Հրդեհի բռնկման պատճառը շմոլ գազը չի եղել.Դատարանում «պայթում է» 15 զինվորի ողջ-ողջ այրելու իրական պատճառը

Ազատի զինվորական կացարանի ողբերգական հրդեհի գործով տուժողների իրավահաջորդների ներկայացուցիչ Նորայր Նորիկյանի պնդմամբ դատական նիստերում նոդ բացահայտումներ են տեղի ունենում.

-Օրինակ, հարցաքննված  փորձագետը բացառեց պայթյունի վարկածը, ասելով, որ կացարանում եղել են պայթյուններ, բայց դրանք հետևանք են եղել փամփուշտների արկղի պայթյունի։ Այդ փորձագետը մի քանի ուշագրավ տվյալներ հաղորդեց, նա բացառեց, որ փայտե վառարանի արդյունքում կարող էր շմոլ գազ առաջանալ։ Դա նշանակում է, որ դատաբժշկական փորձաքննությունների արդյունքները, որ զինծառայողների մահ վրա է հասել շմոլ գազի և ջերմային ներգործության միջոցով, ընդ որում կենդանության օրոք, բավականին վիճահարույց է դառնում։ 

Ըստ փորձագետի տված տեղեկությունների, հրդեհի բռնկման պահին կացարանում շմոլ գազ չի եղել, ենթադրաբար Եղիշեի կողմից վառարանը վառելու պահին զինծառայողները հանգիստ քնած են եղել։ Դա նշանակում է, որ Եղիշեի ռեակցիային, ողջ մնացած զինվորների օգնության կանչելու պայմաններում զոհված զինծառայողները վայրկյանական պետք է արթնանային և կկարողանային այդ տարածքից դուրս գալ։ Հետևաբար, այս փորձագետի հայտնած տեղեկությունները մեզ համար էական են, և մենք դատաբժիշկների հարցաքննության ընթացքում կփորձենք հասկանալ այս հարցերի պատասխանները։

Բացի այդ, այս փորձագետը սենսացիոն տեղեկություն հաղորդեց նաև այն առումով, որ ինքը իմ կողմից բարձրացված հարցին, թե այնուամենայնիվ արդյո՞ք պնդում է, որ հրդեհի օջախը եղել է վառարանը, նա դա հաստատեց, բայց չհաստատեց, որ հրդեհ կարող էր առաջացած լինել բենզինից։ Սա նորանոր հարցեր է առաջացնում, որովհետև բենզինի կիրառումը և դրանից նման ծավալի հրդեհի առաջացումը իսկապես որոշակի վերապահումներ է առաջացրել ծնողների մոտ։

Բայց այս փորձագետը նաև մեկ այլ կարևոր ուշագրավ տվյալ հաղորդեց, որ ինքը տեսականում և գործնականում հնարավոր է համարում քննչական փորձարարության իրականացումը։ Դա նշանակում է, որ հնարավոր է կազմակերպել քննչական փորձարարություն, վերականգնելով դեպքի իրականացման այդ գործընթացը, որի պայմաններում հնարավոր լինի պարզել, թե իրականում կարող էր վառարանը վառելու արդյունքում նման ծավալի հրդեհ ստանալ և նման ողբերգության պատճառ դառնալ։ Ես նման միջնորդություն կներկայացնեմ դատարանին

Այս թեմայով Ադրբեջանական բենզինի թաքնված ականները. Մեկնաբանում են տնտեսագետները Լռության և քնքշության ժամանակն է՝ 3 ընտրված նշանների համար. դեկտեմբերի 22-28-ի շաբաթվա աստղագուշակ Շու’տ ապաքինվիր և շարունակի’ր քո հայրենանվեր գործը. Տեր Վրթանեսի կինը գրառում է արել ու լուսանկարներ հրապարակել Պարույր Հայրիկյան, դու անպարտ ես. Աղմկահարույց գործերով հայտնի փաստաբանը հայտարարությամբ է հանդես եկել «Վրաստանը կարող է ամբողջությամբ զրկվել առանց վիզայի ռեժիմից». Եվրահանձնաժողովի զեկույցը