Գեւորգ Սրբազանը հունից դուրս եկավ, կասկածում է Կաթողիկոսին

«Դուք Ոսկհատից եք չէ՞»․ Գեւորգ Սրբազանը հունից դուրս եկավ, կասկածում է Կաթողիկոսին

Այսօր Արարատի Սուրբ Հակոբ եկեղեցում Նիկոլ Փաշինյանի մասնակցությամբ տեղի ունեցած պատարագի ժամանակ Կաթողիկոսի անունը կրկին չհնչեց։ Եկեղեցական արարողությունը տնօրինում էր թեմի առաջնորդ Գեւորգ Սրբազանը։ 

Պատարագի ավարտին, երբ մոտեցա Գեւորգ Սրբազանին, որ հետաքրքրվեմ՝ ինչո՞ւ չհչեց Կաթողիկոսի անունը, արդյո՞ք նա կիսում է Փաշինյանի ուշագրավ հայտարարությունը, թե «Կտրիճ Ներսիսյանը պետք է հեռանա», արդյո՞ք հաշտ է, որ իր հոգևոր եղբայրները նստած են կալանավայրում, և արդյո՞ք միանում է Կաթողիկոսին հեռացնելու գործընթացին։ Հնչեց միայն մի պատասխան․ «Իմ դեմ պատվերով հոդված եք գրել, Դուք Ոսկհատից եք չէ՞»։ 

Գեւորգ Սրբազանը այս հարցադրումով ակնարկեց, որ իր դեմ պատվեր է տվել Գարեգին Երկրորդը։ Նշեմ, որ ես և կաթողիկոսը Ոսկեհատից ենք, բայց նրան երբևէ չեմ հանդիպել, հետն առնչություն չեմ ունեցել: 

Գեւորգ Սրբազանին այսօր հիանալի հնարավորություն էր տրվել հստակ ու հրապարակային արտահայտելու իր անհամաձայնությունը կաթողիկոսի դեմ սկսված գործընթացներին, սակայն թեմի առաջնորդի վարքագիծը ցույց տվեց նրա համերաշխությունը Նիկոլ Փաշինյանի նախաձեռնած ծրագրերին։

Հիշեցնեմ, որ ավելի վաղ «Իշխանություն» լրատվականի հոդվածներից մեկում հարց էի ուղղել Գեւորգ Սրբազանին՝ ինչպե՞ս է Նիկոլ Փաշինյանը մեկ շաբաթ առաջ իմացել, որ պատարագը մատուցելու համար հրավիրվելու է Տեր Երվանդ քահանա Բաբայանը։ 
Նոր քահանային Արարատ գյուղ է ուղարկել Գևորգ Սրբազանը, ով միակն էր, որ հոգևոր ժողովում դեմ էր քվեարկել Փաշինյանին միացած Տեր Արամին կարգալույծ անելու որոշմանը։ 

Լիա Սարգսյան

https://ishkhanutyun.am/hy/149

Այս թեմայով Շու’տ ապաքինվիր և շարունակի’ր քո հայրենանվեր գործը. Տեր Վրթանեսի կինը գրառում է արել ու լուսանկարներ հրապարակել Պարույր Հայրիկյան, դու անպարտ ես. Աղմկահարույց գործերով հայտնի փաստաբանը հայտարարությամբ է հանդես եկել Գլխացավն ու գլխապույտը կուղեկցեն մարդկանց մինչև Նոր տարի․ Երկրի վրա կրկին մագնիսական փոթորիկ է սպասվում Երևանի Գուրգեն Մահարի փողոցի տներից մեկում հայտնաբերվել է օտարերկրացու մարմին Արշակին պաշտպանողներն են ինձ քննադատում ուրիշ ոչ մեկ. Ուրացած Սրբազանը մի այլ կարգի հպարտ է