Էրդողանը հաստատել է կործանված ինքնաթիռի «սև արկղի» հայտնաբերումը

Թուրքիայի նախագահ Ռեջեփ Թայիփ Էրդողանը հաստատել է, որ Վրաստանում նախօրեին կործանված Թուրքիայի ռազմաօդային ուժերի C-130 ինքնաթիռի կործանման վայրում հայտնաբերվել է «սև արկղը» և սկսվել է դրա ուսումնասիրությունը։

«Հենց որ տեղեկացանք տեղի ունեցածի մասին, մեր Ազգային պաշտպանության նախարարը, ինչպես նաև Ներքին և Արտաքին գործերի նախարարները կապ հաստատեցին համապատասխան կողմերի հետ։ Անմիջապես սկսվեցին որոնողափրկարարական աշխատանքները։ Մենք, համագործակցելով վրացական իշխանությունների հետ, որոնումների մեջ անմիջապես ներգրավեցինք մեր անօդաչու թռչող սարքերը։ Նույն երեկոյան տեղեկություն ստացվեց, որ ինքնաթիռի բեկորները գտնվել են։ Տարածքը, որտեղ հայտնաբերվել են բեկորները, շրջափակվել է։ Մեր ինքնաթիռի սև արկղը գտնված է, սկսվել է դրա ուսումնասիրությունը», - ասել է Էրդողանը Անկարայում ունեցած ելույթի ժամանակ։

Էրդողանը հայտնել է, որ տեղի ունեցածը «մանրակրկիտ կերպով և բոլոր առումներով կհետաքննվի»։ «Վրացական իշխանությունները  առավելագույն աջակցություն և համագործակցություն են ցուցաբերում ամենաբարձր մակարդակով։ Ադրբեջանցի եղբայրները նույնպես տրամադրում են բոլոր անհրաժեշտ աջակցությունն ու օգնությունը։ Իմ ժողովուրդը կարող է վստահ լինել, որ Թուրքիայի, Վրաստանի և Ադրբեջանի բոլոր ռեսուրսները մոբիլիզացված են։ Մենք ուշադրությամբ հետևում ենք աշխատանքների ընթացքին [կործանման վայրում]։ Մենք կապահովենք դեպքի մանրակրկիտ հետաքննությունը և բոլոր կողմերի պարզաբանումը», - հայտարարել է Թուրքիայի ղեկավարը։

Այս թեմայով Դոնալդ Թրամփը Սի Ցզինպինին դիմավորեց ինքնաթիռի մոտ (Տեսանյութ) ԱՄՆ-ի որոշումը շոկային ռեակցիա է առաջացրել ուկրաինացիների մոտ Վերջին շաբաթներին Ռուսաստանը երկու անգամ փորձել է հարձակվել իմ ինքնաթիռի վրա. Զելենսկի Նիկոլ Փաշինյանը հաստատել է՝ Առուշ Առուշանյանը լինելու է իրենց թեկնածուն, դաշինք են կազմելու Դավիթ Իշխանյանի ուղերձը , հենց ցեղասպանության ենթարկվող անձի հայի ոգեղենություն պահելու խնդրանքն էր