«ԵՐԿՐՈՐԴ ԱՆԳԱՄ ՆՎԱՃԵՑԻ ԵՎՐՈՊԱՅԻ ՉԵՄՊԻՈՆԻ ՏԻՏՂՈՍԸ». ԱՎԱՆԴԱԿԱՆ ԿԱՐԱՏԵԻ ԱՇԽԱՐՀԻ ԵՌԱԿԻ ԳԱՎԱԹԱԿԻՐ ՆԱՐԵԿ ԻՍԿԱՆԴԱՐՅԱՆ

Iravunk. com -ի մարզական լրագրողը կապ է հաստատել ու զրուցել վերջերս Սերբիայում կայացած Ավանդական կարատեի Եվրոպայի 36-րդ առաջնությունում ոսկե մեդալ նվաճած, Աշխարհի կրկնակի չեմպիոն, արդեն Եվրոպայի կրկնակի չեմպիոն, Աշխարհի եռակի գավաթակիր, Եվրոպայի գավաթի փոխչեմպիոն, միջազգային կարգի սպորտի վարպետ, մարզիչ, «Զեյթուն» մարզական ակումբի ղեկավար ՆԱՐԵԿ ԻՍԿԱՆԴԱՐՅԱՆԻ հետ։

- Շնորհավորում ենք, Նարեկ, տպավորիչ հաղթանակի կապակցությամբ։

- Շնորհակալ եմ։ Ես, Հովհաննես Հակոբյանն ու Արթուր Ոսկանյանը թիմային կատա մրցաձևում արժանացել ենք չեմպիոնի տիտղոսին։ Ի դեպ, իմ մարզական կարիերայում երկրորդ անգամ նվաճեցի Եվրոպայի չեմպիոնի տիտղոսը։ Մենք հաղթեցինք Պորտուգալիայի, Իտալիայի, Լեհաստանի և Ռումինիայի ներկայացուցիչներին։ Հաղթանակս նվիրում եմ իմ հայ ազգին, մեր բոլոր զինվորներին։ Նշեմ, որ միաժամանակ կայացավ նաև ավանդական կարատեի մանկապատանեկան գավաթի 5-րդ առաջնությունը, որի ժամանակ մեր մարզիկները ևս հաջող հանդես եկան նվաճելով 13 ոսկե, 11 արծաթե և 6 բրոնզե մեդալ։ Նշեմ, որ առաջին անգամ Եվրոպայի չեմպիոնի տիտղոսը մեծահասակների պայքարում նվաճեց Էրիկ Հովսեփյանը, ով հավասարը չունեցավ ֆուկու - գո մրցաձևում։ Եվրոպայի մեծահասակների փոխչեմպիոն դարձավ Արման Կարախանյանը։ Շուտով կմասնակցենք նաև Ասիայի գավաթի խաղարկությանը, որը կկայանա Ուզբեկստանում։ Իսկ Ինդոնեզիայում կմասնակցենք միջազգային սեմինար - պարապմունքի։

- Շնորհակալություն, Նարեկ, մեզ ժամանակ տրամադրելու համար։

- Զգացված եմ ուշադրության համար։ Անխափան գործունեություն Ձեր թերթին։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով Սիրո անունը Հայաստան է․ Սպարտայի ջերմ գրառումը Արարատ-Արմենիայի հետ խաղից հետո Բռնցքմարտի ԵԱ-ում այսօր Հայաստանն ունի 5 բռնցքամարտիկ ԲՌՆՑՔԱՄԱՐՏԻ ԵԱ. ՀԱՅԱՍՏԱՆՆ ՈՒՆԻ 4 ՆԵՐԿԱՅԱՑՈՒՑԻՉ ՀԱՅ ԲՌՆՑՔԱՄԱՐՏԻԿՆԵՐԸ ՄԵԿՆԵՑԻՆ ԲՈՒԼՂԱՐԻԱ ՄԱՍՆԱԿՑԵԼՈՒ ԵՎՐՈՊԱՅԻ ԱՌԱՋՆՈՒԹՅԱՆԸ։ Ես գիտեմ՝ ինչպես հաղթել Արման Ծառուկյանին. Մաուրիսիո Ռուֆի