ՀՐԱՏԱՊ. Քաղաքացին կտրել է երակները ոստիկանության դիմաց

Ոստիկանության դիմաց քաղաքացին ծանր հոգեկան վիճակում կտրել է երակները

Այսօր Երևանում մի տղամարդ, դժգոհելով իր նկատմամբ կիրառված երեխային տեսակցելու սահմանափակումից, ոստիկանության մի քանի ստորաբաժանումների մոտ կտրել է իր երակները։ 

Ականատեսները «Իշխանություն» լրատվականին պատմեցին, որ տղամարդը ՆԳՆ ՔՈԳՎ Երևանի քաղաքի վարչության շենքի դիմաց գտնվում էր ծանր հոգեկան վիճակում, բարձրաձայն լացում էր և խնդրում  էր վերացնել երեխային տեսակցելու արգելքը։ Մինչ ոստիկանների մոտենալը, նա սուր ածելիով կտրել է իր ձեռքի երակները, այնուհետև դիմել է փախուստի։

Ոստիկանները հետապնդել են նրան և գտել ՆԳՆ քրեական ոստիկանության գլխավոր վարչության շենքի մոտ, որտեղ վերջինս կրկին փորձել է կտրել իր երակները՝ խնդրելով վերացնել արգելքը։

ՆԳՆ մամուլի խոսնակ Նարեկ Սարգսյանը «Իշխանություն» լրատվականին ասաց, որ ոստիկանները կանխել են հետագա ինքնավնասումը, տղամարդուն ցուցաբերվել է առաջին բուժօգնություն, ապա տեղափոխվել է կենտրոնի բաժին։ Դեպքի առթիվ նախաձեռնվել է քրեական վարույթ։

Պետական համակարգը, այդ թվում՝ ոստիկանությունն ու սոցիալական ծառայությունները, ՄԻՊ-ը պարտավոր են ապահովել ավելի արդյունավետ միջամտության մեխանիզմներ, խորհրդատվություն և կանխարգելիչ աջակցություն, որպեսզի քաղաքացիներն իրենց բողոքի կամ հուզական վիճակի պահին չդիմեն ինքնավնասման քայլի։ Նման միջադեպերը պետք է դառնան ազդակ՝ վերանայել գործող պրակտիկան և ձևավորել մարդակենտրոն մոտեցում՝ հատկապես ծնող-երեխա հարաբերություններին առնչվող հարցերում։

Լիա Սարգսյան

https://ishkhanutyun.am/hy/187

Այս թեմայով Շու’տ ապաքինվիր և շարունակի’ր քո հայրենանվեր գործը. Տեր Վրթանեսի կինը գրառում է արել ու լուսանկարներ հրապարակել Պարույր Հայրիկյան, դու անպարտ ես. Աղմկահարույց գործերով հայտնի փաստաբանը հայտարարությամբ է հանդես եկել Գլխացավն ու գլխապույտը կուղեկցեն մարդկանց մինչև Նոր տարի․ Երկրի վրա կրկին մագնիսական փոթորիկ է սպասվում Երևանի Գուրգեն Մահարի փողոցի տներից մեկում հայտնաբերվել է օտարերկրացու մարմին Արշակին պաշտպանողներն են ինձ քննադատում ուրիշ ոչ մեկ. Ուրացած Սրբազանը մի այլ կարգի հպարտ է