47-ամյա բռնակոթցու այգին էլ առաջվանը չէ. ՔՐԵԱԿԱՆ ՔՐՈՆԻԿՈՆ

Քրեական ոստիկանության Սյունիքի մարզային վարչության ծառայողները օպերատիվ տեղեկություններ էին ստացել, որ Բռնակոթ գյուղի 47-ամյա բնակիչը թմրամիջոց է պահում:

Նոյեմբերի 11-ին Համայնքային ոստիկանության Սիսիանի բաժնի ծառայողների հետ համատեղ ձեռնարկած միջոցառումների արդյունքում 47-ամյա բռնակոթցին ներկայացրել է 391 գրամ մարիխուանա տեսակի թմրամիջոց: Պարզվել է, որ նա թմրամիջոցը պատրաստել է իր աճեցրած կանեփի թփերից:

Կազմված փաստաթղթերն ուղարկվել են նախաքննական մարմին:

ՀԱՅՏՆԱԲԵՐՎԵԼ Է ԱՌԱՆՁՆԱՊԵՍ ԽՈՇՈՐ ՉԱՓԵՐԻ ԹՄՐԱՆՅՈՒԹ

Քրեական ոստիկանության Երեւան քաղաքի վարչության թմրամիջոցների ապօրինի շրջանառության դեմ պայքարի բաժնում ստացվել էր օպերատիվ տեղեկություն, որ 35-ամյա մի տղամարդ պատրաստվում է մաքսանենգ ճանապարհով ձեռք բերել առանձնապես խոշոր չափերի թմրանյութ եւ այն իրացնել:

Հետագա միջոցառումները ձեռարկվեցին Քրեական ոստիկանության գլխավոր վարչության, Քննչական կոմիտեի մարդկանց թրաֆիքինգի, անչափահասների սեռական անձեռնմխելիության դեմ ուղղված եւ թմրամիջոցների անօրինկական շրջանառության հանցագործությունների քննության վարչության ծառայողների եւ պարեկների հետ: Օպերատիվ-հետախուզական լայնածավալ միջոցառումների եւ քննչական գործողությունների արդյունքում տղամարդը հայտնաբերվեց ու ձերբակալվեց:

Նրա խուզարկությամբ հայտնաբերվեց 7 կիլոգրամից ավելի մարիխուանա։ Դատարանի որոշմամբ խուզարկություն կատարվեց նաեւ նրա բնակության վայրում. հայտնաբերվեց 261 գրամ ափիոն տեսակի թմրամիջոցի նմանվող զանգված եւ «Լորազեպամ» տեսակի հոգեմետ դեղահաբեր: Նախաքննությունը շարունակվում է:

ԻՆՉՈՒ ԿԱՇՎԵ ՊԱՀՈՑԸ 44-ԱՄՅԱ ՏՂԱՄԱՐԴԸ ՆԵՏԵՑ ԲԱՌՆԱՏԱՐԻ ՏԱԿ

Համայնքային ոստիկանության Շենգավիթի բաժնի ծառայողները, իրացնելով օպերատիվ տեղեկությունները, նոյեմբերի 12-ին Արտաշիսյան փողոցի հասցեներից մեկում հայտնաբերել, ապօրինի թմրանյութ պահելու եւ օգտագործելու կասկածանքով ձերբակալել եւ բաժին են տեղափոխել 44-ամյա մի տղամարդու: Ձերբակալման ժամանակ նա գրպանից կաշվե պահոց է  նետել կայանված բառնատարի տակ։

Բաժնում 44-ամյա տղամարդու անձնական խուզարկությամբ հայտնաբերվել են կիսամոխրացած հետքերով կաթուցիչ, մոխրացած հետքերով գլանակ եւ դեղահաբեր:

Նախաձեռնված քրեական վարույթի շրջանակում կատարված զննությամբ Արտաշիսյան փողոցի նշված հատվածում հայտնաբերվել է կաշվե պահոց մարիխուանա տեսակի թմրամիջոցի 3 փաթեթով՝ ընդհանուր 2․61 գրամ քաշով, ինչպես նաեւ ծալովի դանակ:

Երեւանի բնակիչ 44-ամյա տղամարդը ձերբակալվել եւ տեղափոխվել է ձերբակալվածների պահման վայր: Կատարվում է նախաքննություն:

Այս թեմայով Անկախության տոնի առթիվ փակ փողոցներ են լինելու․ ՆԳՆ-ն մանրամասներ է հայտնել Տեսանյութը շուրջ 1․5 տարի առաջ է նկարահանված․ ՆԳՆ-ն՝ Նարեկ Նալբանդյանին ձերբակալելու տեղեկությունների մասին ՀՐԱՏԱՊ. Ավտոբուսը շրջվել է, 5 մարդ մահացել է Ամենաբարձր վարկանիշ ունեցող դատավորների ցանկում առաջատարը Ռուստամ Մախմուդյանն է Երևանի Հալաբյան փողոցի 13 շենքի մոտ շորի մեջ փաթաթված նորածին երեխա է հայտնաբերվել