Շնորհակալ ենք այն ամենի համար, ինչ Ամերիկան և նախագահ Թրամփն անում են մեր անվտանգության համար․ Զելենսկի

Մենք շնորհակալ ենք այն ամենի համար, ինչ Ամերիկան ​​և նախագահ Թրամփն անում են անվտանգության համար, և մենք մնում ենք հնարավորինս կառուցողական, իր թելեգրամյան ալիքում գրել է Ուկրաինայի նախագահ Վլադիմիր Զելենսկին։

Նա հայտնել է նաև, որ զրույց է ունեցել Ֆրանսիայի նախագահ Էմանուել Մակրոնի հետ։ 

«Մեր թիմերը Ժնևում աշխատում են և շատ կարևոր է, որ լինի գործնական արդյունք, և որ սա Ուկրաինային և ամբողջ Եվրոպային մոտեցնի հուսալի խաղաղությանն ու անվտանգությանը»,- նշել է Զելենսկին։

Նշենք, որ ավելի վաղ Թրամփը գրել էր․ «Ուկրաինայի ղեկավարությունը զրո երախտագիտություն է հայտնել մեր ջանքերի համար, իսկ Եվրոպան շարունակում է նավթ գնել Ռուսաստանից»։

Ավելի վաղ Զելենսկին գրել էր, որ Ուկրաինայի պատվիրակությունն այսօր Ժնևում աշխատում է պատերազմի դադարեցման, խաղաղության վերականգնման և կայուն անվտանգության ապահովման կենսունակ լուծումներ գտնելու ուղղությամբ։

Ըստ նրա, արդեն ստացվել են թիմի կողմից առաջին հանդիպումների և զրույցների արդյունքների կարճ հաշվետվությունները։

«Ներկայումս կա ըմբռնում, որ ամերիկյան առաջարկները կարող են ներառել մի շարք տարրեր, որոնք հիմնված են ուկրաինական տեսլականի վրա և կենսական նշանակություն ունեն Ուկրաինայի ազգային շահերի համար։ Շարունակվում է հետագա աշխատանքը՝ ապահովելու համար, որ բոլոր տարրերը իսկապես արդյունավետ լինեն մեր ժողովրդի ակնկալած գլխավոր նպատակի՝ արյունահեղության և պատերազմի վերջնական դադարեցման հասնելու գործում», – նշել է Զելենսկին։

Այս թեմայով Աշնանային սրացումներ ԱԺ-ում․ ԶԱՐՄԱՆՔ Վերջին շաբաթներին Ռուսաստանը երկու անգամ փորձել է հարձակվել իմ ինքնաթիռի վրա. Զելենսկի Զելենսկի. Պատերազմի ավարտի բանակցությունների առաջին արդյունքները կարող են լինել սեպտեմբերի վերջին Զելենսկի. Կիևը պատրաստ է զիջումների գնալ, որպեսզի Մոսկվան դադարեցնի հարվածել Ուկրաինայի նավահանգիստների և էներգետիկային Ռուսաստանը հարձակվեց և այրեց Coca-Cola-ի գործարանը. սա հստակ ազդանշան է Ամերիկային. Զելենսկի