Ովքեր գալիս են Եռաբլուր, ինչպե՞ս կարող են Արցախի հարցը փակված համարել. Թեւան Պողոսյան

Մարդկային զարգացման միջազգային կենտրոնի ղեկավար, քաղաքագետ ԹԵՎԱՆ ՊՈՂՈՍՅԱՆԸ, անդրադառնալով ներկայիս իշխանությանը՝ ընդգծեց, որ ցանկացած քաղաքական միավոր, որը խոստումներ է տալիս, գալիս է իշխանության, բայց իր խոստումները չի կատարում, այլեւս ոչ լեգիտիմ է:

Անդրադառնալով նրան, որ ՀՀ իշխանությունները հետեւողականորեն փորձում են Արցախի հարցը փակել, Պողոսյանն ընդգծեց. «Մինչեւ կա մեկ հայ, ում սրտում, հոգում եւ մտքում կա Արցախը, Արցախի էջը փակված չէ: Նույնիսկ Բաքվի բանտերում կան մարդիկ, որ ասում են՝ Արցախի հարցը փակ չէ: Այ դա տարածեք։ Ռուբեն Վարդանյանը կամ մնացածը, ովքեր գերի են այնտեղ, այդ նույն կարծիքին չեն: Արցախի էջը չի փակվելու՝ մինչեւ աշխարհում կա գոնե մեկ հայ, ում սրտում, հոգում եւ մտքում կա Արցախի հարցը: Բոլոր նրանք, ովքեր գալիս են Եռաբլուր, ինչպե՞ս կարող են համարել, որ Արցախի հարցը փակված է»:

Թեւան Պողոսյանը հայրենի Արցախ վերադառնալու հնարավորության մասին խոսելով՝ նշեց, որ աշխարհում անհնարին բան չկա. «Եթե մենք մեր երազանքը պահենք, որեւէ բան անհնարին չէ»։

Ինչ վերաբերում է նրան, թե խաղաղություն կարո՞ղ է հաստատվել այսօրվա առկա պայմաններում, նա հավելեց. «Երբ ձեզ խաղաղություն են ասում, բայց դա ներկայացնում են վախի մթնոլորտի մեջ, թե՝ այսպես չանենք, պատերազմ է լինելու, ուրեմն՝ դա խաղաղություն չէ։ Այս խաղաղությունը վախեցնելով են բերել, ուրեմն՝ եկեք այդ բառը մի օգտագործեք»։

Ըստ Թեւան Պողոսյանի` սխալի համար պատասխան են տալիս. «Երբ մարդ գիտակցում է, որ սխալ է արել, հրաժարական է տալիս ու հեռանում է, ոչ թե թատրոն է բեմադրում»։ Ահա այսպիսին էր նրա պատասխանը՝ 44-օրյա պատերազմում Նիկոլ Փաշինյանի թույլ տված սխալներին ի պատասխան:

Այս թեմայով Ա՛խ...ամենացավոտ հարցը տվեցիք. Սպորտի լեգենդի վերջին հարցազրույցը Կյանքից հեռացել է «Արարատ-73»-ի ֆուտբոլիստ Սերգեյ Պողոսյանը ՌԴ նախագահը, կարելի է ասել, խնդրում է հայ ժողովրդին՝ ձեզ տիրություն արեք, ձեր վարչապետը՝ ձեզ կործանում է. Պողոսյան Հայ մարդուն դատում էին հայ մարդկանց հող տալու համար․ ում է հանդիպել Կարապետ Պողոսյանը բանտում «Ուժեղ Հայաստան» խմբակցության առաջին համարը, մեղմ ասած, «ուժեղ ձևերով» ձեռքերը լվաց իր իսկ քաղաքական թիմի անդամից․ Պողոսյան