Ռուսաստանի «Բուրևեստնիկ» և «Օրեշնիկ» հրթիռները լուրջ մտահոգություն են առաջացնում ՆԱՏՕ-ում. Die Welt

Ռուսաստանի «Բուրևեստնիկ» և «Օրեշնիկ» հրթիռները լուրջ մտահոգություն են առաջացնում ՆԱՏՕ-ում, հաղորդում է Die Welt-ը՝ հղում անելով դաշինքի փաստաթղթին։

«Բուրևեստնիկ» հրթիռը (ՆԱՏՕ-ի անվանումը՝ SSC-X-9 Skyfall) առանձնանում է տպավորիչ հեռահարությամբ և մանևրելու ունակությամբ՝ հասնելով ավելի քան 900 կմ/ժ արագության և կարող է արձակվել շարժական հարթակներից։ ՆԱՏՕ-ի հետախուզական փաստաթղթի համաձայն՝ հրթիռը սնուցվում է միջուկային ռեակտորով, որը տեսականորեն նրան տալիս է անսահմանափակ հեռահարություն, թույլ տալով այն անցնել տասնյակ հազարավոր կիլոմետրեր առանց վառելիքի լիցքավորման, երկար ժամանակ մնալ օդում, փոխել ուղղությունը և հարձակվել թիրախների վրա ցանկացած ուղղությունից։

ՆԱՏՕ-ի տվյալներով՝ «Բուրևեստնիկը» կարող է օգտագործել ցանկացած ուղի՝ ՆԱՏՕ-ի հակաօդային պաշտպանությունից խուսափելու համար, այդ թվում՝ հարավային և բևեռային շրջաններում, որտեղ հսկողությունը սահմանափակ է։

Եթե հրթիռը լիովին գործունակ լինի, ՆԱՏՕ-ն կբախվի լուրջ սպառնալիքի, որը դժվար կլինի վերահսկել։ Այնուամենայնիվ, որոշ փորձագետներ նշում են, որ հրթիռը չի հասնում հիպերձայնային արագության և խոցելի է դառնում` որքան երկար է մնում օդում։

ՆԱՏՕ-ն ուսումնասիրում է նաև «Օրեշնիկ» հրթիռը։ Այն ունի մինչև 5500 կմ գործողության շառավիղ և կարող է զինված լինել տարբեր մարտագլխիկներով, այդ թվում՝ միջուկային։ Սա լրացուցիչ պաշտպանական մարտահրավերներ է ստեղծում ՆԱՏՕ-ի համար։

Հրթիռակրի բարձր շարժունակությունը և Եվրոպայի ցանկացած վայրում թիրախներ հարձակվելու ունակությունը հրթիռը դարձնում են դժվար խոցելի թիրախ։ «Տեղակայված մարտագլխիկների վերաբերյալ պարզության բացակայությունը» նույնպես անորոշություն է ավելացնում ՆԱՏՕ-ի պաշտպանական հաշվարկներին։

Այս թեմայով Ուկրաինական հեռուստաալիքները լուրջ խնդիրներ ունեն տվյալների կենտրոններին զանգվածային հարվածներից հետո Փաշինյանի տրանսֆորմացիան իրականում պայքար է այն հարցի շուրջ, թե Ռուսաստանը Հայաստանի համար լինելու է գործընկե՞ր, թե՞ համակարգային հենարան Կիևի հարձակումներին Ռուսաստանի պատասխանն այնքան զգայուն էր, որ Կիևը հրադադարի խնդրանք ներկայացրեց. Պուտին Փաշինյանը վերջնականապես Հայաստանը դարձրեց Ռուսաստանի եւ Եվրոպայի համար մարտադաշտ Ռուսաստանը կարող է հարձակվել ՆԱՏՕ-ի անդամ երկրի վրա առաջիկա ամիսներին. Դանիայի պաշտպանության նախարար