն անզգուշությամբ առաջացրել է մարդու առողջությանը ծանր վնասի պատճառում) հատկանիշներով»։

Այս թեմայով Եթե դուք մեր ներվային համակարգի հետ եք խաղում, ինչու՞ ես չեմ կարող. Խաչատուրովը՝ դատավորին «Պարո՛ն Խաչատուրով, Դուք ռուսերե՞ն եք խոսելու», «Սիրտս չի բռնում, որ խոսեմ, ավելի լավ է՝ լռեմ» Ստյոպա Սաֆարյանը դատարանում պարտվեց Խաչատուրովին Բերման կենթարկեն Հայտնի է անցումային կառավորության որոշ պաշտոնյաների անուններ. Բամբասանք