Երեւանում օդի աղտոտման մակարդակը հատել է կարմիր գիծը.Միջազգային IQAIR կայքում Երեւան ներկայացվել է, որպես վտանգավոր քաղաք

Երևանում` կյանքին սպառնացող օդի աղտոտվածության մակարդակն աննախադեպ բարձր է՝ հասնելով Առողջապահության համաշխարհային կազմակերպության չափանիշներից 20-30 անգամ բարձր մակարդակի,-ահազանգում է բնապահպան Ինգա Զարաֆյանը:

-Քաղաքում PM2.5, որը չափում է մասնիկային նյութի կոնցենտրացիան, երեք շաբաթ է, ինչ հասել է  վերին շեմին:Վերջին երեք շաբաթների ընթացքում միջազգային կայքը նախազգուշացում է տվել կարմիր գույնով, որ Երևանի օդի աղտոտվածության մակարդակը՝ մարդկանց առողջության համար շատ վտանգավոր է: Բայց համապատասխան կառույցներն անտեսել են ներկայացված տվյալներն ու մեր քաղաքացիներին որևէ կերպ չեն զգուշացրել դրա մասին։

Ես, չգիտեմ՝ Առողջապահության նախարարությունն ինչպես է պատկերացնում իր պրոֆիլակտիկ աշխատանքը, բայց իրենց պարտավորությունն է մեր քաղաքացիներին իրազեկել, թե ինչպես վարվեն այս օրերին: Չկան որևէ նախազգուշացնող հայտարարություններ ու ցուցումներ:

Չնայած նրա, որ Շրջակա միջավայրի նախարարության «Հիդրոօդերևութաբանության և մոնիթորինգի կենտրոն» ՊՈԱԿ-ը բացատրել է, որ իրավիճակը պայմանավորված է սառը և տաք օդային զանգվածների միջև տուրբուլենտության բացակայությամբ, բնապահպանը մեկ այլ կարևոր երևույթի վրա է ուշադրություն դարձնում.

- Մարդիկ ամենուրեք տերևներ են այրում, միաժամանակ, կրակի մեջ նետելով  տարաբնույթ առարկաներ, որոնց այրման հետևանքով առաջանում են առողջության համար վտանգավոր նյութեր։ Ավելին, Երևանում կան բազմաթիվ բաց հանքեր և քարի վերամշակման արտադրամասեր, որոնք նույնպես նպաստում են օդի աղտոտմանը։

Փորձեք դուրս գալ մայրաքաղաքից: Փոխարենը շնչես մաքուր օդ, շնչում ես այրվող տերևների ծխի հոտ ու սկսում ես խեղդվել: Այն բնակավայրերում, որտեղ շատ են այգիները, այդ հատվածներում առավել ևս վատ վիճակ է: Այս իրավիճակը մարդկանց մոտ կարող է հանգեցնել սրտանոթային և թոքային հիվանդություններից վաղաժամ մահացությունների և քաղցկեղի աճի:

Ես չգիտեմ՝ էլ ինչքան պետք է բարձրանա, որ հասկանանք՝ ինչ պետք է անենք: Մինչև հասարակական կազմակերպությունները չահազանգեցին ու չբարձրաձայնեցին, պատկան մարմինները չխոսեցին դրա մասին՝ քաղաքացիներին խորհուրդներ տալով ու զգուշացնելով օդի աղտոտվածության մասին: Բայց, սա քիչ է, պետք է մեծ աշխատանքներ տանել այս ամենը կանխելու համար։

Այս թեմայով Իրանի հետ պատերազմում ԱՄՆ-ի կորուստները հասել են «պատմականորեն աննախադեպ մակարդակի» Ռուսաստանի արտաքին քաղաքականության մեջ նոր, եզակի փորձ է սկսում ի հայտ գալ. Փորձագետ Մոսկվայի ուղղությամբ այս գիշեր տեղի է ունեցել զանգվածային հարձակում Բրիտանիայում բնակչությանը կոչ են անում պատրաստվել Ռուսաստանի հետ հնարավոր պատերազմին ՇՏԱՊ. Ով եք Դուք, որ…Գեւորգ Սուջյանը հրատապ հայտարարությամբ է հանդես եկել