Իրականում ինչի՞ շուրջ է իրական բանակցություններն ԱՄՆ-ի, ՌԴ-ի ուՈւկրաինայի միջեւ` Աբու Դաբիում

Ուկրաինայի հետ կապված ներկա բանակցությունների մասին ֆեյկերի պակաս ակնհայտորեն չկա: Այն տպավորությունն է, որ ֆեյկային այս խաղին միացել են անգամ առաջին դեմքերը ու պաշտոնական բանակցությունների մասնակիցները, հաշվի առնելով, որ նրանց հայտարարությունները շատ դեպքերում մեկը մյուսին էապես հակասում են:

Սակայն մի շարք միանգամայն տեղյակ աղբյուրներ վստահեցնում են, որ այդ մենը, ինչպես նաեւ տարաբնույթ բանակցություններն ու հանդիպումներն են իրենցից մեկ մեծ ֆեյկ ներկայացնում: Իսկ իրական բանակցությունենրը, որոնց մասին խոսեց նաեւ Axios-ի, եւ հաստատեց Սպիտակ տունը, ընթանում է Աբու Դաբիում` Ռուսաստանի և Ուկրաինայի մասնակցությամբ։

Մի շարք աղբյուրներ հաղորդում են, որ Կիևն այդ բանակցություններում ներկայացնում է Բուդանովը։ Ռուսաստանը` Գլխավոր շտաբի կառավարման գլխավոր վարչության պետ Իգոր Կոստյուկովը և Արտաքին հետախուզության ծառայության տնօրեն Սերգեյ Նարիշկինը։

Այն հիմնական աղմկոտ հարցերից մեկը, թե ինչ կարգի բանակ պետք է ունենա Ուկրաինան պատերազմից հետո, 600 թե 800 հազարանոց, ըստ աղբյուրի, այդ բանակցություններում անգամ չի էլ քննարկվում, ու շատ պարզ պատճառով: Այս պահին, երբ Ուկրաինայում համատարած մոբիլիզացիա է, ուկրաինական ուժերի թվակազմ, թիկունքային կառույցներով հանդերձ, իրականում 800 հազարի չի հասնում: Իսկ պատերազմի ավարտի դեպքում, երբ Ուկրաինան կմնա առանց արեւմտյան հսկայածավալ ֆինանսավորման ու կործանված տնտեսության փաստի առաջ, ոչ թե 600, այլ անգամ 300-400 հազարանոց բանակ պահել չի կարողանա:

Գլխավորը, այդ բանակում չպետք է լինեն Մոսկվային քիչ թե շատ անհանգստացնող զինատեսակներ, այդ թվում` պետք է հաստատվի Ուկրաինայի ոչ միջուկային կարգավիճակը: Պետք է նաեւ բացառվի ՆԱՏՕ-ին անդամակցությունը, Ուկրաինայում եվրոպական ուժերի որեւէ ներկայություն, անգամ ռազմական խորհրդատուների տեսքով, որոնք, ըստ էության, հիմնականում հետախուզական ծառայություններն են: Ապագա փաստաթղթում հենց դա են պահանջում ֆիքսել ռուսները, նաեւ, որ այդ մասով ցանկացած խախտում պետք է անմիջապես վերացվի Ուկրաինայի անվտանգությունը երաշխավորող ԱՄՆ-ի կողմից: Եթե ոչ, ապա դա կհամարվի պայմանագրի կոպիտ խախտում, ինչը կզրոյացնի ԱՄՆ-ի անվտանգային երաշխիքները: Ըստ մեր տեղյակ աղբյուրի, հենց սա է այն գլխավոր թեման, որի շուրջ էլ իրական քննարկումները զարգանում են:

Այս ֆոնին, ամենաառաջնային տեղում չէ անգամ Դոնբասից ուկրաինական զորքերը հանելու թեման: Բանակցողները, որոնք ռազմական ուղղության անձիք են, պարզ հասկանում են, որ Դոնբասը պահելու շանս Կիեւը չունի. Արդեն ձմեռային կոմպանիայի ժամանակ, եթե պատերազմը չկանգնի, ռուսական ուժերը կարող են ամբողջությամբ գրավել Դոնբասը: Ուկրաինական դիտարկումներին, թե դա քաղաքական իմաստով կարող է ավելի նպատակահարմար լինել խաղաղության հարցում, եղել է արձագանք. ռուսական ուժերն այդ ընթացքում մեծ տարածքներ կվերցնեն Դնեպրոպետրովսկում, Խարկովի մարզում եւս կարող են շատ լուրջ առաջխաղացում ունենալ, կմոտենան մարզկենտրոն Զապորոժեին կամ կվերցնեն այն: Ու բոլոր այդ տարածքները, որոնք արյան գնով կանցնեն ռուսներին, վերադարձի ենթական չեն լինելու: Քաղաքական իմաստով` ավելի վատ պայմաններով խաղաղության գնա՞լն է ձեռնտու Կիեւին, թե այս պահին Դոնբասը հանձնելը, թող իրենք որոշեն:

Իսկ այն մնացած հարցերը, որոնք վերաբերում են ռուս-ամերիկյան հարաբերություններին, Մոսկվան եւ Վաշինգտոնը սկսել են պայմանավորվել այլ փաստաթուղթ տեղափոխել, որը կարող է ստորագրվել Պուտինի եւ Թրամփի կողմից` ուկրաինական փաստաթղթի ստորագրմանը զուգահեռ. սա արդեն երկու երկրների սուվերեն իրավունքն է:

Տես նաեւ https://t.me/iravunk/61297 

Այս թեմայով Ենթակայանում բռնկված հրդեհի հետևանքով շուրջ 5 հազար բաժանորդ հոսանքազրկված է, միլիոնների վնաս է կրել. Ռոմանոս Պետրոսյան Բրիտանիան կարող է աղետի ենթարկվել, եթե ԱՄՆ-ն արգելի դիզելային վառելիքի արտահանումը. Telegraph ԻՊՀԿ-ն հայտարարեց ԱՄՆ-ի REMUS 600 ստորջրյա անօդաչուի գրավման մասին (Տեսանյութ) Հզոր փոթորիկը հարվածել է ԱՄՆ-ի հյուսիս-արևելքին (Տեսանյութ) Մինչև ԱՄՆ-ի նոր հարձակումը մնացել է 72 ժա՞մ