ՔՊ-ն հաղթեց Վաղարշապատում

Վաղարշապատի խոշորացված համայնքի համամասնական ընտրություններում քվեների հաշվարկը դեռ շարունակվում է, սակայն արդեն առկա պատկերի վերլուծությամբ ArmLur.am-ը տեղեկացավ, որ իշխող «Քաղաքացիական պայմանագիր» կուսակցությունը հաղթում է։

«ArmLur.am»-ի վերլուծությամբ, նույնիսկ եթե հիմա ընդդիմության առաջատար «Հաղթանակ» դաշինքը շարունակի լավ ձայներ հավաքել ամփոփվող տեղամասերից, միևնույն է, չի հաջողելու: Ընտրությանը մասնակցող, բայց անհրաժեշտ շեմը չհաղթահարած ուժերի՝ այսպես կոչված «բոնուսների» հաշվին Վաղարշապատում արդյունքը միևնույն է ձևավորվելու է ՔՊ-ի օգտին։ Այս ընտրությունը, ըստ էության, փոքր մոդելով ցույց է տալիս այն իրավիճակը, որը մեծ հավանականությամբ կարող է կրկնվել համապետական ընտրությունների ժամանակ՝ 2026-ին․ իշխանությունը կարող է հաղթել ոչ միայն իր ստացած իրական քվեների, այլև ընտրական համակարգի տրամաբանության՝ չանցած ուժերի ձայների «վերադասավորման» հաշվին։

Մինչև այս պահը հրապարակված նախնական տվյալները ստացվել են Վաղարշապատի 47 ընտրատեղամասերից 35-ի արդյունքների հիման վրա։ քաղաքական ուժերի հարաբերակցությունը այսպիսին է․

1. «Հաղթանակ» դաշինք, Սևակ Խաչատրյան – 30.4

2. «Համահայկական ճակատ» կուսակցություն, Արտյոմ Սիմոնյան – 1%

3. «Հանրապետություն» կուսակցություն, Հարություն Մկրտչյան – 3.7%

4. «Մայր Հայաստան» դաշինք, Գրիշա Հարությունյան – 6%

5. «Ազատ դեմոկրատներ» կուսակցություն, Վահրամ Ազատյան – 3.7%

6. «Ժառանգություն» կուսակցություն, Արկադի Փայտյան – 1.3%

7. «Քաղաքացիական պայմանագիր» կուսակցություն, Արգիշտի Մեխակյան – 50%

8. «Հայրենիք» կուսակցություն, Խաչիկ Մանուկյան – 3.5%

Այս համադրությունը ցույց է տալիս մի պատկեր, որտեղ ընդդիմադիր ու այլընտրանքային ուժերը հավաքում են նկատելի, բայց մասնատված աջակցություն, մինչդեռ ՔՊ-ն մնում է առաջին տեղում՝ ճնշող առավելությամբ։

Մյուս կողմից՝ այն ուժերի տոկոսները, որոնք չեն հաղթահարում անհրաժեշտ շեմը, հենց այն «բոնուսային» ռեսուրսն են, որ կարող է ամրապնդել իշխող կուսակցության հաղթանակը ոչ միայն Վաղարշապատում, այլև հետագայում՝ համապետական հարթությունում։

Այս թեմայով Ռուսաստանը Իրանին տրամադրել է արբանյակային տվյալներ՝ ամերիկյան բազաներին հարվածների համար. CNN Նախկին վարչապետի ընտանիքը սգում է ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով Վերջին շաբաթներին Ռուսաստանը երկու անգամ փորձել է հարձակվել իմ ինքնաթիռի վրա. Զելենսկի Զելենսկի. Պատերազմի ավարտի բանակցությունների առաջին արդյունքները կարող են լինել սեպտեմբերի վերջին