«Իրավունք». Էջմիածնում «Հանրապետությանը» առաջ տանելու մեխանիզմը եւս չի աշխատում

«Իրավունք»-ը գրում է.

«Ինչ­պես հայտ­նում է ՔՊ-ից քա­ջա­տեղ­յակ մեր աղբ­յու­րը, փա­շին­յա­նա­կան շրջա­նակ­նե­րում սկսել են լուրջ, տագ­նա­պի հաս­նող մտա­հո­գութ­յուն­նե­րով նա­յել Վա­ղար­շա­պա­տի նա­խընտ­րա­կան ի­րա­վի­ճա­կին: Ի սկզբա­նե այն տրա­մադ­րութ­յան մեջ էին, որ «խա­ղա­ղութ­յուն» քա­րո­զի ներ­քո ի­րենց թեկ­նա­ծուն՝ Ար­գիշ­տի Մե­խակ­յա­նը, ա­ռանց խնդիր­նե­րի հաղ­թե­լու է: Հե­տո հաս­կա­ցան, որ խան­գա­րող գոր­ծոն­նե­րը շատ են, այդ թվում՝ Փա­րաք­ա­րի հա­մայն­քա­պետ Վա­լոդ­յա Գ­րի­գոր­յա­նի տես­քով: Գ­րի­գոր­յա­նի սպա­նութ­յու­նից հե­տո, սա­կայն, ըստ աղբ­յու­րի, ի­րա­վի­ճա­կը ոչ միայն չկար­գա­վոր­վեց, այլ ա­վե­լի վա­տա­ցավ: «Ե­թե չեմ սխալ­վում, այդ ժա­մա­նակ Ձեզ ար­դեն պատ­մել եմ, որ Գ­րի­գոր­յա­նի մեր­ձա­վոր մի շարք ան­ձինք, ով­քեր ո­րո­շա­կի կշիռ ու­նեն տա­րած­քում, ո­րո­շել են, որ ոչ միայն չեն դա­դա­րեց­նում ի­րենց գոր­ծու­նեութ­յու­նը, այլ կշա­րու­նա­կեն աշ­խա­տել նրա մատ­նան­շած ուղ­ղութ­յամբ, թե­կու­զեւ հա­նուն ի­րենց ըն­կե­րոջ հի­շա­տա­կի»,- հի­շեց­րեց աղբ­յու­րը:

Արդ­յուն­քում, ինչ­պես ման­րա­մաս­նեց մեր զրու­ցա­կի­ցը, ընտ­րար­շա­վի ըն­թաց­քին զու­գա­հեռ, իշ­խա­նա­կան վեր­նա­խա­վի մոտ ա­վե­լի ու ա­վե­լի հաս­տատ­վեց հա­մոզ­մուն­քը, որ ցան­կա­ցած վար­չա­կան ռե­սուր­սի պա­րա­գա­յում Մե­խակ­յա­նի շան­սե­րը չեն ա­վե­լա­նում: Ըստ այդմ. «Ո­րո­շումն այն է, որ փոր­ձեն հիմ­նա­կան շեշ­տը դնել ՔՊ-ի կցոր­դի՝ «Հան­րա­պե­տութ­յան» թեկ­նա­ծո­ւի վրա, ո­րի շան­սերն ա­վե­լի նա­խընտ­րե­լի են»,- շա­րու­նա­կեց պատ­մել աղբ­յու­րը, բայց նաեւ նշե­լով, որ այդ մե­խա­նիզ­մը եւս, պարզ­վում է՝ «ոչ մի տեղ չտա­նող ճա­նա­պարհ է»:

«­Բանն այն է, որ ներ­կա բո­լոր հաշ­վարկ­նե­րը հու­շում են, որ Ե­րե­ւա­նի սցե­նա­րը Էջ­միած­նում կրկնելն անհ­նար է: Ն­կա­տի ու­նեմ ՔՊ-ի եւ «Հան­րա­պե­տութ­յան»՝ միաս­նա­բար 50 տո­կո­սից ա­վել ձայ­ներ տա­նե­լու տար­բե­րա­կը: Հաշ­վարկ­նե­րը հու­շում են, որ ներ­կա դրութ­յամբ, ե­թե նաեւ ողջ վար­չա­կան ռե­սուրսն են գոր­ծի դնում, ան­գամ 40 տո­կո­սի հաս­նե­լը պետք է շատ լավ արդ­յունք հա­մա­րել: Ընդ ո­րում, կա­րող է աշ­խա­տել Գ­յում­րիի սցե­նա­րը. չեն տես­նում ան­ցո­ղիկ ո­րե­ւէ ուժ, ո­րը կցան­կա­նա հա­մա­գոր­ծակ­ցել ՔՊ-ի եւ «Հան­րա­պե­տութ­յան» հետ՝ 50 տո­կոս + 1-ն­ ա­պա­հո­վե­լու հա­մար: Այ­սինքն, հի­մա կաշ­խա­տեն ՔՊ-ի թեկ­նա­ծո­ւի օգ­տին, թե՝ «Հան­րա­պե­տութ­յան», դրա­նից ընդ­հա­նուր գու­մա­րը չի փոխ­վում: Նաեւ նկա­տել են, որ «Հան­րա­պե­տութ­յան» օգ­տին աշ­խա­տե­լը լրջա­գույն այլ վտանգ ու­նի. այդ դեպ­քում ՔՊ-ն պար­զա­պես կա­րող է հայտն­վել լա­վա­գույն տար­բե­րա­կով եր­րորդ տե­ղում: Իսկ ա­մե­նամ­ռայլ կան­խա­տե­սում­նե­րով, կա­րող է նաեւ ան­ցո­ղիկ շե­մը չանց­նել, ինչն ար­դեն կդառ­նա իս­կա­կան կա­տաստ­րո­ֆա Փա­շին­յա­նի հա­մար: Ուս­տիեւ, վեր­ջին պա­հին փոր­ձում են նո­րից լծակ­նե­րը շրջել Մե­խակ­յա­նի օգ­տին, չնա­յած նա, ինչ­պես պատ­մե­ցին, ար­դեն բա­վա­կա­նին դե­պրե­սիվ վի­ճա­կում է. սո­վո­րել էր եր­ջան­կա­հի­շա­տակ հոր հաշ­վին տար­բեր դիր­քեր զբա­ղեց­նել, ու հի­մա հեր ա­նու­նից էլ շա­տե­րը նրան դա­տա­փետ­ում են: Ու փո­խա­րե­նը, կա­րող է ձեռ­նու­նայն մնալ»:

Ինչ վե­րա­բե­րում է Փա­շին­յա­նին, ա­պա, ըստ աղբ­յու­րի, ար­դեն այս պա­հին հիմ­նա­կան մտած­մունք­նե­րը սպաս­վող հա­մա­պե­տա­կան ընտ­րութ­յուն­նե­րի մա­սին են: «Էն գլխից էր հաս­կա­նա­լի, որ Էջ­միած­նի ընտ­րութ­յուն­նե­րը ոչ միայն հա­կաե­կե­ղե­ցա­կան ար­շա­վում կոշտ քայ­լե­րի գնա­լու (ան­վե­րա­պահ հաղ­թա­նա­կի դեպ­քում, ի­հար­կե) հա­մար են, այլ նաեւ սպաս­վող ԱԺ ընտ­րութ­յուն­նե­րի հա­մար են փոր­ձա­քա­րի դեր ու­նե­նա­լու: Ե­թե չկա­րո­ղա­նա ինք­նու­րույն, ա­ռանց «Հան­րա­պե­տութ­յան» հաղ­թել, ու­րեմն ԱԺ ընտ­րութ­յուն­նե­րում խնդիր­նե­րը շատ լուրջ են լի­նե­լու: Ո­րոշ հա­մայն­քա­պետ­նե­րի կա­լա­նա­վո­րե­լը նաեւ Էջ­միած­նում ընդ­դի­մա­դիր թեկ­նա­ծու­նե­րի աչ­քը վա­խեց­նե­լու ի­մաստ ու­ներ: Բայց նման է, որ այդ մե­խա­նիզ­մը եւս չաշ­խա­տեց: Ա­մեն դեպ­քում, սպա­սենք ընտ­րութ­յուն­նե­րին, դրանք կտան շատ հար­ցե­րի մա­սին ի­րա­տե­սա­կան պատ­կե­րա­ցում­ներ, նաեւ, թե ա­ռա­ջի­կա ա­միս­նե­րին ինչ նոր ի­րո­ղութ­յուն­նե­րի ենք բախ­վե­լու»,- խոսքն ա­վար­տեց աղբ­յու­րը»:

Այս թեմայով Ինչու է ՔՊ-ն դանդաղում իր որոշումների մեջ.ո՞վ կասի.... «Հրապարակ». Ապարանում եւս մտադիր են գործարկել Գորիսի մոդելը Վիրավոր իմ Հայաստան, դու դեռ ուղղելու ես քո ողնաշարը Պատմությունը հզոր ուսուցիչ է, բայց դասեր քաղել դրանից մենք այդպես էլ չսովորեցինք Պետությունը չպետք է քաղաքացու փոխարեն որոշի՝ նրա վիշտը ֆինանսապես «բավարար ծանր» է, թե ոչ