Կոչ եմ անում չտրվել հարձակումներին՝ հիբրիդային, ֆեյք տեղեկություններով, ֆեյք ուժերի կողմից. Արսեն Թորոսյան

ՀՀ աշխատանքի և սոցիալական հարցերի նախարար Արսեն Թորոսյանը Ֆեյսբուքի իր էջում փոքրիկ տեսանյութ է հրապարակել, որը կրում է «Հերթական հիբրիդային հարձակումը» խորագիրը:

«Վերջերս տեսնում եմ համացանցում որոշ քաղաքներում մեծ պաստառներ են փակցված, որի վրա գրված է «Պահանջում ենք կենսաթոշակների 50 տոկոս բարձրացում» «Հայաքվե» կոչվող նախաձեռնության կողմից իրենց երկու ներկայացուցիչների նկարներով: Ուզում եմ ձեզ տեղեկացնել, որ սա հիբրիդային հարձակումների փորձված մեթոդ է հատկապես ընտրություններից առաջ»,- ասաց Թորոսյանը՝ նշելով, որ նույն մեթոդը կիրառվել է Մոլդովայում՝ ընտրություններից առաջ, հայտնի շրջանակների կողմից: 

Նրա խոսքով՝ կենսաթոշակների մոտ 50 տոկոս բարձրացումը մեր պետբյուջեի վրա կարող է արժենալ մոտավորապես 100 միլիարդ դրամ, որը այս պահին չկա բյուջեում:

«Բոլոր ծախսերը բաշխված են՝ սոցիալական ոլորտի, մեր համակարգի ծախսերը մոտավորապես 1 տրիլիոն դրամ են, առողջապահական, կրթական, դպրոցաշինական, այսինքն՝ ամբողջ պետական բյուջեն բաշխված է և ավել 100 միլիարդ դրամ, իհարկե, այս պահին չկա:

Բայց մենք մեր ռեսուրսների շրջանակում հունվարի 1-ից բարձրացնելու ենք կենսաթոշակները և նպաստները՝ հետվճարի համակարգով այն դարձնելով 20 տոկոս և ոչ ավելի, քան 10 հազար դրամը»,- նշեց նախարարը՝ ընդգծելով, որ դա շարունակական գործընթաց է լինելու: 

«Կոչ եմ անում չտրվել այս հարձակումներին՝ հիբրիդային, ֆեյք տեղեկություններով, ֆեյք ուժերի կողմից և լինել աչալուրջ, որովհետև մենք շատ թափանցիկ ենք ձեզ հետ մեր աշխատանքներում՝ որևէ բան ձեզանից չենք թաքցնում և անիրատեսական խոստումներ չենք տալիս:

Տալիս ենք իրատեսական խոստումներ, որոնք կատարում ենք»,- խոսքը եզրափակեց Արսեն Թորոսյանը:

Այս թեմայով ՀՐԱՏԱՊ. Աշխարհի մասշտաբով բազմաթիվ կայքեր ժամանակավորապես կանգնել կամ դանդաղել են ՇՏԱՊ. «ԴՕԿ» կուսակցության շտաբի պետ, հայտնի փաստաբան Լեվոն Բաղդասարյանը բացառիկ հայտարարությամբ է հանդես եկել Միրնոգրադում իրավիճակը ուկրաինական ուժերի համար վերածվել է աղետի. Ուկրաինացի զինվորական Բարեպաշտ ժողովրդին հորդորում ենք այս զգայուն կացության մեջ ցուցաբերել սթափություն, չտրվել սադրանքների․ Գարեգին Երկրորդ Սուրեն Պապիկյանի հրամանով Զինված ուժերի ողջ անձնակազմը տոներին ընդառաջ պարգևավճար կստանա