Մասյացոտնի թեմի առաջնորդի անգլիական հետքը

Գերաշնորհ Տեր Գևորգ եպիսկոպոս Սարոյանը (ավազանի անունը` Արման) ծնվել է 1977 թ.-ին Մասիսում։

1983-1993 թթ.-ին սովորել է Մարմարաշենի միջնակարգ դպրոցում։

1993-1998 թթ.-ին սովորել է Սևանի Վազգենյան  հոգևոր դպրանոցում։

1998-1999 թթ.-ին շարունակել է իր ուսումը Մայր Աթոռ Սուրբ Էջմիածնի Գևորգյան հոգևոր ճեմարանում։

1999 թ.-ի մայիսի 23-ին Գերաշնորհ Տեր Ոսկան արքեպիսկոպոս Գալփակյանի ձեռամբ ձեռնադրվել է սարկավագ։

2000 թ.-ին Գարեգին Ա գիտական կենտրոնում նշանակվել է ծառայության` որպես նյութական պատասխանատու:

2000 թ.-ին Գևորգյան հոգևոր ճեմարանում պաշտպանել է իր ավարտաճառը «Գրիգոր Խլաթեցու Հայսմավուրքը՝ ըստ Էջմիածնի Մատենադարանի ձեռագրերի» ։

2001 թ.-ի հունվարի 14-ին Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի ձեռամբ  ձեռնադրվել է կուսակրոն քահանա` վերանվանվելով Գևորգ աբեղա։

2002-2003թթ.-ին Նյու Յորքի Քոնքորդիա քոլեջում սովորել է ընդհանուր հոգեբանություն և փիլիսոփայություն։

2003-2005 թթ.-ին սովորել է Միացյալ Թագավորության Լիդսի համալսարանում՝ ստանալով Արվեստի Բակալավրի Աստիճան Աստվածաբանության և Հովվագիտության Ոլորտում (BA of Arts In Theology And Pastoral Studies)։

2005-2007 թթ.-ին ուսանել է Օքսֆորդի համալսարանում ստանալով Աստվածաբանության Մագիստրոսի Աստիճան՝ Կիրառական Աստվածաբանության Ոլորտում (Master of Theology In Applied Theology):

2006-2007 թթ.-ին ծառայության է կոչվել Գարեգին Ա  գիտական կենտրոնում՝ որպես  փոխտնօրեն։

2007 թ.-ին նշանակվել է Սևանի Վազգենյան հոգևոր դպրանոցի փոխտեսուչ։

2008-2010 թթ.-ին նշանակվել է  Սևանի Վազգենյան հոգևոր դպրանոցի տեսուչ։   

2010 թ.-ին պաշտպանել է իր վարդապետական թեզը՝ «Երվանդ Տեր -Մինասյանի եկեղեցագիտական գործունեությունը և լիբերալ-բողոքական դպրոցի հետ հարաբերությունները» թեմայով՝  ստանալով  վարդապետական աստիճան` ձեռամբ Գերաշնորհ Տեր Արարատ եպիսկոպոս Գալթագճյանի։

2010 թ.-ի դեկտեմբերի  10-ի նշանակվել է Մայր Աթոռ Սուրբ Էջմիածնի Գևորգյան հոգևոր ճեմարանի  տեսուչ։

2012 թ.-ի փետրվարի  20-ից նշանակվել է Մայր Աթոռ Սուրբ Էջմիածնի Բարձրագույն ուսումնական հաստատությունների վերատեսուչ։

2013-2017 թթ.-ին սովորել է Երևանի պետական համալսարանի Աստվածաբանության ֆակուլտետի ասպիրանտուրայում։

2015 թ.-ին ընդունվել է Մեծ Բրիտանիայի Դարեմի համալսարանի Արվեստի և Հումանիտար Գիտությունների Ֆակուլտետ՝ որպես դոկտորական աստիճանի հայցորդ։

2017թ.-ին պաշտպանել է իր թեզը Երևանի պետական համալսարանի Աստվածաբանական ֆակուլտետում՝ «Երվանդ Վարդապետ Տեր-Մինասյանի կրոնագիտական հայեցակարգը» թեմայով և ստացել է պատմական գիտությունների թեկնածուի աստիճան՝ կրոնի պատմության և տեսության գծով։

2019 թ.-ի նոյեմբերի 20-ին նշանակվել է Արարատյան Հայրապետական թեմի Արարատի մարզի հոգևոր տեսուչ։

2021 թ.-ի հունվարից Մասյացոտնի թեմի առաջնորդն է:

2022 թ. դեկտեմբերի 19-ին Անգլիայի Դարեմի համալսարանում պաշտպանել է դոկտորական թեզ՝ "The Origins of Armenian Philanthropy: Nerses the Great and the Question of the Greek Influence (Critical Examination)" («Հայկական մարդասիրության ծագումը. Ներսես Մեծը և հունական ազդեցության խնդիրը (քննական ուսումնասիրություն)») թեմայով և ստացել է փիլիսոփայության դոկտորի կոչում աստվածաբանության ոլորտում (PhD Doctor of Philosophy in Theology)։

Այս թեմայով Ֆրանսիայում կրկին զանգվածային ցույցեր են՝ ոստիկանության հետ բախումներով հանդերձ Իրանը Ռուսաստան է արտահանել «Արման» միջին հեռահարության ՀՕՊ համակարգ Ռուսաստանը ուժեղացնում է Ուկրաինայի հետ իր բանակցային թիմը. Bloomberg Նոյեմբերի կեսերին երկու կենդանակերպի նշանների համար մեծ փոփոխություններ են սպասվում. ամեն ինչ այլևս երբեք նույնը չի լինի Բրիտանիան մշակում է էլեկտրաէներգիայի ընդհանուր անջատման դեպքում գործողության ծրագիր