Ինձ ավել հեշտ է սպանել, քան վախեցնել. Միհրան Մովսիսյան

2026 թվականի խորհրդարանական ընտրություններին ընդառաջ որոշ կուսակցություններ արդեն իսկ ներկայացնում են իրենց վարչապետի թեկնածուներին: «Արդար խոսք» կուսակցությունն օրերս կայացած համագումարում ներկայացրեց իրենց վարչապետի թեկնածուին՝ պահեստազորի գնդապետ, ազատամարտիկ Միհրան Մովսիսյանին: Ինչպես ասաց կուսակցության նախագահ Ալբերտ Մովսիսյանը, ընտրությունը կատարվել է խորհրդի կազմի 13 անդամի միաձայն որոշմամբ:

«Արցախը Հայաստան է եւ վերջ: Ես տարիներ ի վեր կյանքս զոհաբերել եմ հանուն երկրի, հողի եւ ինքնության ու հիմա չեմ ցանկանա, որ լինի պատերազմ: Բայց մենք ոչնչից չենք վախենում»,-  իր խոսքը սկսեց վարչապետի թեկնածուն:

Ըստ Միհրան Մովսիսյանի, այժմ գտնվում ենք բարդ իրավիճակում եւ հարկավոր է կողմնորոշվել, հակառակ դեպքում՝ անելիք չկա դաշտում:

«1990 թվականից Ռուսաստանից վերադարձա Հայաստան եւ առաջիններից մեկն էի, որ եղա Երասխավանի խաչմերուկում՝ որսորդական հրացանով: Մասնակցել եմ ազատագրական շարժմանը ու արժանացել «Մարտական խաչ» 1-ին աստճանի շքանշանի: Այսօր, կարծես, «ազատամարտիկ» բառը հավասարվել է զրոյի: Երբ գործող իշխանությունների հետ քննարկում ես նման թեմա, դառնում ես նրանց հակառակորդը, իսկ նրանց հակառակորդ եղել ենք հենց առաջին օրվանից»,- իր ելույթում ասաց Մովսիսյանը:

«Իրավունք»-ի հնչեցրած հարցին, թե արդյոք «Արդար խոսք» կուսակցությունը դաշինք կկազմի որեւիցե կուսակցության հետ, Միհրան Մովսիսյանը պատասխանեց, որ դեռեւս նման քննարկում չեն ունեցել, սակայն կան կուսակցություններ, հասարակական կազմակերպություններ, որոնք սատարում են իրենց:

«Պարտադիր չէ, նստենք եւ հռչակագրեր կնքենք: Մենք ամենօրյա հանդիպումներ ենք ունենում շատ-շատ մարդկանց հետ»:

Հարցին, թե արդյոք Մովսիսյանը չի վախենում իշխանության կողմից որդեգրած ձերբակալություններից, պատասխանեց. «Ինձ սպանելը ավելի հեշտ է քան վախեցնելը»:

ՆԱՆԱ ՍԱՐԳՍՅԱՆ

Այս թեմայով Հարկավոր է մարզային ուղեւորափոխադրամիջոցների կայանման վայրը փոխել․ Ալբերտ Մովսիսյան Հայոց ցեղասպանությունը «ճանաչում է» մի ֆաշիստական պետություն, որը Թուրքիայից հետո առաջինն է ամենաշատը պայքարել դրա դեմ. Հակոբյան Հայկական կինոժառանգությունը օտարների ձեռքում. ո՞վ է պատասխան տալու Հունիսի 7-ին Հայաստանում ավարտվեց 2018 թվականի հայկական հեղափոխությունը․ Միհրան Հակոբյան ՇՏԱՊ. Որդուս կյանքը վտանգված է. Միհրան Մովսիսյան