Փաշինյանը փորձում է եկեղեցու ներսում ձևավորել նոր աղանդ՝ դառնալով դրա գաղափարախոսը

Իր բոլոր գործողություններով, այդ թվում՝ Հովհաննավանքում վերջին գործողություններով, Նիկոլ Փաշինյանը վարչապետի իր դիրքերից միջամտում է եկեղեցու ներքին գործերին։ Նման կարծիք է հայտնել “NovostiNk.net”-ին «Լուսավոր Հայաստան» կուսակցության փոխնախագահ Դավիթ Խաժակյանը։

 «Այլ հարց է, որ Փաշինյանը չունի ոչ մի բարոյական, քաղաքական և իրավական իրավունք՝ Գարեգին Երկրորդ կաթողիկոսին կարգալույծ հայտարարելու, ինչը նրան ամենևին չի խանգարում իրավապահ համակարգի հնարավորությունների անօրինական օգտագործման միջոցով փորձելու ձևավորել իր՝ փաշինյանական  օրակարգով ու կանոնադրությամբ զուգահեռ գործող եկեղեցի։ Հովհաննավանքում մենք հենց դա տեսանք»,- նշել է նա։

Քաղաքական գործչի կարծիքով՝ իշխանությունների նման փորձերը, չնայած իրենց ողջ անհեթեթությանը, ուղղված են Հայ Առաքելական Եկեղեցու ներսում պառակտմանը, որի հետևանքները խիստ բացասական կլինեն ամբողջ հայ հասարակության համար։ Սա, ի վերջո, սփյուռքի օրինակով կհանգեցնի ևս մեկ պառակտված ազգային կառույցի առաջացմանը։

Խաժակյանի կարծիքով՝ վարչապետ Փաշինյանը նման մեթոդներով փորձում է բացառապես քաղաքական նպատակներ լուծել։ Մասնավորապես, նա պետք է ճնշի դիմադրության բոլոր օջախները 2026 թվականի խորհրդարանական ընտրությունների նախաշեմին։ Իսկ թե ով, ինչ մեթոդներով և ինչ գնով է այս ամենն իրականացնելու, Փաշինյանին չի հետաքրքրում։

«Նման գործողություններով, ըստ էության, Փաշինյանը փորձում է տապալել սահմանադրական կարգը. փաստորեն, նա անձամբ կոչում շնորհեց եկեղեցական գործող կանոնների համաձայն այդ կոչումից զրկված մարդուն։ Սա անհեթեթություն է, բայց իրականում սա հենց Սահմանադրության խախտում է։ Հայ Առաքելական Եկեղեցու ներսում պառակտումը հավանական սցենար է, և կաթողիկոսի դեմ քրեական գործ հարուցվելու դեպքում այդ պառակտումն ավելի կխորանա։ Այն, ինչ տեսնում ենք, խոսում է մի բանի մասին. Փաշինյանը փորձում է եկեղեցու ներսում ձևավորել նոր աղանդ՝ դառնալով դրա գաղափարախոսը»,- ամփոփեց Խաժակյանը։

Ալեքսանդր Արուտյունով

Այս թեմայով Փաշինյանի «դիվերսիֆիկացման» քաղաքականությունը Ալեքսանդրապոլի պայմանագիր 2 է «Գունավոր հեղափոխությունները»՝ հիբրիդային զենք Ֆաշիզմի ​​քարոզչությունը Հայաստանում անընդունելի է Արցախցի պատանի նկարչուհի Եվա Դանիելյան. «Միևնույն է, ես նկարելու եմ» Ֆուտբոլի պաշտոնյաների ոչ ֆուտբոլային կրքերը