Փաշինյանը ժամանել է Աստանա. Ովքեր են մեկնել նրա հետ

Հայաստանի վարչապետ Նիկոլ Փաշինյանը երկօրյա պաշտոնական այցով ժամանել է Ղազախստանի մայրաքաղաք Աստանա:

Նրան ուղեկցում են փոխվարչապետ Մհեր Գրիգորյանը, արտաքին գործերի նախարար Արարատ Միրզոյանը, տարածքային կառավարման և ենթակառուցվածքների նախարար Դավիթ Խուդաթյանը, ԿԳՄՍ նախարար Ժաննա Անդրեասյանը:

Հայաստանի ղեկավարի օդանավը րոպեներ առաջ վայրէջք է կատարել Աստանայի Նուրսուլթան Նզարբաևի անվան միջազգային օդանավակայանում:

Նախ տեղի կունենա Փաշինյան-Տոկաև առանձնազրույց, ապա երկու երկրի պատվիրակությունների մասնակցությամբ ընդլայնված հանդիպում:

Նիկոլ Փաշինյանի՝ Աստանա պաշտոնական այցի ժամանալ տեղի կունենա նաև փաստաթղթերի փոխանակում:

ԶԼՄ ներկայացուցիչների համար Փաշինյանն ու Տոկաևը հանդես կգան հայտարարությամբ:

Վաղը նախատեսված է նաև Նիկոլ Փաշինյանի հանդիպումը Ղազախստանի վարչապետ Օլժաս Բեկտենովի հետ:

Հայաստանի ղեկավարի պաշտոնական այցի օրակարգում նախատեսված է հանդիպում նաև Ղազախստանի խորհրդարանում՝ Մաժիլիսի նախագահ Երլան Կոշանովի հետ:

Նիկոլ Փաշինյանը Աստանայում կայցելի նաև Ղազախստանի ազգային թանգարան և «Աստանա էքսպո» արհեստական բանականության միջազգային կենտրոն:

Այս թեմայով Փաշինյանը հորդորել է Պուտինին վերականգնել Հայաստանը Ադրբեջանի և Թուրքիայի հետ կապող երկաթուղիները Իլհամ Ալիևը չի մասնակցի ԱՊՀ երկրների ղեկավարների ոչ ֆորմալ հանդիպմանը Վազգեն եպիսկոպոս Միրզախանյանը վերջին հարցազրույցներից մեկում շնությունը (պոռնկությունն) անվանել է բնական մեղք Կամ պետք է կալանավորի Վեհափառին, կամ տասին վերցնի նոր եկեղեցի ստեղծի, որը ծիծաղելի կլինի. Աղազարյանը հնարավոր սցենարների մասին Ադրբեջանից Վրաստանի տարածքով Հայաստան է ժամանել նավթամթերքով բեռնված գնացքը