Կան տեղեկություններ՝ Փաշինյանի համար կանոնական խախտումով պատարագ մատուցողներին X գումար են տալիս

Բյուրականի Սուրբ Հովհաննես եկեղեցու հոգևոր հովիվ Տեր Վրթանես քահանա Բաղալյանին տեղեկություններ են հասել, որ Փաշինյանի մասնակցությամբ պատարագներին Ամենայն Հայոց կաթողիկոսի անունը չտալու համար պատարագը մատուցող հոգևորականներին x գումար են տալիս:

«Գոնե համոզմունքով անեին, ոչ թե գումարի դիմաց: Թեկուզ գաղափարապես, ամոթ է ասել, միացած լինեին Նիկոլին, բայց փողի դիմաց չանեին:  Ինձ ասացին՝ վարչապետը նախապայման է դնում իր գնալու համար, որ պատարագի հատվածում թեմի առաջնորդի ու Ամենայն Հայոց կաթողիկոսի անունները չհնչեցվեն: Չգիտեմ՝ ով է դա իրեն ուղղորդել, բայց եթե քահանան թեմի առաջնորդի և կաթողիկոսի անունները պատարագին չի հնչեցնում, լուրջ կանոնական խախտում է: Այսինքն՝ այդ քահանան դառնում է հերձվածող»,- Aysor.am-ին ասաց Տեր Վրթանեսը:

Նրա խոսքով՝ Փաշինյանն իր այդ քայլով հոգևորականներին դրդում է մեղքի.

 «Մայր Աթոռը էդ քահանային հիմա ի՞նչ անի: Կարգապահական հանձնաժողովը, երբ այդ հարցը քննում է, քահանան կարող է ներողություն խնդրել ու փորձել հետ գալ, որ Մայր Աթոռը այդ դեպքում կարգալույծ չանի, բայց եթե այդ ընթացքի մեջ հաստատուն է, Մայր Աթոռը պիտի պարտադիր կարգալույծ անի: Այսինքն՝ ամեն ինչ անում են, որ Մայր Աթոռը կարգալույծ անի»:

Ի դեպ՝ քահանաներին գնելու մասին մամուլում խոսել էր նաև Գորիսի տարածաշրջանի հոգևոր հովիվ Տեր Ահարոն քահանա Մելքումյանը: Նրան հասած տեղեկությունների համաձայն՝ 500.000 դոլար են փոխանցել Հովհաննավանքի նախկին քահանային՝ իբրև թե  վանքը նորոգելու համար: Տեր Ահարոնի խոսքով՝ 5 միլիարդ դրամ գումար է դրված քահանաներին «գնելու» համար:

Հովհաննավանքի Տեր Սարգիս քահանա Սարգսյանը  Aysor.am-ի հետ զրույցում չհաստատեց կարգալույծ եղած քահանա Տեր Արամին, այժմ՝ Ստեփան Ասատրյանին  500.000 դոլար գումար տալու մասին տեղեկությունը: Նա ասաց, որ եկեղեցին իրոք նորոգման կարիք ունի, բայց քանի դեռ  ծառայության մեջ է եղել, վերանորոգման ծրագիր չեն ունեցել:  

«Հիմա ինչ է կատարվում, չգիտեմ. այդ ինչ գումարների մասին է խոսքը, դա էլ չգիտեմ»,- ասաց Տեր Սարգիսը:

Այս թեմայով Ում գրպանն է հոսում ոռոգման ջրի համար գանձվող տարեցտարի անգամներով բարձրացվող գումարները Կցանկանայի շնորհակալություն հայտնել Ձեզ Հայաստանի և Ադրբեջանի միջև խաղաղության գործընթացին Ձեր աջակցության համար.Փաշինյան Քաղաքացին իրավունք ունի տրանսպորտի ուղեվարձը վճարել ինչպես ընթացքի մեջ, այնպես էլ երթուղին ավարտելիս. Իրավագետը հանրային տրանսպորտում տուգանելու մասին Իլհամ Ալիևը չի մասնակցի ԱՊՀ երկրների ղեկավարների ոչ ֆորմալ հանդիպմանը Ադրբեջանական բենզինի թաքնված ականները. Մեկնաբանում են տնտեսագետները