Երկուշաբթի՝ 10:00-ից կլինեմ Արդարադատության նախարարության դիմաց՝ պահանջելու ազատ արձակել ՀՀ միակ կին քաղբանտարկյալ Լիդյա Մանթաշյանին. Արման Պետրոսյան

Երկուշաբթի՝ առավոտյան 10:00-ից, ես նստացույց եմ սկսում Լիդյա Մանթաշյանի ազատ արձակման պահանջով, գրել է Արման Պետրոսյանը։

Նա, մասնավորապես, նշել է.

«Կարևորի մասին․ կամքով ուժեղ և հաստատակամ մարդկանց համար

«Ես ահաբեկչություն չեմ պլանավորել», - սրանք Լիդյա Մանթաշյանի խոսքերն են։

Մենք ապրում ենք մի իրականության մեջ, որտեղ Հայաստանի միակ կին քաղբանտարկյալը գտնվում է անօրինական և քաղաքականորեն խեղաթյուրված մեղադրանքի տակ։ Լիդյան կալանավորվել է «ահաբեկչություն պատրաստելու» ծայրահեղ ծանր, բայց կեղծ ու անհեթեթ հոդվածով, որը ոչ մի իրական ապացույց չունի։

Միայն մի բան ունի՝ քաղաքական վենդետա։

Երբ մեր պետությունում բանտարկված կինը ոչ թե հանցագործ է, այլ՝ քաղաքական համոզմունքների համար հետապնդվող քաղաքացի, դա արդեն ոչ միայն անարդարություն է, այլև ազգային ամոթ։

Լիդյան այսօր մենակ է՝ երկաթյա ճաղերի հետևում։

Մենակ՝ առանց տեսակցությունների, առանց ձայնի, առանց պաշտպանվելու իրական հնարավորության։

Բայց մեր միջից յուրաքանչյուրն ունի մեկ պարտք՝ չթողնել, որ մեր երկրի միակ կին քաղբանտարկյալը մնա մոռացված։

Ես նստացույց եմ սկսում նրա համար.

որպեսզի մարդիկ տեսնեն ու չլռեն,

որպեսզի իշխանությունը լսի ու վախենա,

որպեսզի Լիդյան զգա, որ դուրսը կան մարդիկ, ովքեր իր համար կանգնում են, կանգնում են բարձր ու անխոնջ։

Մեր պահանջը պարզ է՝ ազատ արձակել Հայաստանի միակ կին քաղբանտարկյալ Լիդյա Մանթաշյանին։

Երկուշաբթի՝ 10:00-ից ես կլինեմ Արդարադատության նախարարության դիմաց։

Եվ սպասում եմ բոլոր նրանց, ովքեր դեռ հավատում են արդարությանը, ովքեր չեն վախենում կանգնել ճնշվածի կողքին, ովքեր հասկանում են, որ այսօր Լիդյան է բանտում, իսկ վաղը կարող է լինել ցանկացածը մեզնից։

Լիդյայի ազատությունն այսօր մեր երկրի արժանապատվության չափումն է»։

Այս թեմայով Նիկոլ, խնդրում եմ` գնա, հայ ժողովուրդ, մի շրջիր Հայաստանի վերջին էջը. Լիդա Առուշանյան 84-ամյա կինոնկարիչը պատմում է «Նահապետ»-ի կուլիսներից եւ մոր փրկության դրաման Հայ ազգը գերի է սեփական երկրում, մի օր մեզ էլ կձերբակալեն ու վախենամ, էտ ժամանակ էլ ազգը լռի. հերոսի մայր Իսկ գուցե քո տոհմածառը մի հատ բացես, պարզես ինչը երբ է եղել, այ քեմալի ժառանգ. տերերդ 15 թվին արել են այն, ինչ դու այսօր անում ես հայ ազգի գլխին. Լիդա Առուշանյան Լիդա Գեւորգյանի շնորհավորանքը՝ «Իրավունք» թերթի 35-ամյակի առթիվ