Մոսկվան փորձում է արագացնել ԱՊՀ ուղղությամբ կուրսի ռեսթարտը

Ի­հար­կե, այն ի­րա­դար­ձութ­յուն­նե­րը, ո­րոնք այս պա­հին զար­գա­նում են Մեր­ձա­վոր Ա­րե­ւել­քում (Տես նաեւ https://iravunk.com/?p=328863&l=am), ամ­բող­ջա­կան չեն լի­նի, ե­թե հաշ­վի չառ­նենք նաեւ ռու­սա­կան գոր­ծո­նը: Եվ այդ գոր­ծոնն էլ ա­վե­լի ա­ռանց­քա­յին է դառ­նում,­ երբ հաշ­վի ենք առ­նում ոչ միայն կո­մու­նի­կա­ցիոն եւ տնտե­սա­կան կա­պե­րը, այլ նաեւ այն ռազ­մա­կան հա­րա­բե­րութ­յուն­նե­րը, ո­րոնք զար­գա­նում են Ռու­սաս­տա­նի եւ Ի­րա­նի մի­ջեւ:

Ի դեպ, ի­րա­նա­կան փոր­ձա­գի­տա­կան աղբ­յու­րը նա­խօ­րեին տա­րա­ծեց եւս մեկ տե­ղե­կատ­վութ­յուն, ո­րը խո­սում է ռուս-ի­րա­նա­կան ռազ­մա­կան հա­րա­բե­րութ­յուն­նե­րում նաեւ ան­նա­խա­դեպ զար­գա­ցում­նե­րի հնա­րա­վո­րութ­յան մա­սին: Այն է. «Ռու­սաս­տա­նը ա­ռա­ջար­կեց ստեղ­ծել նոր ռազ­մա­կան դա­շինք՝ որ­պես ՆԱՏՕ-ի այ­լընտ­րանք։ Ռու­սաս­տա­նը ա­ռա­ջար­կեց կնքել պաշտ­պա­նա­կան պայ­մա­նա­գիր «նման մտա­ծո­ղութ­յամբ երկր­նե­րի» հա­մար, իսկ Ի­րա­նը հաս­տա­տեց, որ նախ­նա­կան բա­նակ­ցութ­յուն­ներն ար­դեն ըն­թաց­քի մեջ են»:

­Թեեւ սա պաշ­տո­նա­պես դեռ հաս­տատ­ված չէ, բայց նման ակ­նարկ­ներ ա­ռա­ջին ան­գամ չէ, որ հնչում են: Ընդ ո­րում, խոս­վում է ոչ թե դա­սա­կան ի­մաս­տով ռազ­մա­կան դա­շին­քի, ան­գամ` ՆԱՏՕ-ին նման հա­մա­կար­գի ստեղծ­ման մա­սին, այլ` նկա­տե­լիո­րեն տար­բեր­վող մե­խա­նիզ­մի: Այն է` պե­տութ­յուն­նե­րը, ու­նե­նա­լով լավ հա­րա­բե­րութ­յուն­նե­ր, ոչ թե ստեղ­ծում են հա­մա­տեղ ռազ­մա­կան կա­ռույց­ներ, ու­ժեր եւ նման բա­ներ, այլ մնում են մաք­սի­մալ ինք­նու­րույն, բայց նաեւ ստանձ­նե­լով անհ­րա­ժեշ­տութ­յուն, այն է` երկր­նե­րից մե­կի դեմ ագ­րե­սիա­յի դեպ­քում պար­տադ­րան­քի ու­ժով օգ­նութ­յան հաս­նե­լու մա­սին: Մո­տա­վո­րա­պես այն սկզբուն­քով, որն այս պա­հին էլ գոր­ծում է Ռու­սաս­տա­նի եւ Հ­յու­սի­սա­յին Կո­րեա­յի մի­ջեւ: Տար­բե­րութ­յամբ, որ սա կա­րող է ստա­նալ կո­լեկ­տիվ ներգ­րավ­վա­ծութ­յան տեսք. մե­կի դեմ ագ­րե­սիա­յին կմաս­նակ­ցեն հա­մա­կար­գում ներգ­րավ­ված բո­լոր կող­մե­րը: Իսկ սո­վո­րա­կան ի­րա­վի­ճա­կում թե այդ երկր­նե­րից ո­րոնք ի­րար հետ ինչ ռազ­մա­կան հա­մա­գոր­ծակ­ցութ­յուն կու­նե­նան, դա ար­դեն ի­րենց ո­րո­շե­լիքն է:

Այս ա­մե­նի հետ մեկ­տեղ քիչ չեն նաեւ խո­սակ­ցութ­յուն­նե­րը, որ այդ սկզբուն­քը քննարկ­ման թե­մա է նաեւ ՀԱՊԿ-ում: Այ­սինքն, ՀԱՊԿ-ը կներգ­րավ­վի՞ նման հա­մա­կար­գում, թե ան­դամ երկր­նե­րը հնա­րա­վո­րութ­յուն կու­նե­նան ինք­նու­րույն կողմ­նո­րոշ­վել: Ա­վե­լին, ո­րոշ փոր­ձա­գի­տա­կան աղբ­յուր­ներ այն կար­ծի­քին են, որ թե­ման ար­դեն այն աս­տի­ճան է հա­սու­նա­ցել, որ վա­ղը մեկ­նար­կող ՀԱՊԿ-ի գա­գա­թա­ժո­ղո­վում այն կսկսեն քիչ-քիչ քննար­կել նաեւ կու­լո­ւա­րա­յին մա­կար­դա­կով:

­Նաեւ հաշ­վի առ­նե­լով այն կան­խա­տե­սում­նե­րը, որ Ռու­սաս­տա­նը, նախ զար­գաց­նե­լով Միու­թե­նա­կան պե­տութ­յան սխե­ման, ա­պա նաեւ հիմք դնե­լով ա­ռան­ձին երկր­նե­րի հետ պա­տե­րազմ­նե­րի դեպ­քում պար­տա­դիր փո­խօգ­նութ­յան մե­խա­նիզ­մին, ար­դեն պար­զա­պես կա­րող է չզգալ ՀԱՊԿ-ի անհ­րա­ժեշ­տութ­յու­նը, ո­րը, ինչ­պես ցույց տվեց ուկ­րաի­նա­կան պա­տե­րազ­մի փոր­ձը, որ­պես ռազ­մա­կան միա­վո­րում ա­ռանձ­նա­պես չաշ­խա­տեց: «Ճիշտ է, այդ դեպ­քում կա­րող է տպա­վո­րութ­յուն ստեղծ­վել, որ ԱՊՀ երկր­նե­րի հետ Ռու­սաս­տա­նի գոր­ծակ­ցութ­յան հար­ցում բաց է ա­ռա­ջա­նա­լու: Բայց ի­րո­ղութ­յունն այն է, որ այդ բացն ար­դեն իսկ կա, ան­կախ նրա­նից, որ պար­բե­րա­բար հա­վաք­վում են ՀԱՊԿ-ի շրջա­նակ­նե­րում, ինչ-որ մի­ջո­ցա­ռում­ներ անց­կաց­նում: Դ­րա է­ֆեկ­տի­վութ­յու­նը տե­սա­նե­լի չէ, ի տար­բե­րութ­յուն, ասենք, ԵԱՏՄ-ի, ո­րի օգ­տա­կա­րութ­յու­նը տես­նում եւ ան­դամ երկր­նե­րից ա­մեն մեկն իր չա­փով գնա­հա­տում է»,- կար­ծիք է հայտ­նում աղբ­յու­րը:

Ա­մեն դե­պքում, Ռու­սաս­տա­նում ի­րոք գնա­լով ա­վե­լի ու ա­վե­լի բարձ­րա­ձայն է դառ­նում կար­ծի­քը, որ ԱՊՀ եւ մեր­ձա­վոր այլ երկր­նե­րի հետ ՌԴ-ի քա­ղա­քա­կան հա­րա­բե­րութ­յուն­նե­րի հար­ցը ի­րոք, մեղմ ա­սած, լա­վա­գույն օ­րե­րը չեն ապ­րում: Նաեւ, որ պետք է գնալ քա­ղա­քա­կան կուր­սի ար­մա­տա­կան փո­փո­խութ­յուն­նե­րի, այ­լա­պես հետ­խորհր­դա­յին ողջ ժա­մա­նա­կաշր­ջա­նի դի­նա­մի­կան տա­նե­լու է ի­րա­վի­ճա­կի էլ ա­վե­լի վատ­թա­րաց­ման: Մի շարք փոր­ձա­գի­տա­կան աղբ­յուր­ներ, այդ թվում` իշ­խա­նա­կան հա­մա­կար­գին մոտ կանգ­նած, պնդում են, որ ի­րա­վի­ճակն ան­գամ Կ­րեմ­լի մա­կար­դա­կով այն աս­տի­ճան մռայլ են գնա­հա­տում, որ սկսվել է բո­լոր հնա­րա­վոր կադ­րե­րին եւ մե­խա­նիզմ­ներն այն փո­խե­լուն ուղղ­ված խոր­քա­յին գոր­ծըն­թաց:

Իշ­խա­նա­մերձ աղբ­յուր­նե­րից մեկն ան­գամ գրում է. «Մեր աղբ­յուր­նե­րի հա­մա­ձայն   ` մին­չեւ իսկ Մոսկ­վա­յի քա­ղա­քա­պե­տա­րա­նում կա­րող են ան­խու­սա­փե­լի լի­նել մի­ջազ­գա­յին հա­րա­բե­րութ­յուն­նե­րին վե­րա­բե­րող կա­ռա­վար­ման փո­փո­խութ­յուն­ներ։ Ինչ­պես հայտ­նի է, այս տա­րի վար­չա­կազ­մում տե­ղի են ու­նե­ցել հիմ­նա­րար կադ­րա­յին փո­փո­խութ­յուն­ներ, ո­րոնք ուղղ­ված են ար­տա­քին քա­ղա­քա­կա­նութ­յան մո­տե­ցում­նե­րի վե­րա­շա­րադր­մա­նը։ Բո­լոր քա­ղա­քա­կան գոր­ծիչ­նե­րը (եւ սա նե­րա­ռում է ոչ միայն քա­ղա­քա­պե­տա­րա­նը) փո­փո­խութ­յան մեջ են։ Բո­լո­րը հաս­կա­նում են, որ «ար­տա­քին» օ­րա­կար­գը ձա­խող­վել է, եւ սա կյան­քի փաստ է։ Հա­մա­պա­տաս­խա­նա­բար, ցան­կա­ցած գոր­ծիչ, ո­րը կա­րող է ա­ռա­ջար­կել եւ­ ի­րա­կա­նաց­նել իր սե­փա­կան լու­ծում­նե­րը ար­տա­սահ­մա­նում, կստա­նա քա­ղա­քա­կան ազ­դե­ցութ­յուն… Այ­սինքն, քա­ղա­քա­կան տեխ­նո­լո­գիա­նե­րի «շու­կան» ներ­քի­նից տե­ղա­փոխ­վում է մի­ջազ­գա­յին քա­ղա­քա­կա­նութ­յան վրա կենտ­րո­նա­նա­լու ուղղ­վա­ծութ­յուն`հա­սա­րա­կայ­նութ­յան հետ կա­պե­րով զբաղ­վող կա­ռույց­նե­րին գոր­ծըն­թա­ցի մեջ ներգ­րա­վե­լով, քա­նի որ ար­տա­սահ­մա­նում Ռու­սաս­տա­նը չու­նի կա­յու­նութ­յուն ա­պա­հո­վե­լու նմա­նա­տիպ գոր­ծիք­ներ, իսկ ստեղ­ծե­լը ժա­մա­նակ կպա­հան­ջի»:

Այ­սինքն նման է, որ Մոսկ­վան ոչ թե պար­զա­պես փոր­ձում է փո­խել ար­տա­քին քա­ղա­քա­կան մե­խա­նիզմ­նե­րը (եւ ա­ռա­ջին հեր­թին` ԱՊՀ հար­թա­կում, այլ նաեւ մտա­ծում է դա հնա­րա­վո­րինս ա­րագ ի­րա­կա­նաց­նե­լու մա­սին` դրա հա­մար անհ­րա­ժեշտ գոր­ծիք­նե­րի բա­ցա­կա­յութ­յու­նը փոր­ձե­լով լրաց­նել ներ­քին դաշ­տում ե­ղած ռե­սուրս­նե­րի հաշ­վին: Իսկ թե դա որ­քա­նո՞վ կաշ­խա­տի, կտես­նենք:

Տես նաեւ https://iravunk.com/?p=328864&l=am 

Այս թեմայով «Ժողովուրդ». «Կարմիր գծեր»-ը 2026-ին փորձում են նորից թանկացնել Բաքվի բարբարոսական վարչախմբի պարագլուխը փորձում է ցույց տալ, որ այլևս կարիք չունի Մոսկվայի «բարեհաճության»,այնուհետ՝ ուղերձ է Թուրքիային և Արևմուտքին, որ արհեստածին Ադրբեջանն այլևս դուրս է ռուսական ազդեցության ուղեծրից.իրանագետ Ադրբեջանական բենզինի թաքնված ականները. Մեկնաբանում են տնտեսագետները ՇՏԱՊ. «ԴՕԿ» կուսակցության շտաբի պետ, հայտնի փաստաբան Լեվոն Բաղդասարյանը բացառիկ հայտարարությամբ է հանդես եկել Արախչի. Թեհրանը և Մոսկվան դեմ են Կովկասյան տարածաշրջանում արտաքին ուժերի ներկայությանը