Մեսրոպ Մեսրոպյանը չի հասկանում, որ վաղը իրեն որպես թրաֆիքինգի զոհ փուռն են տալու. Գեղամ Մանուկյան

ԱԺ  «Հայաստան» խմբակցության պատգամավոր Գեղամ Մանուկյանը, լրագողների հետ զրույցում խոսելով ՀԷՑ-ին լիցենզիայից զրկելու Հանրային ծառայությունները կարգավորող հանձնաժողովի որոշման մասին, դիմեց Վաղարշապատ համայնքի այն բնակիչներին, որոնք իրենց քվեն տվել են ՔՊ թեկնածու Արգիշտի Մեխակյանին:

«Չասեք՝ չենք զգուշացրել, այն կուլակաթափության մասին, որն այս ամիսներին արվում է ՀԷՑ-ի հետ, և վաղը ՀՀ-ն միլիոնավոր դոլարների տուգանքի վճարման առաջ է կանգնելու, որը վճարելու է Վաղարշապատի այն բնակիչը, որը քվե է տվել ՔՊ-ին: Այն բնակիչները, որոնց մտքով անցնում է Փաշինյանին և ՔՊ-ին ձայն տալու մասին, այդ բոլորը կոպեկ առ կոպեկ իրենց քթերից բերելու են, որովհետև անօրինական ճանապարհով բոլոր կուլակաթափություններն արվում են  Փաշինյանի կամակորությամբ»,- նշեց ընդդիմադիր պատգամավորը:

Ըստ նրա ՝ Հանրային  ծառայությունները կարգավորող հանձնաժողովի նախագահ Մեսրոպ Մեսրոպյանը չի հասկանում, որ վաղը իրեն որպես թրաֆիքինգի զոհ փուռն են տալու:

«Օրենքը փոխեցին, որ միայն Մեսրոպյանի ստորագրությամբ կարողանան որոշում կայացնել, միլիոնավոր դրամներ աշխատելու համար Ռոմանոս Պետրոսյանին նշանակեցին: Վաղը բոլորը չքմեղանալու են և ասեն՝ գնացեք, էն հրազդանցի հարիֆից պահանջեք, մենք ինչ կապ ունենք: Բոլորը պատասխան են տալու»։

Հիշեցնենք, որ Հանրային ծառայությունները կարգավորող հանձնաժողովի (ՀԾԿՀ) որոշմամբ՝ «Հայաստանի էլեկտրական ցանցեր» ընկերությունը զրկվեց գործունեության լիցենզիայից։
Որոշումն ընդունվել է  հանձնաժողովի հերթական նիստում՝ հիմք ընդունելով օրենսդրությամբ սահմանված մի շարք խախտումներ և ընկերության կողմից նախկինում ներկայացված պահանջների չկատարումը։

Ըստ ՀԾԿՀ-ի՝ որոշումը նպատակ ունի ապահովելու էներգետիկ համակարգի կայուն ու անվտանգ գործունեությունը։

Այս թեմայով Երուսաղեմի Սրբոց Հակոբյանց ՄԸԺ-ն իր լիակատար աջակցությունն ու անսակարկ նվիրումն է հայտնել Ամենայն Հայոց Հայրապետին Փաշինյանին բռնապետ են կարգում հենց իրեն առաջադրանք տվողները․ ՀՀ-ում ապրելը ռիսկային կարող է դառնալ Կառավարությունը գումար է հատկացրել Գուժ Մանուկյանի մահարձանի համար Պարո'ն Ավինյան, շատ սիրուն էիք նայվում Փաշինյանի ցիլոյով ու ձեր բոթասներով, ձեր «լուքն» էի գովում Վաղը ասելու են՝ էն հրազդանցի հարիֆն ա մեղավոր ՀԷՑ-ի հարցում, իրեն որպես ստրուկ փուռն են տալիս