Նարիշկինն Ուկրաինայի հարցով հանդիպումներ է անցկացրել Անկարայում. Ֆիդան

Թուրքիայի արտաքին գործերի նախարար Հաքան Ֆիդանը հայտարարել է, որ Ռուսաստանի Դաշնության արտաքին հետախուզության ծառայության ղեկավար Սերգեյ Նարիշկինը նոյեմբերի 27-ին այցելել է Անկարա, որտեղ կայացած հանդիպումների ժամանակ քննարկվել է ռուս-ուկրաինական հակամարտության կարգավորման թեման։ Այդ մասին «Արմենպրես»-ը տեղեկանում է «ՌԻԱ Նովոստի» գործակալությունից:

«Երեկ հարգարժան պարոն Նարիշկինը գտնվում էր Անկարայում. նա մեզ ներկայացրեց Ռուսաստանի դիրքորոշումը (խմբ.՝ խաղաղության ամերիկյան) պլանի վերաբերյալ։ Այս թեմայի շուրջ իրադարձությունների զարգացումներ կան, և մենք գնահատել ենք այս ամենը», – ասել է Ֆիդանը նոյեմբերի 28-ին Բեռլինում կայացած մամուլի ասուլիսում։

ԱՄՆ-ն ավելի վաղ առաջարկել է ռուս-ուկրաինական հակամարտության կարգավորման՝ 28 կետից բաղկացած ծրագիր։ Նոյեմբերի 23-ին ԱՄՆ-ն և Ուկրաինան Ժնևում խորհրդակցություններ են անցկացրել խաղաղության ծրագրի շուրջ։ Ավելի ուշ ԱՄՆ նախագահ Դոնալդ Թրամփը հայտարարել է, որ ծրագրի կետերի թիվը կրճատվել է մինչև 22։

Ըստ ամերիկյան սկզբնական առաջարկի՝ Ուկրաինան պետք է տարածքային զիջումների գնա, հրաժարվի ՆԱՏՕ-ին անդամակցելու ձգտումներից և կրճատի իր զորքերի թվաքանակը։

Այս թեմայով ՀՀ ղեկավարությունը կսխալվի, եթե հիմնվի բացառապես Արմուտքի օգնության և աջակցության վրա․ Նարիշկին Նարիշկինը հաստատել է Թուրքիայի ԱԳ նախարար Հաքան Ֆիդանի հետ հանդիպումը Հայաստանն ու Ադրբեջանն այնքան էլ չեն լսում խաղաղ կարգավորման վերաբերյալ ԱՄՆ-ի և ԵՄ-ի առաջարկությունները․ Նարիշկին Մեկ շաբաթւմ ԱԻՆ-ը գրանցել է 254 դեպք, որից 109-ը՝ արտակարգ Շարմազանովը հեռախոսազրույց է ունեցել Նարիշկինի հետ