«Հրապարակ»․ «Հաղթանակ» դաշինքի թեկնածուն Էջմիածին քաղաքում հաղթել է ՔՊ-ի թեկնածուին՝ ստանալով ձայների 70 տոկոսը

«Հրապարակ»-ը գրում է.

«Երեկ վաղ առավոտյան Նիկոլ Փաշինյանը, անդրադառնալով Վաղարշապատի ընտրություններին, իր գրառման մեջ նաեւ անդրադարձել է Մայր Աթոռի նկատմամբ իր ծրագրերին՝ ընդգծելով, որ այս ընտրությամբ քաղաքացիները «լիցք են տվել մեր սրբության սրբոցը՝ Մայր Աթոռ Սուրբ Էջմիածինը Կտրիճ Ներսիսյանից ազատելու գործընթացին»։

Փաշինյանի այս հայտարարությունը, թերեւս, պարզ մանիպուլյացիա է, որովհետեւ այս ընտրությամբ իշխանությունը Վեհարանի վրա գրոհելու քարտ-բլանշ իրականում չի տվել։

Բանն այն է, որ Վաղարշապատ համայնքի սիրտը հանդիսացող Էջմիածին քաղաքում ՔՊ-ն ընդամենը բնակչության 30 տոկոսի քվեն է ստացել։ 18 հազար 882 էջմիածինցի է ընտրություններին մասնակցել, որից ընդամենը 6 հազար 812-ն է քվեարկել ՔՊ թեկնածու Արգիշտի Մեխակյանի օգտին:

Ընդ որում՝ հատուկ ընդգծենք, որ նախընտրական փուլում Մեխակյանը խուսափել է այս թեմայով խոսելուց եւ բավականին բալանսավորված քարոզարշավ է տարել` Եկեղեցու հետ իշխանությունների հարաբերությունների մասով, անգամ տողատակերում հասկացրել է, որ ինքը Եկեղեցու դեմ արշավը չի ողջունում։ Ընտրություններին իր ստացած 15 հազար 296 ձայների մեծ մասն էլ Մեխակյանը ստացել է հայրենի Խոյ համայնքն ընդգրկող 16 գյուղերից:

Հիշեցնենք, որ Մեխակյանը նախկինում Խոյի ղեկավարն էր, որն ընտրություններից առաջ միացրին Էջմիածնին։ Փոխարենը «Հաղթանակ» դաշինքի թեկնածու Սեւակ Խաչատրյանը Էջմիածին քաղաքում հաղթել է Արգիշտի Մեխակյանին՝ այստեղից ստանալով իր ձայների 70 տոկոսը՝ 7 հազար 64 ձայն։ Այս պարզ թվաբանությունը բավական է՝ հասկանալու համար, որ Էջմիածինը Եկեղեցու դեմ իրենց գործողություններին կողմնակից չէ, եւ դա նրանց գրպանը գցել չի հաջողվելու»։

Ամբողջական հոդվածը` սկզբնաղբյուրում

Այս թեմայով Պարույր Հայրիկյան, դու անպարտ ես. Աղմկահարույց գործերով հայտնի փաստաբանը հայտարարությամբ է հանդես եկել Վազգեն եպիսկոպոս Միրզախանյանը վերջին հարցազրույցներից մեկում շնությունը (պոռնկությունն) անվանել է բնական մեղք ՇՏԱՊ. «ԴՕԿ» կուսակցության շտաբի պետ, հայտնի փաստաբան Լեվոն Բաղդասարյանը բացառիկ հայտարարությամբ է հանդես եկել Ըստ Չաուշեսկու ագետների` Նիկոլը մազալու մարդ ա. ԸՆԿԵՐ ՓԱՆՋՈՒՆԻ ՌԴ-ն հաղթել է և ամուր կերպով պահպանում է ռազմավարական նախաձեռնությունը մարտական ​​շփման ողջ գծի երկայնքով.Պուտին