«Երկու անգամ ականատես եմ եղել՝ ինչպես է Ստեփան Ասատրյանը, այդ ժամանակ լինելով քահանա, հայհոյում». Նոր մանրամասներ՝ կարգալույծ արված հոգևորականի մասին. Aysor.am

Հովհաննավանքի կարգալույծ արված քահանա նախկին Տեր Արամին՝ Ստեփան Ասատրյանին կարող են և՛ փողով գնած լինել, և՛ շանտաժով, Aysor.am-ի հետ զրույցում կարծիք հայտնեց Բյուրականի Սուրբ Հովհաննես եկեղեցու հոգևոր հովիվ Տեր Վրթանես քահանա Բաղալյանը:

«Ավելի հավանական է, որ շանտաժով գնած լինեն, իր վրա կոմպրոմատներ ունենալով՝ հաշվի առնելով իր կենցաղը, վարքն ու բարքը: Փողոցային խոսույթով, հայհոյաբերան անձնավորություն է: Դեռ այն ժամանակ նույնիսկ, երկու անգամ ականատես եմ եղել, թե ինչպես է  հայհոյում: Այդ պահվածքը քահանային հարիր չէ: Փորձել եմ մեղմ ձևով իրեն հասկացնել, որ հարիր չէ իրեն, բայց ինքը թեմի առաջնորդի և բարձրաստիճան հոգևորականների մոտ շատ խոնարհ, սրբի դեմքով էր միշտ: Իրականում ոչ կոռեկտ պահվածքով երիտասարդ էր, որն այդպես էլ չկարողացավ կայանալ: Շողոքորթ, նաև ստախոս մարդ է»,- ասաց Տեր Վրթանեսը:

Նրա խոսքով՝ կյանքը ցույց  է տվել, որ նրանք, ովքեր քահանային հարիր վարք ու բարք չեն ունենում, եկեղեցուց դուրս են գալիս՝ լինի դա կամավոր, թե ոչ.

 «Թեմում բացի իրենից սուտ խոսող քահանա չեմ հանդիպել: Իրենից էլ չէի սպասի, բայց պարզվեց, որ մարդը սուտ է խոսում: Ինքը նախադեպ է : Ասում էր, թե մեր համակուրսեցի Տեր Սարգիսը ճեմարանում չի սովորել, կրթություն չունի... Ամբողջը սուտ է ասել։ Կամ, որ ասում էր՝ Քննչական չեմ գնացել, բայց իրականում գնացել էր։ Ասում էր՝ վերադասը ինձ  ուղարկել է ընդդիմության հավաքներին, բայց մնացած ոչ մեկիս այդ նույն վերադասը չէր ուղարկել: Հետո էլ ասում է՝ ինչն էլ սուտ է, դատի տվեք։ Հա, մենք դատի չենք տալիս, բայց դա չի նշանակում, որ դու ճիշտ ես ասում»:

Այս թեմայով Միանում եմ խղճի կալանավոր Միքայել Սրբազանի խնդրանքին՝ ուղղված Վեհափառին, որ անսասան մնա. Ռուբեն վարդապետ Զարգարյան «Արմավիր» ՔԿՀ-ի Սուրբ Գրիգոր Նարեկացի և Սուրբ Մարիամ Աստվածածին մատուռներում կատարվել է ազատազրկված անձանց մկրտություն «Վրթանես արքեպիսկոպոս Աբրահամյանից պահանջենք ներողություն». Արցախցի փաստաբանը նախաձեռնությամբ է հանդես եկել Միաբանների ժողովում չի քննարկվել Նիկոլ Փաշինյանի հետ հանդիպած Սրբազանների կարգալուծության հարցը Շանտաժ, կաշառք, պաշտոնի խոստում և ոչինչ չի կարելի փոխել արժանապատվության հետ, ամո՜թ․ Տեր Զարեհ