Ադրբեջանը հերթական պահանջն է ներկայացրել հայկական կողմին. Գառնիկ Դանիելյան

ԱԺ «Հայաստան» խմբակցության պատգամավոր ԳԱՌՆԻԿ ԴԱՆԻԵԼՅԱՆԸ մտավախություն ունի, որ Ադրբեջանով Հայաստան ներկրված ցորենով PR ակցիա կազմակերպելով՝ հասարակությանը հերթական զիջումներին են նախապատրաստում։

— Առաջիկայում մենք կպարզենք, թե այդ մեկանգամյա եկած ցորենի իրական պատճառները որոնք են: Ես ենթադրություններ ունեմ, որ Ադրբեջանը հերթական պահանջն է ներկայացրել հայկական կողմին։ Տարածքների մասով Նիկոլ Փաշինյանն անոնսել է՝ ասելով, որ ՀՀ-ի տարածքում կան ադրբեջանական տարածքներ, որոնք պետք է հետ վերադարձվեն, հերթական զիջումների նախապատրաստական փուլն է կազմակերպվում: Նիկոլ Փաշինյանի հայտարարած «անկլավների» իրավական հիմքերը չկան, բայց կարելի է ենթադրել, որ Կիրանցի նման դրանք միակողմանի կհանձնվեն Ադրբեջանին՝ դիմացը չստանալով Արծվաշենը: Եվ ընդհանրապես՝ եթե մի քանի վագոն ցորեն է եկել Ադրբեջանի տարածքով, դա դիվերսիֆիկացիա՞ է։ Կոմունիկացիաների ապաշրջափակում կարող է լինել այն պարագայում, երբ միաժամանակ բացվում են բոլոր ենթակառուցվածքներ ու ճանապարհները։ Սա չի կարելի համարել պատմական իրողություն։ Եթե դուք լսել եք Ադրբեջանի ԱԳ նախարարի ասուլիսը եւ նաեւ ԱԳՆ խոսնակի հայտարարությունը, նրանք խոսում են Հայաստանի Հանրապետությունից հերթական պահանջներ ներկայացնելու և այդ պահանջները բավարարելու մասին։ Այսինքն, մենք ունենք լրջագույն խնդիր, ու այդ լրջագույն խնդիրը թողած, ասում ենք՝ Ադրբեջանի տարածքով մի քանի վագոն ցորեն ենք ստացել՝ այն էլ անասնակեր։ Դա լո՞ւրջ է, սա համարում եք ձեռքբերո՞ւմ: Մինչդեռ անընդհատ Ալիեւն իր հարցազրույցների ժամանակ շեշտում եւ հիշատակում է, որ ադրբեջանցիները պիտի գան, վերադառնան։ Մենք պետք է հասկանանք, թե իրապես Ադրբեջանի նպատակները որո՞նք են։ Սա՞ է իրենց պատկերացրած խաղաղությունը, երբ Ադրբեջանն անընդհատ պահանջներ է ներկայացնում Սահմանադրության փոփոխության, Անկախության հռչակագրի չեղարկման, ադրբեջանցիների այստեղ բնակեցման. միջանցք բացելու, նաեւ տարածքային պահանջներ է ներկայացնում:

Այս թեմայով Օպերային երգիչներին ու Կապելլային՝ չնչին գումարներ, տաշ-տմբլ երգողներին՝ բազմապատիկ ավել․ Սուքիասյան Ի՞նչ են քննարկել «Ուժեղ Հայաստան»-ի եւ «Հայաստան»-ի ղեկավարները Գուցե արժե հարցնեք ինքներդ ձեզ՝ ինչի՞ եք հասցրել այս երկիրը․ ԶԱՐՄԱՆՔ «Գրատախտակին գնալու» մասին խոսելուց առաջ արժե հիշել ամենակարեւորը․ Հենրիխ Դանիելյան Չի կարող լինել խաղաղություն, եթե մեր հայրենակիցները բաքվի բանտում են․ Դանիելյան