«ԼԵԳԵՆԴԱՐ ԾԱՆՐՈՐԴՆԵՐ ԵՄ ՀԱՄԱՐՈՒՄ ՎԱՐԱԶԴԱՏ ԼԱԼԱՅԱՆԻՆ ՈՒ ԳՈՌ ՄԻՆԱՍՅԱՆԻՆ». ԾԱՆՐԱՄԱՐՏԻ ԵՐԻՏԱՍԱՐԴՆԵՐԻ ԱՇԽԱՐՀԻ ՈՒ ԵՎՐՈՊԱՅԻ ՉԵՄՊԻՈՆ ԳԱՌՆԻԿ ՉՈԼԱԿՅԱՆ։

Վերջերս Ալբանիայի Դյուրես քաղաքում ավարտված Ծանրամարտի երիտասարդների Եվրոպայի առաջնությունում ոսկե մեդալ է նվաճել երիտասարդների Աշխարհի չեմպիոն, ծնունդով Գյումրեցի ԳԱՌՆԻԿ ՉՈԼԱԿՅԱՆԸ։

Iravunk. com -ի մարզական լրագրողը Գյումրիում հանդիպել ու զրուցել է նրա հետ։

- Շնորհավորում ենք, Գառնիկ, Եվրոպայի չեմպիոնի տիտղոսը նվաճելու կապակցությամբ։

- Շնորհակալ եմ։ Հանդես եկա 60 կգ քաշային կարգում։ Պոկում վարժությունում գլխավերևում պահեցի 115 կգ, 120 կգ ծանրաձողը ոսկե մեդալ նվաճելով։ Հրում վարժությունում կրկին առաջինն էի, հաջորդաբար բարձրացրի 140 կգ, 145 կգ, 147 կգ ծանրաձողերը։ Երկամարտի 267 կգ արդյունքով նվաճեցի Եվրոպայի Մ23 տարեկանների չեմպիոնի տիտղոսը։ - Որ տարիքից սկսեցիր զբաղվել ծանրամարտով։

- 13 տարեկանից, եղբայրս ևս զբաղվել է այս մարզաձևով։ Հիմա առանց ծանրամարտի էլ չեմ կարող պատկերացնել իմ կյանքը, առօրյան։ - Գառնիկ, ում ես համարում որպես լեգենդար մարզիկ - ծանրորդ։

- Լեգենդար ծանրորդներ եմ համարում իմ համաքաղաքացիներ Վարազդատ Լալայանին ու Գոռ Մինասյանին։

- Շնորհակալություն, Գառնիկ, մեզ ժամանակ տրամադրելու համար։ Սպասենք արդեն քո հաջորդ հաղթանակին։

- Զգացված եմ ուշադրության համար, անխափան գործունեություն Ձեր թերթին։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով 12.92 միլիարդ դրամ՝ սպորտին․ 2027-ին ինչպե՞ս է ծախսվելու պետական փողը Հայաստանի հավաքականը ծանր կորուստ ունի Ազգերի լիգայի վճռորոշ խաղերից առաջ Ըմբշամարտի ԱԱ. Նարեկ Հարությունյանն ու Հրայր Ալիխանյանը պարտվեցին մեկնարկում ԱԱ. Արսեն Հարությունյանը մեկնարկեց վստահ հաղթանակով՝ 10:0 Հայ բռնցքամարտիկները Թուրքիայից կվերադառնան երկու մեդալով