Վիգեն Էուլջեքջյանի ընտանիքը նամակներ է ուղարկել ԱՄՆ նախագահին, նրա տիկնոջը, Իսրայելի և Արգենտինայի նախագահներին

Բաքվում բանտարկված լիբանանահայ Վիգեն Էուլջեքջյանի մասին ընտանիքը որևէ նոր հաստատված տեղեկություն չունի՝ բացառությամբ այն հեռախոսազանգի, որը նրան թույլատրվել էր կատարել անցյալ շաբաթ։ Ինչպես հայտնի է, Ադրբեջանում կալանավորվածների հետ շփումը խիստ սահմանափակված է, և ընտանիքը շարունակում է տառապել տեղեկատվության լուրջ պակասից։ Այդ  մասին «Փաստինֆո»-ի հետ զրույցում ասել է միջազգային իրավապաշտպան, Վիգեն Էուլջեքջյանի փաստաբան Լուչիանա Մինասյանը։

«Մենք անում ենք ամեն ինչ մեր կարողությունների սահմաններում՝ նրա վիճակը վերահսկելու և միջազգային ուշադրությունը նրա գործի հրատապության վրա հրավիրելու համար»,- ասել է նա։

Հիշեցնենք, որ անցած շաբաթ 45-օրյա լռությունից հետո Բաքվում բանտարկված Վիգեն Էուլջեքջյանը վերջապես զանգահարել էր կնոջն ու տեղեկացրել, որ առողջական վիճակը կտրուկ վատացել է, չի կարողանում քայլել, իսկ բանտապահները հրաժարվում են տրամադրել բժշկի նշանակած դեղերը։

Լուչիանա Մինասյանը նաև հայտնել է, որ Վիգենի վիճակը մեղմելու համար իրենք ձեռնարկում են մի շարք քայլեր, այդ թվում՝ միջազգային կառույցներին դիմելը։ Բաքվում պահվող հայ գերու ընտանիքը ևս բազմաթիվ քայլեր է ձեռնարկում, դիմել են նույնիսկ տարբեր երկրների ղեկավարների։

«Մենք երկու առանձին անգամ պաշտոնական նամակներ ենք ուղարկել նախագահ Դոնալդ Թրամփին՝ Սպիտակ տան միջոցով, ինչպես նաև անձնական նամակ Իսրայելի նախագահ Իսահակ Հերցոգին։ Նամակներ ենք հղել նաև Միացյալ Նահանգների առաջին տիկնոջը՝ հաշվի առնելով մարդասիրական նախաձեռնություններում նրա ներգրավվածությունը։ Դիմել ենք նաև Արգենտինայի նախագահ Խավիեր Միլեյին։

Վստահ եղեք, որ մենք կշարունակենք անխոնջ աշխատել նրա անվտանգության, իրավունքների պաշտպանության և վերջնական ազատ արձակման համար»,- ասել է  Լուչիանա Մինասյանը։

Այս թեմայով Այո՛, քաղբանտարկյալներ չկան, պատանդներ, գերիներ կան, պետք է ճիշտ թիրախ ընտրենք. Նահապետյան Վիգենն այլևս չի քայլում, նրան Բաքվի բանտում զրկել են անգամ դեղորայքից. Շտապ,Վիգենի կինն օգնություն է խնդրում. Ազատություն Ադրբեջանի դատախազը պահանջել է ցմահ ազատազրկում հայ գրիներից մի քանիսի համար Վիգենի տառապանքը հիշեցում է այն անարդարության, որին բախվում են Ադրբեջանում անօրինական պահվող հայերը․ փաստաբան ՇՏԱՊ. Երեւանում ադրբեջանական բորտ է վայրէջք կատարել, ո՞վ եկել