Հանդիսատեսը ապշել է Կապանի «Քաոս»-ով

Կապանի դրամատիկական թատրոնի դերասան ԼԵՎՍ ԴԱՎԹՅԱՆԸ «Իրավունք»-ին փոխանցեց, որ այս տարի նշվում է Կապանի Ալեքսանդր Շիրվանզադեի անվան դրամատիկական թատրոնի 90 -ամյակը, որի կապակցությամբ տեղի է ունեցել առաջնախաղ՝ Շիրվանզադեի «Քաոսը»-ը ներկայացումը:

«Կայացավ «Քաոսը»-ը ներկայացումը, որի բեմադրիչ-ռեժիսորն է Քրիստինե Սլոյանը: Շատ հետաքրքիր եւ նորարարական լուծումներով ներկայացում է, որն անտաբեր չի թողել հանդիսատեսին: Արդեն իսկ խաղացել ենք չորս ներկայացում եւ նոյեմբերի 30-ին կխաղանք հինգերորդը: Մարզերից ու մայրաքաղաքից եկել են շատ տարբեր մարդիկ, ու բոլորը ապշած են, որովհետեւ իրականում «Քաոսը»-ը վաղուց է, ինչ էկրանավորված է, սակայն չէր բեմադրվել: Բոլորը հիացած են, որ Քրիստինան կարողացել է շատ հետաքրքիր լուծումներով այն վերարտադրել: Ես «Քաոսը»-ում մարմնավորում եմ Սմբատի կերպարը: Ասեմ, որ բոլոր դերասաններն էլ հրաշալի են խաղում իրենց դերերը»,- համառոտ ներկայացրեց Լեւս Դավթյանը:

Այն հարցին, թե արդեն իսկ նկարահանված «Ոսկե դուբլը»՝ Արարատ 73 լեգենդար թիմի մասին պատմող ֆիլմը, որի ռեժիսորը Մհեր Մկրտչյանն է, վերջապես երբ կլինի էկրաններին, Դավթյանը պատասխանեց, որ հունվարին Մոսկվայում կկայանա ֆիլմի պրեմիերան, այնուհետ Երեւանում հանդիսատեսը կունենա այն դիտելու հնարավորություն:

ՆԱՆԱ ՍԱՐԳՍՅԱՆ

Այս թեմայով «Կյանքիս ամենալուսավոր նորությունը»․ դերասան Լևս Դավթյանն ու կինը սպասում են իրենց առաջնեկին Պատիվ է մարմնավորել Հովհաննես Զանազարյանի կերպարը. Լեւս Դավթյան Ովքեր են 2025 թ. լավագույն մշակութային գործիչներն, ըստ «Իրավունք»-ի Այս կարգի պառակտված ընդդիմություն մենք 30 տարվա մեջ չենք ունեցել. Լեւս Դավթյա Պատգամավորական անձեռնմխելիության եւ աշխատավարձերի տակ մի՛ պախկվեք. Լեւս Դավթյան