Իսահակյանի 150-ամյակին՝ երիտասարդ ձայների նոր բացահայտումներ

Ավետիք Իսահակյանի ծննդյան 150 ամյակի առիթով, Իսահակյանի անվան գրադարանը կազմակերպել էր վոկալիստների հանրապետական մրցույթ՝ ֆրանսաբնակ օպերային երգիչ Ադամ Բարրոյի աջակցությամբ։

Մրցույթի ժյուրիի կազմում էին` ՀՀ ժողովրդական արտիստ Բարսեղ Թումանյանը, ՀՀ վաստակավոր արտիստ Հասմիկ Հացագործյանը, ՀՀ վաստակավոր արտիստ Քրիստինե Սահակյանը, օպերային երգչուհի Արծվիկ Դեմուրչյանը եւ Ադամ Բարրոն։

«Իրավունք»-ի զրուցակիցը մրցույթի մասնակից ՎԱՐԴԱՆ ԽԱՉԱՏՐՅԱՆՆ է, ով զբաղեցրել է Ավետիք Իսահակյանի անվան վոկալիստների մրցույթում 2-րդ հորիզոնականը:

— Վարդան, ինչպիսին էին մրցույթի կանոները եւ ինչու որոշեցիք մասնակցել նրան:

— Մրցույթը անցկացվեց 2 փուլով։ Յուրաքանչյուր մասնակից պետք է ներկայացներ առնվազն մեկ ստեղծագործություն գրված Ավետիք Իսահակյանի պոեզիայի հիման վրա։ Պատիվ ունեցա ներկայացնելու Էդվարդ Միրզոյանի եւ Ավետիք Իսահակյանի հրաշալի մի ռոմանս` «Ասում են թե»-ն, որը հատուկ պատրաստել էի մրցույթի համար։ Նոյեմբերի 17-ին Ա. Բաբաջանյան համերգասրահում տեղի ունեցավ մրցույթի գալա համերգը եւ մրցանակաբաշխությունը, որտեղ ինձ շնորհեցին 2-րդ մրցանակը։ Նոմինացված էին առաջին, երկրորդ եւ երրորդ տեղեր, ինչպես նաեւ կար 3 հատուկ մրցանակ։

— Ի՞նչ ծրագրեր ունեք առաջիկայում:

— Պատրաստվում եմ իմ հերթական մենահամերգին, որը նախատեսված է դեկտեմբերի 4-ին՝ Ա. Բաբաջանյան համերգասրահում։ Համերգը կկոչվի «Օպերա Գալա.Վարդան Խաչատրյան եւ ընկերներ»։ Համերգին ինձ կմիանան իմ ընկերները, որոնց հետ դուետներով հանդես կգամ։ Երեկոյի ընթացքում կհնչեն համաշխարհային օպերային արվեստի գոհարներ եւ իտալական` նեոպոլիտանական երգեր։

ՆԱՆԱ ՍԱՐԳՍՅԱՆ

Այս թեմայով Հրատապ. Նրա ազատությունը սարերի հետեւում չէ. Հայտնի փաստաբանի հայտարարությունը Հայտնի իրավապաշտպանը հրատապ հայտարարությամբ է հանդես եկել Ինչու են ընկել Էդիկ Մինասյանի հետեւից Վարդան Այվազյանի նկատմամբ կիրառվել է կալանք, իսկ Էդիկ Մինասյանի նկատմամբ՝ տնային կալանք Ովքեր են կաշառքի գործով ձերբակալված ամբիոնի վարիչները