Դոնբասի հյուսիսում ուկրաինական բանակը եւս երկու մեծ «կաթսայի» շեմին է (Քարտեզ)

Ռուսական բանակի առաջխաղացումը Լիմանի ճակատում ուրվագծեց եւս երկու «կաթսա» ուկրաինական բանակի համար:

Նախ Լիմանի հարավում գուսական ուժերն ամբողջությամբ գրավեցին Յամպոլը, որն այս հատվածում ուկրաինական պաշտպանության հիմնական հանգույցն էր (Քարտեզ 1): Այն գրավելով, ռուսները հիմա կարող են հարձակումը բավականին արագ զարգացնել դեպի արեւմուտք, որտեղ ուկրաինական կողմի համար հարմար բնակավայրեր չկան, որոնք հնարավորություն կտան ամուր պաշտպանություն կազմակերպել: Այս կերպ ռուսական ուժերը սպառնում են վերահսկողության տակ վերցնել Սեւերսկի Դոնեց գետի ողջ հյուսիսային գոտին` հարավից աքցանավորելով Լիմանը:

Գրեթե միաժամանակ հյուսիսային թեւում ռուսները հայտարարեցին երկու առանցքային բնակավայրերի` Ստավկիի եւ Նովոսյոլովկայի գրավման մասին (Քարտեզ 2): Այս հատվածում ուկրաինական կողմի համար հիմնական պաշտպանական հատված է մնում Դրոբիշեւոն: Սակայն ռուսները հիմա կարող են դրան հարվածել նաեւ թիկունքից` Ստավկիի ուղղությունից, որի դեպքում Դրոբիշեւոն պահելու շանսեր ուկրաինական ուժերին չի մնում: Այդ բնակավայրը գրավելու դեպքում ռուսները կարող են հարձակումը զարգացնել հարավային ուղղությամբ, որտեղ նույնպես գործնականում բնակավայրեր չկան, որոնց շուրջ ուկրաինական ուժերը կկարողանան պաշտպանություն կազմակերպել: Այս դեպքում ռւսների վերահսկողության տակ կանցնի Սեւերսկի Դոնեցի արեւելյան հատվածը տվյալ ուղղությամբ, որը, միաժամանակ, հաշվի առնելով նաեւ Յամպոլի ուղղությունից սպասվող հարձակումը, Լիմանի համար կդառնա ամբողջական շրջապատում:

Գումարած սրան, Յամպոլը գրավելով, ռուսական ուժերը ապահովում են Դրոնովկա-Պլատոնովկա հատվածի ստորաբաժանումների թեւը` հնարավորություն տակով առաջանալ Զակատնոե ու նաեւ դեպի հարավ, որտեղ եւս ուկրաինական ուժերի համար պաշտպանական բնակավայրեր չկան (Քարտեզ 3): Սա փակում է Սեւերսկում ուկրաինական ողջ կայազորի արեւմտյան գոտին:

Միաժամանակ, ռուսների երեկ հայտնեցրն նաեւ Սեւերսկի հարավում հիմնական պաշտպանական կետի` Զվանովկայի գրավման մասին: Այն է` հարձակումը հիմա այստեղից եւս կարող է զարգանալ դեպի Սեւերսկի արեւմտյան թեւ` քաղաքի շրջապատումն ամբողջականացնելու համար:

Այս բոլոր ուղղություններում ուկրաինական կողմի ինչպես ռեզերվները, այնպես էլ` մատակարարումների լոգիստիկան ծայրահեղ ցածր մակարդակի են: Այսինքն, եթե չգործի Թրամփի «խաղաղության ծրագիրը», ինչի հավանականությունը մնում է բավականին ցածր, ապա ամենամոտ ժամանակներս ուկրաինական կողմը կստանա եւս երկու մեծ «կաթսա»:  

Այն դեպքում, երբ Լիմանի և հարևան Սևերսկի ուղղությունները Հյուսիսային Դոնբասում ուկրաինական վերահսկողության հիմնական կենտրոնի` Կրամատորսկ-Սլավյանսկ ագլոմերացիայի արևելյան եւ հյուսիսային դարպասներն են։

Այս թեմայով Վերջին երկու օրերին Իրանը Հորմուզի նեղուցում հարձակվել է 19 նավի վրա (Տեսանյութ) Ուկրաինական աղբյուրները հայտնում են Կիևում շատ հզոր պայթյունի մասին Կիևում գրեթե բոլոր ուկրաինական հեռուստաալիքները փակվել են Ուկրաինական հեռուստաալիքները լուրջ խնդիրներ ունեն տվյալների կենտրոններին զանգվածային հարվածներից հետո Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան