Ինչ էր թաքցրել բաղրամյանցին տան բակում գտնվող անիվների մեջ. ՔՐԵԱԿԱՆ ՔՐՈՆԻԿՈՆ

Համայնքային ոստիկանության Բաղրամյանի բաժնի ծառայողները օպերատիվ տեղեկություն էին ստացել, որ Բաղրամյան գյուղի 34-ամյա բնակիչն իր մոտ եւ տնամերձ այգում կանեփից պատրաստած թմրամիջոց է պահում։

Նոյեմբերի 6-ին 34-ամյա երիտասարդը հայտնաբեվել, ապօրինի թմրանյութ պահելու կասկածանքով ձերբակալվել եւ տեղափոխվել է բաժին։ Նրա անձնական խուզարկությամբ հայտնաբերվել է չոր ածխացած զանգվածով կաթուցիչ եւ 2,94 գրամ թմրանյութի նմանվող զանգված։

Բաղրամյանի 34-ամյա բնակիչը եւ կազմված փաստաթղթերը ներկայացվել են նախաքննական մարմին: Նախաձեռնված քրեական վարույթի շրջանակում կատարված զննությամբ 34-ամյա երիտասարդի տան բակում գտնվող անիվների մեջ հայտնաբերվել է 7,43 գրամ կանեփից պատրաստված զանգված։ Նա ձերբակալվել եւ տեղափոխվել է ձերբակալվածների պահման վայր։

ՎԱԳՈՆ-ՏՆԱԿՈՒՄ ՀԱՅՏՆԱԲԵՐՎԱԾՆ ԱՄԵՆԵՎԻՆ ԷԼ ՀԵՔԻԱԹԻ ՀԵՐՈՍՆԵՐ ՉԷԻՆ

Քրեական ոստիկանության Շիրակի մարզային վարչության ծառայողները օպերատիվ տեղեկություններ էին ստացել, որ Հայկավան գյուղի 53-ամյա բնակիչը Զառիշատ գյուղի վարչական տարածքի արոտավայրում գտնվող իր վագոն-տնակում թմրամիջոց է պահում:

Նախաձեռնվել է քրեական վարույթ, որի շրջանակում նոյեմբերի 6-ին կատարված զննությամբ 53-ամյա տղամարդու վագոն-տնակում հայտնաբերվել է 77 գրամ մարիխուանա տեսակի թմրամիջոց։ Նախաքննությունը շարունակվում է։

ԻՆՉՈՒ ԵՆ ԿՈՒՄԱՅՐԻԻ ԲԱԺԻՆ ՏԵՂԱՓՈԽԵԼ 24-ԱՄՅԱ ԵՐԻՏԱՍԱՐԴԻՆ

Շիրակի մարզի պարեկները, իրացնելով ստացված տեղեկությունները, նոյեմբերի 9-ին Գյումրի քաղաքի Ղանդիլյան փողում հայտնաբերել, ապօրինի թմրամիջոց պահելու, պատրաստելու եւ օգտագործելու կասկածանքով ձերբակալել եւ Համայնքային ոստիկանության Կումայրիի բաժին են տեղափոխել գյումրեցի 24-ամյա մի երիտասարդի։

Նրա անձնական խուզարկությամբ հայտնաբերվել է 16,51 գրամ կանեփանման կիսաչոր զանգված։ 24-ամյա գյումրեցին եւ կազմված փաստաթղթերը ներկայացվել են նախաքննական մարմին։

66-ԱՄՅԱ ԳՅՈՒՄՐԵՑՈՒ ԱՎՏՈՏՆԱԿՈՒՄ ԹՄՐԱՄԻՋՈՑ ԵՆ ՀԱՅՏՆԱԲԵՐՎԵԼ

Քրեական ոստիկանության Շիրակի մարզային վարչության ծառայողները օպերատիվ տեղեկություններ էին ստացել, որ Գյումրի քաղաքի 66-ամյա բնակիչը ավտոտնակում թմրամիջոց է պահում։ Նոյեմբերի 10-ին նա ձերբակալվել եւ տեղափոխվել է վարչություն, ապա կազմված փաստաթղթերի հետ ներկայացվել է Շիրակի մարզային քննչական վարչություն։

Նախաձեռնվել է քրեական վարույթ, որի շրջանակում զննություն է կատարվել 66-ամյա տղամարդու տանը կից ավտոտնակում: Հայտնաբերվել է թմրամիջոցի նմանվող 13 գրամ զանգված. գյումրեցի տղամարդը հայտնել է, որ այն մարիխուանա է, անձնական օգտագործման համար պատրաստել է վայրաճ կանեփի թփերից:

Նախաքննությունը շարունակվում է։

Այս թեմայով Սեդրակիչը ֆիասկո է ապրում այս օրերին Կարգելվի Բաղրամյան-Պռոշյան փ. խաչմերուկից մինչև Լեռ Կամսարի փ. խաչմերուկ աջ կողմում մեքենայի կանգառը Գեւորգ Սրբազանը հունից դուրս եկավ, կասկածում է Կաթողիկոսին ՇՏԱՊ. Փաշինյանի ստատուսից մեկ օր անց քահանան «անհետանում է» 47-ամյա բռնակոթցու այգին էլ առաջվանը չէ. ՔՐԵԱԿԱՆ ՔՐՈՆԻԿՈՆ